សន្តិសុខសង្គម

សមត្ថកិច្ចចុះបង្ក្រាបទីតាំងលួចប្រើប្រាស់គ្រឿងញៀន ឃាត់ខ្លួនជនសង្ស័យ ៨ នាក់ ក្រោយពលរដ្ឋរាយការណ៍

បានផុស

២ years មុន

នៅ

ថ្ងៃព្រហស្បតិ៍ ១៥ សីហា ២០២៤

ដោយ

បន្ទាប់ពីប្រជាពលរដ្ឋរាយការណ៍សម្ងាត់ថា នៅភូមិព្រៃទា សង្កាត់ចោមចៅទី ៣ ខណ្ឌពោធិ៍សែនជ័យ មានជនសង្ស័យមួយក្រុម តែងតែប្រមូលផ្ដុំគ្នា លួចប្រើប្រាស់គ្រឿងញៀន ធ្វើឲ្យពួកគាត់មានការភ័យខ្លាច ទើបកម្លាំងសមត្ថកិច្ច នៃអធិការដ្ឋាននគរបាលខណ្ឌពោធិ៍សែនជ័យ សហការជាមួយកម្លាំងគណៈបញ្ជាការឯកភាពសង្កាត់ចោមចៅទី ៣ ចុះបង្ក្រាបទីតាំងខាងលើ កាលពីវេលាម៉ោង ១២ និង ១០ នាទី ថ្ងៃត្រង់ ថ្ងៃទី ១៥ ខែសីហា ឆ្នាំ ២០២៤ នេះ ដោយឃាត់ខ្លួនជនសង្ស័យប្រុស-ស្រី ចំនួន ៨ នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចបានឲ្យដឹងថា មុនឈានទៅដល់ការបង្ក្រាបទីតាំងខាងលើមានប្រជាពលរដ្ឋរាយការណ៍សម្ងាត់ប្រាប់ថា នៅផ្ទះបាក់បែកទុកចោលមួយកន្លែង ក្នុងភូមិព្រៃទា សង្កាត់ចោមចៅទី ៣ ខណ្ឌពោធិ៍សែនជ័យ មានជនសង្ស័យមួយក្រុម តែងតែចេញចូលប្រមូលផ្ដុំគ្នាលួចប្រើប្រាស់គ្រឿងញៀន និងខ្លាចមានការបាត់បង់ទ្រព្យសម្បត្តិ ធ្វើឲ្យពួកគាត់ភ័យខ្លាច។

ក្រោយពីទទួលព័ត៌មានភ្លាម កម្លាំងអធិការដ្ឋាននគរបាលខណ្ឌពោធិ៍សែនជ័យ បានសហការជាមួយកម្លាំងគណៈបញ្ជាការឯកភាពសង្កាត់ចោមចៅទី ៣ ចុះបង្ក្រាបភ្លាមៗ ឃាត់ខ្លួនជនសង្ស័យចំនួន ៨ នាក់ ក្នុងនោះ ស្រី ២ នាក់ និងដកហូតសម្ភារៈប្រើប្រាស់មួយចំនួន។