សន្តិសុខសង្គម
សាលាឧទ្ធរណ៍កាត់ទោសបុរសឆបោកប្រាក់ លោក ញឹក ប៊ុនឆៃ
តាមការគ្រោងទុក នារសៀលថ្ងៃទី ០៦ ខែកញ្ញា ឆ្នាំ ២០២៤ នេះ សាលាឧទ្ធរណ៍ភ្នំពេញ នឹងបើកសវនាការកាត់ទោសជនឆបោកប្រាក់របស់ លោក ញឹក ប៊ុនឆៃ ប្រធានគណបក្សខ្មែររួបរួមជាតិ ក្រោយពីជនជាប់ចោទគេចវេះមិនសងប្រាក់។
អង្គសវនាការនេះ ដឹកនាំដោយ លោក ឌុច សុខសារិន ជាប្រធានក្រុមប្រឹក្សាជំនុំជម្រះ លោកចៅក្រម កែវ មុនី និងលោកចៅក្រម យូ ប៊ុណ្ណា ដោយមានជនជាប់ចោទឈ្មោះ កាយ ម៉េង ភេទប្រុស អាយុ ៤៦ ឆ្នាំ មានទីលំនៅបច្ចុប្បន្ន ភូមិបាវិតកណ្ដាល សង្កាត់បាវិត ក្រុងបាវិត ខេត្តស្វាយរៀង។
កន្លងទៅ តុលាការបានចោទប្រកាន់ឈ្មោះ កាយ ម៉េង ពីបទ «ឆបោក , បទក្លែងឯកសារសាធារណៈ , និងបទប្រើប្រាស់ឯកសារសាធារណៈក្លែង» ប្រព្រឹត្តនៅរាជធានីភ្នំពេញ កាលពីឆ្នាំ ២០១៩។
សូមបញ្ជាក់ថា ជនជាប់ចោទឈ្មោះ កាយ ម៉េង ត្រូវបានចៅក្រមស៊ើបសួរសាលាដំបូងដោះលែងឲ្យនៅក្រៅឃុំបណ្ដោះអាសន្ន កាលពីថ្ងៃទី ២១ ខែវិច្ឆិកា ឆ្នាំ ២០១៩ ហើយសំណុំរឿងនេះ នៅតែបន្តរំកិលយឺតៗ តាមនីតិវិធីរបស់តុលាការ រហូតដល់សាលាឧទ្ធរណ៍បើកសវនាការកាត់ទោស នាថ្ងៃនេះ។
គួររំលឹកថា ឈ្មោះ កាយ ម៉េង ដែលត្រូវជាអតីតមន្ត្រីជំនិត លោក ញឹក ប៊ុនឆៃ ត្រូវកម្លាំងនាយកដ្ឋាននគរបាលព្រហ្មទណ្ឌ នៃអគ្គស្នងការដ្ឋាននគរបាលជាតិ ចាប់ខ្លួនតាមដីកាបញ្ជាឲ្យចូលខ្លួនរបស់ លោក កែវ សុធា ព្រះរាជអាជ្ញា នៃអយ្យការអមសាលាដំបូងរាជធានីភ្នំពេញ តាមពាក្យបណ្ដឹងរបស់ លោក ញឹក ប៊ុនឆៃ ប្រធានគណបក្សខ្មែររួបរួមជាតិ ពាក់ព័ន្ធករណីឆបោកប្រាក់ប្រមាណ ៧ ម៉ឺនដុល្លារ។
សមត្ថកិច្ចបានឲ្យដឹងថា ជនសង្ស័យត្រូវបានចាប់ខ្លួន កាលពីថ្ងៃទី ១៩ ខែវិច្ឆិកា ឆ្នាំ ២០១៩ នៅតាមបណ្ដោយផ្លូវជាតិលេខ ៦A ស្ថិតក្នុងភូមិប្រាសាទ ឃុំប្រាសាទ ស្រុកសន្ទុក ខេត្តកំពង់ធំ ហើយបានបញ្ជូនទៅសាលាដំបូងរាជធានីភ្នំពេញ នៅរសៀលថ្ងៃទី ២០ ខែវិច្ឆិកា ឆ្នាំ ២០១៩ ដើម្បីចាត់ការបន្តតាមនីតិវិធី។ ជនសង្ស័យឈ្មោះ កាយ ម៉េង អាយុ ៤១ ឆ្នាំ មានទីលំនៅភូមិបាវិតកណ្ដាល សង្កាត់បាវិត ក្រុងបាវិត ខេត្តស្វាយរៀង។
ប្រភពបានឲ្យដឹងថា កាលពីថ្ងៃទី ០១ ខែវិច្ឆិកា ឆ្នាំ ២០១៩ កន្លងទៅ លោក ញឹក ប៊ុនឆៃ ប្រធានគណបក្សខ្មែររួបរួមជាតិ បានដាក់ពាក្យទៅនាយកដ្ឋាននគរបាលព្រហ្មទណ្ឌ ដោយប្ដឹងឈ្មោះ កាង ម៉េង និងបក្ខពួកម្នាក់ទៀត ពាក់ព័ន្ធករណីខ្ចីលុយ តែព្យាយាមគេចវេះមិនសង ក្រោមរូបភាពយកឯកសារដីធ្លីមួយចំនួនមកដាក់តម្កល់ តែឯកសារនោះក្លែងក្លាយទៅទៀត ទើបម្ចាស់ប្រាក់ដាក់ពាក្យប្ដឹងតែម្ដង៕
អត្ថបទ ៖ មករា
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ