ព័ត៌មានអន្ដរជាតិ

មកស្គាល់អវកាសយានិកស្ត្រី ចិន ដំបូងគេ ជាគំរូដល់យុវជនជំនាន់ក្រោយ

បានផុស

២ years មុន

នៅ

ថ្ងៃព្រហស្បតិ៍ ៧ មីនា ២០២៤

ដោយ

អវកាសយានិកស្រ្តីជនជាតិចិនដំបូងគេដែលជាគំរូដល់យុវជនជំនាន់ក្រោយៗ បន្ទាប់ពីបំពេញបេសកកម្មលើលំហអាកាសបានយ៉ាងជោគជ័យនាពេលកន្លងទៅ, ថ្មីៗនេះលោកស្រីនៅតែបន្តបេ្តជ្ញាបេសកកម្មស្រាវជ្រាវលើលំហថ្មីៗបន្ថែមទៀត ។ នេះបើតាមការចុះផ្សាយរបស់សារព័ត៌មានចិន CGTN ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពព័ត៌មានដដែលបានឲ្យដឹងថា អវកាសយានិកស្រ្តីចិនដំបូងគេបង្អស់ គឺលោកស្រី Liu Yang ថែមទាំងបានប្តេជ្ញាពង្រីកបន្ថែមនូវគុណភាពអភិវឌ្ឍលើការពិសោធក្នុងលំហរបស់ជាតិចិន ពោលគឺក្នុងទិសដៅស្រាវជ្រាវរុករកអ្វីថ្មីៗបន្ថែមទៀត ។

ក្រោយពេលបំពេញបេសកកម្មជោគជ័យលើកទី ២ លើលំហកាលពីឆ្នាំ ២០២២ និងក្នុងរយៈ ៦ ខែនៅលើគន្លងអវកាស លោកស្រី Liu បានបន្តកិច្ចសហប្រតិបត្តិការជាប់ជាមួយអ្នកស្រាវជ្រាវវិទ្យាសាស្រ្តជាច្រើន ក្នុងនោះមានការចែករំលែកនូវបទពិសោធរបស់អ្នកស្រីដើម្បីពង្រីកវិសាលភាព និងសម្រួចកិច្ចស្រាវជ្រាវក្នុងវិស័យនេះផងដែរ ។

ក្នុងនាមជាអនុប្រធានសម័យប្រជុំលើកទី ១៤ នៃសភាប្រជាជនចិន (NPC) ផងដែរនោះ លោកស្រី Liu ក៏គ្រោងនឹងគាំទ្រ និងជួយជាបទពិសោធដល់គម្រោងពិសោធនានាក្នុងឆ្នាំ ២០២៤ នេះទៅដល់អ្នកដែលចូលចិត្តវិស័យស្រាវជ្រាវលំហអវកាសដែលក្នុងនោះលោកស្រីនឹងគាំទ្រដល់ការចូលរួមប្រកួតចម្រាញ់យកអ្នកមានទេពកោសល្យផ្សេងៗនៅលើវិស័យលំហអវកាសនេះ ។

គួររំឭកផងដែរថា លោកស្រី Liu Yang ជាអវកាសយានិកស្រ្តីចិនដំបូងគេដែលបំពេញបេសកកម្មនៅលើអវកាស ដែលពេលនោះលោកស្រីជាក្រុមការងារនៃបេសកកម្មលំហអវកាសចិន Shenzhou 9 ចាប់ផ្តើមការងារកាលពីថ្ងៃទី១៦ ខែមិថុនា ឆ្នាំ២០១២ ៕

ដោយ៖ មាន រតនា

Related Topics:ប្រទេសចិន អវកាសយានិក

ព័ត៌មានអន្ដរជាតិ២ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា