ជីវិតកម្សាន្ដ

ដឹងខុស! ម្ចាស់ហ្វេសប៊ុក Santa KH ចេញមុខសុំទោសមហាជនជាសាធារណៈនូវកំហុសឆ្គង

បានផុស

២ years មុន

នៅ

ថ្ងៃព្រហស្បតិ៍ ២៥ មេសា ២០២៤

ដោយ

បន្ទាប់ពីផ្ទុះការរិះគន់ដូចទឹកបាក់ទំនប់ពាក់ព័ន្ធការថតបង្ហោះរូបភាពមិនសមរម្យនៅទីតាំងសេះសមុទ្របាញ់ទឹកនាខេត្តកំពតពេលនេះម្ចាស់គណនីហ្វេសប៊ុកឈ្មោះ Santa KH ដែលមានឈ្មោះពិត ស៊ុំ សារុន បានចេញមុខសុំទោសមហាជនជាសាធារណៈ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ម្ចាស់គណនីហ្វេសប៊ុកឈ្មោះ Santa KH បានបញ្ជាក់ឲ្យដឹងថា «ជាដំបូងសូមគោរពដល់ថ្នាក់ដឹកនាំ និងសូមគោរពបងប្អូនខ្មែរយើងទូទាំងប្រទេសខ្ញុំបាទ ស៊ុំ សារុន (ហៅសាន់តា) សូមចេញមុខដឹងនូវកំហុសឆ្គងដែលបានថតរូបមិនគប្បីជាមួយរូបសំណាក សេះសមុទ្រដោយអចេតនា ខ្ញុំពិតជាសុំទោសបងប្អូនជនរួមជាតិសុំទោសដែលខ្ញុំថតរូបខ្វះការគិត បង្ហាញកាយវិការមិនល្អ មកពីខ្ញុំពុំសូវមានចំណេះដឹងគិតមិនបានវែងឆ្ងាយ»។

លោក ស៊ុំ សារុន បានបន្តថា «ទាក់ទងនឹងរូបភាពបែកធ្លាយគឺជារូបភាពលោកថតកម្សាន្ត Copy Style តាមបងប្អូន និងបានយកមកដាក់ Story លេងនៅម៉ោង ១២យប់ តែ ៣នាទីលោកក៏លុបវិញភ្លាមៗ ព្រោះគិតថារូបមានសកម្មភាពមិនសមរម្យ។ សម្រាប់ការថតរូបនេះគឺពិតជាគ្មានគោលបំណងមើលងាយរូបសំណាកសេះសមុទ្ររបស់ប្រទេសខ្លួនឡើយ»។

បន្ថែមពីនេះ ម្ចាស់គណនីខាងលើក៏បានសន្យាថា «កំហុសមួយនេះខ្ញុំនឹងចងចាំអស់មួយជីវិត មិនឲ្យមានលើកក្រោយ និងសង្ឃឹមថាបងប្អូនជនរួមជាតិរបស់ខ្ញុំអត់ឱនឲ្យមនុស្សគ្មានការអប់រំដូចខ្ញុំបាទ»។

ដោយឡែក បើតាមការបញ្ជាក់ឲ្យដឹងពីលោកស្នងការខេត្តកំពត បានឲ្យដឹងថា«លោក SantaKH នឹងឡើងមកជួបខ្ញុំល្ងាចនេះ នៅស្នងការដ្ឋាននគរបាលខេត្តកំពត សូមអរគុណចំពោះការឆ្លើយតប»៕

អត្ថបទ៖ ចាន់រ៉ា