ព័ត៌មានអន្ដរជាតិ
មីយ៉ាន់ម៉ា មានអ្នកស្លាប់ដោយសារមីនច្រើនជាងគេលើលោក ក្នុងឆ្នាំ២០២៣
ប្រជាជននៅមីយ៉ាន់ម៉ា បានបាត់បង់ជីវិតច្រើនជាងប្រទេសណាណាទាំងអស់នៅលើពិភពលោកក្នុងឆ្នាំ២០២៣ ដោយសារតែគ្រាប់មីន និងយុទ្ធភណ្ឌមិនទាន់ផ្ទុះ។ នេះបើយោងតាមទិន្នន័យរបស់អង្គការយុទ្ធនាការអន្តរជាតិដើម្បីទប់ស្កាត់មីន ហៅកាត់ថា ICBL នៅថ្ងៃទី២០ខែវិច្ឆិកាឆ្នាំ២០២៤។
អង្គការ ICBL បានឲ្យដឹងថា ពលរដ្ឋមីយ៉ាន់ម៉ា ស្លាប់ដោយសារមីននៅក្នុងឆ្នាំ២០២៣ មានចំនួនសរុប ១ ០០៣នាក់។ នេះក៏ព្រោះតែជម្លោះជាច្រើនទសវត្សរ៍រវាងយោធា និងក្រុមឧទ្ទាមជនជាតិភាគតិច ដែលបានបន្សល់ទុកនូវផ្ទៃដីបង្កប់គ្រាប់មីន និងយុទ្ធភណ្ឌមិនទាន់ផ្ទុះជាច្រើនដ៏មានគ្រោះថ្នាក់។
លោក Yeshua Moser-Puangsuwan មន្ត្រីអង្គការ ICBL បានប្រាប់ថា តួលេខជាក់ស្ដែងនៃអ្នកស្លាប់ដោយសារមីននៅមីយ៉ាន់ម៉ា អាចមានច្រើនជាងនេះទៅទៀតរហូតដល់ ២ ឬ ៣ដងឯណោះ ខណៈបញ្ហាជម្លោះប្រដាប់អាវុធ និងការរឹតបន្តឹងដោយរបបសឹកយោធា បានធ្វើឲ្យការស្រង់ទិន្នន័យមានភាពលំបាក។
ក្រៅតែពីមីយ៉ាន់ម៉ា បណ្ដាប្រទេសចំនួន៣ផ្សេងទៀតក៏មានតួលេខអ្នកស្លាប់ដោយសារមីនច្រើនផងដែរ ដូចជា ស៊ីរី មានអ្នកស្លាប់ ៩៣៣នាក់, អាហ្វហ្គានីស្ថាន ៦៥១នាក់ និងអ៊ុយក្រែន ៥៨០នាក់។
អង្គការ ICBL បានរាយការណ៍ថា ឆ្នាំមុន មានមនុស្សយ៉ាងហោចណាស់ ៥ ៧៥៧នាក់ បានរងគ្រោះនៅក្នុងករណីផ្ទុះគ្រាប់មីននៅជុំវិញពិភពលោក ដោយក្នុងនោះមាន ១ ៩៨៣នាក់បានបាត់បង់ជីវិត។ ក្នុងចំណោមតួលេខអ្នកស្លាប់សរុប មានជនស៊ីវិលចំនួន ៨៤%។
តួលេខអ្នកស្លាប់ព្រោះមីនឆ្នាំ២០២៣ មានការកើនឡើងច្រើនជាងឆ្នាំ២០២២ ដែលមានអ្នកបាត់បង់ជីវិតត្រឹម ១ ៦៦១នាក់៕
ដោយ៖ ឈាង
-
ព័ត៌មានអន្ដរជាតិ១៣ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ