ឈានចូលវ័យ ៧២ ឆ្នាំភ្លាម តារាជើងចាស់ថៃ Yo Tassawan រត់ទៅកែសម្ផស្សភ្លាមៗ

តារាសម្ដែងជើងចាស់ Yo Tassawan Seneewongse​ បានសម្រេចចិត្តធ្វើការវះកាត់កែសម្ភស្សលើផ្ទៃមុខក្នុងវ័យ ៧២ឆ្នាំ ហើយលទ្ធផលដែលទទួលបាន ធ្វើឲ្យទស្សនិកជនជាច្រើ​នសឹងមិនជឿនឹងភ្នែកខ្លួនឯងថា គាត់មានវ័យក្មេងច្រើនជាងអាយុទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈគណនីផ្ទាល់ខ្លួនរបស់តារាសម្ដែងជើងចាស់មួយរូបនេះ​ បានបង្ហោះរូបភាព និងសរសេរសារថាយ៉ាងវែងអន្លាយថា “ឆ្នាំ ២០២៤ គឺជាឆ្នាំដែលខ្ញុំបានសម្រេចចិត្តធ្វើអ្វីមួយដែលខ្ញុំមិនដែលគិតថាខ្ញុំនឹងធ្វើ។ ប៉ុន្តែដោយសារតែទំនុកចិត្តលើជំនាញរបស់វេជ្ជបណ្ឌិត Kim hyungiun ដែលខ្ញុំបានស្តាប់និងធ្វើតាម។ ដូច្នេះ ខ្ញុំ​សម្រេច​ចិត្ត​ទុក​ឲ្យ​លោក​បណ្ឌិតធ្វើ​ឲ្យ​ខ្ញុំ។ មក​ដល់​ថ្ងៃ​នេះ​គឺ​ជាង​មួយ​ខែ​កន្លះ​ហើយ”!

ទន្ទឹមនោះទៀតដែរ រូបភាពទី ២ ដែលគាត់បានបង្ហោះដោយធ្វើការប្រៀនធៀបបមុន/ក្រោយ ២០ ថ្ងៃ នៅតែមានស្នាមជាំ និងហើមខ្លះក៏ពិតមែន។ ប៉ុន្តែ បើនិយាយពីសម្រស់របស់គាត់ហាក់ខុសពីមុនឆ្ងាយណាស់សឹងតែថា ដូចមនុស្សពីរផ្សេងគ្នាយ៉ាងដូច្នោះដែរ។

លើសពីនេះទៀតដែរ តាមរយៈរូបភាពរបស់លោកស្រីបានបង្ហាញលើបណ្ដាញអ៉ិនធើណេតបានធ្វើឲ្យទស្សនិកជនក៏ដូចជាអ្នកគាំទ្រជាច្រើនឆ្នាំមកហើយបានសម្រុកចូលទៅបញ្ចេញមតិប្លែកៗគ្នា។ អ្នកខ្លះថាគាត់ឈានដល់វ័យចាស់ភ្លាមប្រញប់កែសម្ភស្សភ្លែត តែនេះស្អាតរបស់គាត់មែន។ ជាពិសេសមើលយូរៗកាន់តែក្មេង ហើយគាត់ប្រាកដជាមានប្រជាប្រិយភាពលើវិស័យសិល្បៈជាងមុនជាក់ជាមិនខានឡើយ៕

សូមទស្សនារូបភាពខាងក្រោមនេះ៖

អត្ថបទ៖ សាង ស្រីល័ក្ខ

ចុចអាន៖ថតរឿងចប់ភ្លាម Song Hye Kyo បង្ហាញ​វីឡាស្គឹមស្គៃ តម្លៃរាប់​​លាន​ដុល្លារ