កីឡា

កំណត់ត្រាឥតខ្ចោះ អ៊ូបេគីស្ថានគ្មានក្រុមណាស៊ុតចូល មុនឡើងផ្ដាច់ព្រ័ត្រ AFC U23

បានផុស

២ years មុន

នៅ

ថ្ងៃអង្គារ ៣០ មេសា ២០២៤

ដោយ

ក្រុមបាល់ទាត់យុវជនអាយុក្រោម២៣ឆ្នាំអ៊ូបេគីស្ថាន បានធ្វើឲ្យអ្នកគាំទ្របាល់ទាត់កំពុងភ្ញាក់ផ្អើល ក្រោយពួកគេធ្វើបានយ៉ាងល្អជាពិសេសឈានដល់វគ្គផ្ដាច់ព្រ័ត្រពានរង្វាន់ AFC U23 Asian Cup ឆ្នាំ២០២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចាប់តាំងពីការប្រកួតវគ្គសន្សំក្នុងពួលសម្រាប់ឆ្នាំ២០២៤ អ៊ូបេគីស្ថានរក្សាសំណាញ់ទីបានយ៉ាងល្អ ដោយគ្មានក្រុមណាអាចស៊ុតបញ្ចូលទីពួកគេបានឡើយ។ ឆ្លងកាត់ការប្រកួត៥លើក អ៊ូបេគីស្ថានស៊ុតចូលគូប្រកួតបានចំនួន១៤គ្រាប់ ប៉ុន្តែការពារបានយ៉ាងល្អឥតខ្ចោះ ដោយមិនរបូតគ្រាប់បាល់សូម្បី១គ្រាប់។

សម្រាប់ស្ថិតិ៥ប្រកួតក្នុងការប្រកួតពានរង្វាន់ AFC U23 Asian Cup របស់អ៊ូបេគីស្ថាន៖
ក្នុងវគ្គសន្សំពិន្ទុក្នុងពូល
-អ៊ូបេគីស្ថាន ២-០ ម៉ាឡេស៊ី
-អ៊ូបេគីស្ថាន ៥-០ គុយវ៉ែត
-អ៊ូបេគីស្ថាន ៣-០ វៀតណាម
វគ្គ៨ក្រុមចុងក្រោយ
-អ៊ូបេគីស្ថាន ២-០ អារ៉ាប៊ីសាអ៊ូឌីត
វគ្គពាក់កណ្ដាលផ្ដាច់ព្រ័ត្រ
-អ៊ូបេគីស្ថាន ២-០ ឥណ្ឌូណេស៊ី

យុវជនអាយុក្រោម២៣ឆ្នាំអ៊ូបេគីស្ថានជាក្រុមមួយមានប្រវត្តិជោគជ័យខ្លាំងក្នុងពានរង្វាន់ AFC U23 Asian Cup គិតចាប់តាំងពីឆ្នាំ២០១៣ ជាពេលពានរង្វាន់នេះត្រូវបានបង្កើតឡើង។ ពួកគេធ្លាប់ឈ្នះជើងឯក១លើកនៅឆ្នាំ២០១៨ ទទួលបានជើងឯករង១លើកឆ្នាំ២០២២ និងទទួលបានចំណាត់ថ្នាក់លេខ៤ កាលពីឆ្នាំ២០២០។

ការប្រកួតឆ្នាំនេះ អ៊ូបេគីស្ថានបានឡើងដល់វគ្គផ្ដាច់ព្រ័ត្រជាលើកទី៣ ហើយត្រូវជួបជាក្រុមខ្លាំងជប៉ុន នៅថ្ងៃទី៣ ខែឧសភា នាវេលាម៉ោង១០:៣០នាទីយប់។ ជប៉ុននិងអ៊ូបេគីស្ថាន សុទ្ធតែធ្លាប់ឈ្នះជើងឯកពានយុវជនអាយុក្រោម២៣ឆ្នាំទ្វីបអាស៊ី១លើកដូចគ្នា ដូច្នេះពួកគេនឹងមានមួយត្រូវបង្កើតកំណត់ត្រាឈ្នះជើងឯកជាលើកទី២ AFC U23 Asian Cup៕