ស្រាយ​ចម្ងល់​អ្នកគាំទ្រ! ​Rosé ​ប្រាប់ពីមូល​ហេតុដែល​បទ​ចម្រៀង​ទោល​ដំបូង ​ត្រូវច្រៀង​ជាភាសា​អង់គ្លេស​

នៅថ្ងៃទី១២ ខែមិនានេះ Rosé ដែលជាសមាជិកក្រុម BLACKPINK បានបញ្ចេញ MV បទចម្រៀងទោលដំបូងរបស់ខ្លួនហើយ។
ប​ន្ទាប់ពីបញ្ចេញបទចម្រៀងទោលដំបូងរួចហើយ Rosé បានឆ្លើយសំណួរក្នុងសន្និសីទកាសែតសម្រាប់អាល់ប៊ុម ‘-R-’ និង​ធ្វើ​ការ​បក​​ស្រាយ​អំពីបទចម្រៀងដំបូងរបស់ខ្លួន ដែលជាភាសាអង់គ្លេសផងដែរ។

ជាដំបូង Rosé នាងបាននិយាយអំពីអារម្មណ៍ខ្លួនថា នាងមានអារម្មណ៍ភ័យផង រំភើបផង នឹងត្រៀមខ្លួនយ៉ាងយូរសម្រាប់បទ​ថ្មី​ដំ​បូ​ង​​ខ្លួនមួយនេះ នឹងសង្ឃឹមថាអ្នកគាំទ្រទាំងអស់របស់នាង ចូលចិត្ត។ ព្រោះនេះជាការចេញផ្សាយអាល់ប៊ុមលើកដំបូង អស់រយៈ​ពេ​ល ៥ឆ្នាំមកហើយ ចាប់តាំងពីបង្ហាញវត្តមានដំបូងក្នុងក្រុម BLACKPINK។  

លើសពីនេះ Rosé បានពន្យល់ពីមូលហេតុដែលបទចម្រៀងទោលរបស់ខ្លួន ច្រៀងជាភាសាអង់គ្លេស។ នៅពេលនោះ នាងបាន​និ​យាយថា៖ «ខ្ញុំ ជាក់ជឿថារាល់បទចម្រៀងទាំងអស់មានភាសាដែលសាកសមបំផុត។ ខ្ញុំបានជជែក ជាច្រើនដងអំពីភាសា​ណា​ដែ​ល​សមនឹងចំណងជើងបទ ហើយវាប្រែចេញជាភាសាអង់គ្លេស។ ជាការពិតខ្ញុំមានការព្រួយបារម្ភថា អ្នកគាំទ្រអាចខកចិត្តនឹង​ទំ​នុក​​ច្រៀង​ជាភាសាអង់គ្លេស ប៉ុន្តែខ្ញុំក៏មានអារម្មណ៍ថាវាសំខាន់ណាស់ក្នុងការបង្ហាញទាំងអស់គ្នាជាមួយនឹងបទចម្រៀងល្អបំផុត ដែល​ខ្ញុំ​អាចពេញចិត្តបាន»៕

អត្ថបទផ្ដល់សិទ្ធិ៖ Poraman

ចុចអាន៖ MV បទទោលដំបូងរបស់ Rosé បានទម្លាក់ហើយ ត្រៀមសម្ដែងផ្ទាល់ក្នុងពេលឆាប់ៗនេះ

ចុចអាន៖ នៅតែខ្លាំង! YoonA ឈ្នះពានរង្វាន់ប្រជាប្រិយភាព របស់ «Golden Film Festival» លើកទី ៤០