ព័ត៌មានជាតិ
សហគមន៍អូរពង្រូលជនជាតិដើមភាគតិច បែងចែក ៤ តំបន់ ទុកអភិរក្សនិងការពារធនធានព្រៃឈើ
លោក ចៅ ជា តំណាងឱ្យសហគមន៍ការពារធម្មជាតិអូរពង្រូលបានឱ្យដឹងថា នៅក្នុងតំបន់ការពារធម្មជាតិអូរពង្រូល របស់ជនជាតិដើមភាគតិចក្នុងខេត្តមណ្ឌលគិរី បែងចែកជា ៤ តំបន់ដាច់ដោយឡែកពីគ្នា។
បើតាមលោក ចៅ ជា តំបន់ការពារធម្មជាតិអូរពង្រូល ត្រូវបានទទួលស្គាល់បង្កើតជាតំបន់ការព្រៃឈើអូរពង្រូលនៅឆ្នាំ២០១២ និងឆ្នាំ២០២០ បានបង្វែរមកជាតំបន់ការពារធម្មជាតិអូរពង្រូល ដោយមានការទទួលស្គាល់ពីក្រសួងបរិស្ថាននៅឆ្នាំ២០២១។
នៅតំបន់ការពារធម្មជាតិអូពង្រូនេះទៀតសោត ត្រូវបានបែងចែកជា ៤ តំបន់ផ្សេងគ្នាបន្ថែមទៀតមានដូចជា៖
ទី១ គឺតំបន់ព្រៃអភិរក្ស៖ តំបន់ព្រៃអភិរក្ស ដែលតំបន់នេះមិនមានប្រជាសហគមន៍ណាម្នាក់ចូលទៅកាប់ទន្ទ្រានឡើយ គឺមានត្រឹមតែការអាស្រ័យផលធម្មជាតិតែប៉ុណ្ណោះ។
ទី២ តំបន់ដកហូត និងដាំស្តារ៖ ស្ថិតនៅជាយនៃតំបន់ការពារធម្មជាតិអូរពង្រូល ដោយតំបន់នេះនៅពេលដែលមានប្រជាសហគមន៍ខ្វះខាតឈើសម្រាប់ធ្វើផ្ទះសំបែង ឬសម្រាប់តម្រូវការប្រើប្រាស់នានាដែលចាំបាច់ អាចស្នើសុំគណៈកម្មការ ដោយពិភាក្សាជាមួយសមាជិករបស់សហគមន៍ ដើម្បីធ្វើការស្នើសុំជាលិខិតក្នុងការដកហូតតាមកំណត់ដែលមានចែងក្នុងច្បាប់របស់សហគមន៍។
ទី៣ តំបន់៣ ជាតំបន់អេកូទេសចរណ៍ ឬជាតំបន់ដែលសហគមន៍បម្រុងនឹងបង្កើតជាតំបន់អេកូទេសចរណ៍។ គម្រោងនេះ ត្រូវបានរៀបចំឡើងដោយមើលឃើញថា នៅតំបន់៣ មានកន្លែងទាក់ទាញជាច្រើន ដែលអាចទាក់ទាញអ្នកទេសចរមកលេងកម្សាន្តបាន ដូចជាការទៅបោះតង់ ទស្សនាសត្វព្រៃ ជាពិសេសព្រៃឈើនៅទីនោះ។
ទី៤ គឺតំបន់ព្រៃកម្សត់ តំបន់នេះមានទាំងតំបន់ព្រៃតំណម ព្រៃកប់សព និងតំបន់អារក្ស។ តំបន់នេះទៀតសោត គ្មានប្រជាសហគមន៍ណាម្នាក់អាចចូលទៅប៉ះពាល់ កាប់ឆ្ការ ឬអាស្រ័យផលបានទេ ព្រោះព្រៃតំណម កន្លែងដីច្រាប និងព្រៃកប់សព ប្រសិនបើមានអ្នកណាម្នាក់ហ៊ានប៉ះពាល់អាចនឹងមានបញ្ហាគ្រួសារ និងការរស់នៅរបស់អ្នកភូមិនៅក្នុងសហគមន៍ផ្ទាល់។
ទន្ទឹមនេះ លោក ចៅ ជា ក៏បានថ្លែងអំណរគុណដល់រាជរដ្ឋាភិបាលកម្ពុជា ជាពិសេសគម្រោងរ៉េតបូក ក្រសួងបរិស្ថាន ដែលបានយកចិត្តទុកដាក់មកលើសហគមន៍ ទាំងសហគមន៍ដីចុះបញ្ជី និងមិនទាន់បានចុះបញ្ជី ព្រមទាំងដីតំបន់ការពារធម្មជាតិអូរពង្រូល ដែលបានចុះបញ្ជី និងទទួលស្គាល់ ហើយបានធ្វើឱ្យសហគមន៍នៅក្នុងភូមិប៉ក្រុងមានភាពរឹងមាំ ព្រមទាំងធ្វើឱ្យប្រជាសហគមន៍មានដីបន្តសម្រាប់រស់នៅ និងអាស្រ័យផល សម្រាប់ទៅថ្ងៃអនាគត ព្រមទាំងបានធ្វើឱ្យប្រជាសហគមន៍ដែលរស់នៅបច្ចុប្បន្នមានដីសម្រាប់អាស្រ័យផល រស់នៅស្រួល មានមុខរបរត្រឹមត្រូវដែលមិនធ្វើឱ្យប៉ះពាល់ដល់ព្រៃឈើ៕
-
ព័ត៌មានអន្ដរជាតិ២១ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ