ខណៈកូវីដនៅថៃបន្តផ្ទុះខ្លាំង Marisa បង្ខំចិត្តប្រកាសលក់ឡានសំណព្វ

ជំងឺកូវីដ១៩នៅតែបន្តរីករាលខ្លាំង ធ្វើឲ្យតារាថៃជាច្រើនបានចេញមុខត្អូញត្អែបញ្ជាក់ពីជីវភាពកំពុងជួបផលវិបាក។ ការងារក៏មិន​សូវ​មា​ន​ច្រើនដូចមុន ធ្វើឲ្យកម្រៃដែលត្រូវទ្រទ្រង់ជីវភាពបានធ្លាក់ចុះ រហូតកន្លងមកមានតារាជាច្រើន​ត្រូវសម្រេចចិត្តលក់ទ្រព្យរ​ប​ស់​ដូចជាឡាន ម៉ូតូដែលខ្លួនស្រលាញ់ចេញដើម្បីប្ដូរយកប្រាក់មកផ្គត់ផ្គង់គ្រួសារ។

ថ្មីៗនេះ គេឃើញតារាថៃមួយរូបទៀតដែលនាងក៏មានឈ្មោះបោះសំឡេងមិនធម្មតានៅក្នុងវិស័យសិល្បៈថៃ សម្រេច​ចិ​ត្ត​លែង​ខ្វល់​ពីមុខ​មាត់ ដោយបានប្រកាសលក់ឡានរបស់នាងនៅបណ្ដាញអ៊ីនស្តាក្រាម។ តារាសម្ដែងរូបនោះគឺជានាង Marisa anita។

ភ្ជាប់និងរូបភាពឡានជាច្រើនសន្លឹក Marisa anita បានបញ្ជាក់ថា នាងស្រលាញ់ឡាននេះខ្លាំងណាស់ ប៉ុន្តែនាងពិតជាចាំបាច់​ត្រូវ​ល​ក់​វាចេញពិតមែន។ យ៉ាងណា នៅចំពោះមុខស្ថានភាពកំពុងលំបាកនេះ Marisaanita មិនមែនជាតារាទីមួយទេ ដែលប្រកាស​លក់​ទ្រព្យ​ជាទីស្រលាញ់ ព្រោះមានតារាជាច្រើនហើយដែលបានធ្វើរឿងនេះ ជាក់ស្ដែងដូចជាលោក Big Sarut ដែលលក់ឡាន​ដូច​គ្នា ​និងលោក New wongsakorn ដែលប្រកាសលក់ម៉ូតូរបស់លោកដល់ទៅ៤គ្រឿងឯណោះ៕

អត្ថបទដោយ៖ Porman

ចុចអាន៖Yaya ​ក្លាយជា​អ្នកបញ្ចូល​សំឡេង​ក្នុងភាព​យន្ត​ជីវចល ​«Raya ​and ​the ​Last ​Dragon»​

ចុចអាន៖តារាស្រីថៃ ១១ដួង ដែលមានទម្រង់មុខស្តង់ដា ដោយមិនធ្លាប់ឆ្លងកាត់មុខកាំបិតសូម្បីម្ដង