សុខភាព

អ្នកមានជំងឺទឹកនោមផ្អែមប្រចាំកាយ គួរយល់ដឹងពីហានិភ័យនៃជំងឺកូវីដ ១៩ ជាប្រញាប់

បានផុស

៥ years មុន

នៅ

ថ្ងៃអង្គារ ២៣ កុម្ភៈ ២០២១

ដោយ

សាង ស្រីល័ក្ខ

ការផ្សារភ្ជាប់គ្នារវាងកូវីដ១៩ និងជំងឺទឹកនោមផ្អែម

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកដែលមានជំងឺទឹកនោមផ្អែមមិនងាយនឹងឆ្លងមេរោគនេះ ជាងមនុស្សដទៃទៀត។ ប៉ុន្តែយើងអាចមានជំងឺធ្ងន់ធ្ងរថែមមួយកម្រិតទៀត បើយើងបានឆ្លងជំងឺកូវីដ១៩។

ការមានជាតិស្ករក្នុងឈាមខ្ពស់ អាចរំខានដល់សមត្ថភាពរាងកាយរបស់យើងក្នុងការប្រយុទ្ធប្រឆាំងនឹងការឆ្លង។ ជាពិសេសវាក៏អាចចំណាយពេលយូរដែរ ដើម្បីឲ្យរាងកាយយើងធូរស្បើយ។ អ្នកជំនាញខ្លះជឿថា វីរុសអាចលូតលាស់នៅក្នុងខ្លួន នៅពេលមានគ្លុយកូសក្នុងឈាមកើនឡើងខ្ពស់។ ជាតិស្ករក្នុងឈាមខ្ពស់អាចជះឥទ្ធិពលដល់ប្រព័ន្ធភាពស៊ាំរបស់អ្នកជំងឺ ដែលធ្វើឲ្យអ្នកជំងឺងាយនឹងមានផលវិបាកធ្ងន់ធ្ងរ ប្រសិនបើពួកគេឆ្លងវីរុសកូរ៉ូណា។

ប៉ុន្តែឱកាសអាចនឹងទាបជាង ប្រសិនបើជំងឺទឹកនោមផ្អែមរបស់យើងស្ថិតក្រោមការគ្រប់គ្រងបានត្រឹមត្រូវ។

អ្វីដែលគួរធ្វើដើម្បីកាត់បន្ថយឱកាសនៃការឆ្លង៖

សូមលាងដៃឲ្យបានញឹកញាប់ជាមួយសាប៊ូនិងទឹក ជាពិសេសបន្ទាប់ពីបានទៅកន្លែងផ្សព្វផ្សាយសាធារណៈ។ រក្សាចម្ងាយរបស់អ្នកពីមនុស្សផ្សេងទៀត។ ព្យាយាមនៅឲ្យឆ្ងាយពីអ្នកដទៃយ៉ាងតិច ១ម៉ែត្រកន្លះ ពាក់ម៉ាសមុនពេលចេញក្រៅ។ ជៀសវាងកន្លែងដែលមានមនុស្សមិនពាក់ម៉ាស់ ហើយកុំប៉ះភ្នែកច្រមុះនិងមាត់ បើសិនអ្នកមិនទាន់លាងដៃនោះទេ។

ចំពោះអ្នកជំងឺទឹកនោមផ្អែមធ្វើយ៉ាងម៉េចដើម្បីឲ្យខ្លួនឯងមានសុវត្ថិភាព?

ត្រូវធ្វើតេស្តនិងតាមដានជាតិស្ករក្នុងឈាមរបស់អ្នករាល់ថ្ងៃ។ លេបថ្នាំឬអាំងស៊ុយលីនតាមការណែនាំជាប្រចាំ។
ស្តុកទុកថ្នាំអាំងស៊ុយលីនតាមវេជ្ជបញ្ជារបស់ពេទ្យ និងត្រូវធ្វើតេស្តលើរាងកាយជានិច្ច។ លាងសំអាតកន្លែងដែលធ្វើតេស្តដូចជាឧបករណ៍ជ្រលក់ទឹក និងចុងម្រាមដៃដោយសាប៊ូជាមួយទឹកឬជូតអាល់កុល។

ជាពិសេសត្រូវរក្សាទំនាក់ទំនងជាមួយក្រុមថែទាំសុខភាពរបស់អ្នកឲ្យជាប់។ ប្រញាប់ទៅមន្ទីរពេទ្យភ្លាមៗ ប្រសិនបើអ្នកព្រួយបារម្ភអំពីជំងឺទឹកនោមផ្អែម ឬអ្នកមានអារម្មណ៍ថាមិនស្រួលខ្លួនត្រង់ណានៃរាងកាយ។

ថែរក្សាសុខភាពផ្លូវចិត្ត

អ្នកដែលមានជំងឺទឹកនោមផ្អែមងាយនឹងធ្លាក់ទឹកចិត្តច្រើនជាងអ្នកដែលមិនមានជំងឺនេះ។ ធ្វើអ្វីដែលធ្វើអ្នកសប្បាយចិត្តជាពិសេសជាមួយក្រុមគ្រួសារនិងមិត្តភ័ក្ដិ៕

ប្រែសម្រួល៖ សាង ស្រីល័ក្ខ

ប្រភព៖webmd

ចុចអាន៖ផលវិបាក និងការវិវត្ត និងការព្យាបាលនៃ “ជំងឺស្រឺត”

ចុចអាន៖លម្អិតផ្លូវការពីក្រសួង៖ សុំតេស្តកូវីដទៅក្រៅប្រទេស រកឃើញឆ្លងបន្តបន្ទាប់គ្នា

Related Topics:ការថែទាំសុខភាព ជំងឺទឹកនោមផ្អែម

ព័ត៌មានអន្ដរជាតិ១៩ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា