ព័ត៌មានអន្ដរជាតិ

កូរ៉េខាងត្បូង បង្ក្រាបចម្រៀង ដែលសរសេរលើកជើងលោក គីម ជុងអ៊ុន

បានផុស

២ years មុន

នៅ

ថ្ងៃអង្គារ ២១ ឧសភា ២០២៤

ដោយ

Chheang

និយ័តករប្រព័ន្ធផ្សព្វផ្សាយកូរ៉េខាងត្បូង បានប្រកាសការបង្ក្រាបលើវីដេអូចម្រៀងឃោសនាមួយ ដែលនិពន្ធសរសើរកប់ៗមាត់ពីវីរៈភាពរបស់លោក គីម ជុងអ៊ុន។ នេះបើយោងតាមការចុះផ្សាយរបស់ទីភ្នាក់ងារព័ត៌មាន Reuters កាលពីថ្ងៃទី២០ ខែឧសភា ឆ្នាំ២០២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បទចម្រៀងពីលោក គីម ជុងអ៊ុន បានល្បីល្បាញលើបណ្ដាញអ៊ីនធឺណិតមិនត្រឹមតែនៅក្នុងប្រទេសកូរ៉េខាងជើងនោះទេ ពោលគឺបានសាយភាយដល់បរទេសទាំងមិននឹកស្មានដល់។ កូរ៉េខាងត្បូង បានចាត់ទុកចម្រៀងនោះគឺជាការញុះញង់ និងបំផ្លាញសេរីភាពប្រជាធិបតេយ្យ។

ក្នុងសេចក្ដីថ្លែងការណ៍របស់កូរ៉េខាងត្បូង បានរៀបរាប់ថា “វីដេអូនោះត្រូវគេរកឃើញថា បានបំពានច្បាប់សន្តិសុខជាតិ ដោយយកគំរូ និងសរសើរលោក គីម ជុងអ៊ុន ជាមួយអត្ថបទចម្រៀងដែលហៅគាត់ថាជា [ឪពុកដ៏រួសរាយ] ហើយបានពណ៌នាគាត់ជា ការឱបក្រសោប និងការយកចិត្តទុកដាក់ចំពោះពលរដ្ឋកូរ៉េខាងជើងដោយក្ដីស្រឡាញ់ ហេតុនោះហើយលើកគាត់ប្រដូចជាអាទិទេព គីម ជុងអ៊ុន”។

វីដេអូចម្រៀងរបស់កូរ៉េខាងជើង បានផ្ទុះប្រជាប្រិយភាពទាំងមិនទំនងនៅលើកម្មវិធី TikTok, YouTube និងប្រព័ន្ធបណ្ដាញសង្គមមួយចំនួនទៀត។ បើតាមកូរ៉េខាងត្បូង ចម្រៀងមួយបទនោះមានវីដេអូចំនួន២៩ជាកំណាត់ៗ ដែលនឹងត្រូវហាមឃាត់ដោយនិយ័តករក្រុងសេអ៊ូល។

សូមបញ្ជាក់ថា វីដេអូចម្រៀង “Friendly Father” បានចាក់ផ្សាយដំបូងនៅលើទូរទស្សន៍រដ្ឋក្រុងព្យុងយ៉ាង កាលពីពាក់កណ្ដាលខែមេសាកន្លងទៅ។ ក្នុងវីដេអូ បានបង្ហាញពីទិដ្ឋភាពនៃការកាន់តំណែងរបស់លោក គីម ជុងអ៊ុន ក្នុងនាមជាមេដឹកនាំ អមដោយរូបភាពនៃទាហាន និងប្រជាពលរដ្ឋបង្ហាញការគាំទ្រយ៉ាងខ្លាំង ជាមួយសញ្ញាលើកម្រាមដៃមេកោតសរសើរ។

វាមិនមែនជាលើកដំបូងឡើយដែលនិយ័តករកូរ៉េខាងត្បូង បានហាមឃាត់វីដេអូឃោសនារបស់រដ្ឋាភិបាលក្រុងព្យុងយ៉ាង ដោយកាលពីឆ្នាំ២០២៣កន្លងទៅ ក្រុងសេអ៊ូល ធ្លាប់បិទគណនីជាច្រើននៅលើយូធូបរបស់កូរ៉េខាងជើង៕

ដោយ៖ ឈាង

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា