ព័ត៌មានជាតិ
វិវាទដីធ្លីជិត ១ ម៉ឺន ៦ ពាន់ករណី ក្រសួងដែនដី ដោះស្រាយជូនពលរដ្ឋបញ្ចប់ស្ទើរ ១០០%
លោក សាយ សំអាល់ រដ្ឋមន្ត្រីក្រសួងរៀបចំដែនដី នគរោបនីយកម្ម និងសំណង់ នៅរសៀលថ្ងៃទី២៦ ខែវិច្ឆិកា ឆ្នាំ២០២៤ បានឱ្យដឹងថា ពាក់ព័ន្ធទៅបញ្ហាវិវាទដីធ្លីដែលក្រសួងទទួលបានកន្លងមកទាំង ៤ ប្រភេទ សរុបជាង ១ ម៉ឺនករណី (១៥ ៩៦០ ករណី) ក្រសួងបានសម្របសម្រួល និងដោះស្រាយជូនពលរដ្ឋស្ទើរបញ្ចប់ ១០០%។
មានប្រសាសន៍ក្នុងសន្និបាតបូកសរុបលទ្ធផលនៃការអនុវត្តការងារឆ្នាំ២០២៤ និងទិសដៅការងារឆ្នាំ២០២៥ របស់ក្រសួងរៀបចំដែនដី លោក សាយ សំអាល់ បានលើកឡើងថា បញ្ហាវិវាទដីធ្លី ជាបញ្ហាមួយដ៏រ៉ាំរ៉ៃដែលត្រូវដោះស្រាយជាបន្តបន្ទាប់។
ជាក់ស្តែង កន្លងមកក្នុងចំណោមវិវាទដីធ្លីទាំង ១៥ ៩៦០ ករណី ដែលក្រសួងទទួលបានមាន ៤ ប្រភេទ គឺ វិវាទលើដីឯកជន, វិវាទលើទីតាំងដីរដ្ឋនិងដីសហគមន៍, បណ្តឹងជំទាស់លើសេចក្តីសម្រេចរបស់ស្ថាប័នតុលាការ និងសេចក្តី សម្រេចរាជរដ្ឋាភិបាលរួចហើយ និង បណ្ដឹង ឬសំណើមានចរិតនយោបាយ)។ ដោយក្នុងនោះ ក្នុងចំណោមវិវាទទាំងអស់ ក្រសួងរៀបចំដែនដី ក៏បានសម្របសម្រួល ដោះស្រាយបញ្ចប់ចំនួនជូនពលរដ្ឋបាន ១៤ ៩១៩ ករណី ដែលនៅសេសសល់ប្រមាណ ១ ០៤១ ករណី ប៉ុណ្ណោះ។
លោក សាយ សំអាល់ បានគូសបញ្ជាក់បន្ថែមថា ក្នុងចំណោមបញ្ហាវិវាទដែលក្រសួងបានដោះស្រាយ រួមមាន៖
-គណៈកម្មការសុរិយោដីថ្នាក់ជាតិ ដោះស្រាយបាន ៩,៥៦៦ / ៩,៨១១ករណី
-អាជ្ញាធរជាតិដោះស្រាយទំនាស់ដីធ្លី ដោះស្រាយបាន ១,៩៨១ / ២,០១២ករណី
-ការប្រើប្រាស់មន្ត្រីក្រសួង និងមេធាវីស្ម័គ្រចិត្ត ដោះស្រាយបាន ៣,៣៧២ / ៤,១៣៧ករណី
-សហការជាមួយសមាគមសម្ព័ន្ធសហគមន៍កសិករកម្ពុជា ដោះស្រាយបាន ៤០/៥៧ ករណី។
លោករដ្ឋមន្ត្រីបានបន្ថែមថា តាមរយៈលទ្ធផលនៃការដោះស្រាយវិវាទដីធ្លីនេះ យើងអាចសន្និដ្ឋានបានថា ភាពរសើបខាង នយោបាយត្រូវបានកាត់បន្ថយជាអតិបរមា ហើយវិវាទដែលនៅសេសសល់ទាំង ១ ០៥១ ករណី នេះ មិនមានលក្ខណៈបែបញ្ចុះញង់ដែលជាឈ្នាន់នយោបាយទៀតនោះឡើយ៕
-
ព័ត៌មានអន្ដរជាតិ១៩ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ