ព័ត៌មានអន្ដរជាតិ
ក្រុមហ៊ុនអាកាសចរណ៍ Korean Air ទិញភាគហ៊ុនជាង ៦០ ភាគរយ ពីក្រុមហ៊ុន Asiana Airlines
ក្រុមហ៊ុនអាកាសចរណ៍កូរ៉េខាងត្បូង Korean Air បានប្រកាសនៅថ្ងៃព្រហស្បតិ៍នេះថា ខ្លួនបានទិញភាគហ៊ុនជាង ៦០ ភាគរយ ពីក្រុមហ៊ុនអាកាសចរណ៍ក្នុងស្រុកមួយផ្សេងទៀត គឺ Asiana Airlines ពោលគឺ ៤ ឆ្នាំក្រោយប្រកាសការសម្រេចចិត្តទិញដំបូងនៅខែវិច្ឆិកា ឆ្នាំ ២០២០។
យោងតាមសេចក្ដីថ្លែងការណ៍ដែលចេញផ្សាយនៅលើគេហទំព័ររបស់ខ្លួន ក្រុមហ៊ុន Korean Air បានទិញភាគហ៊ុនថ្មីចំនួនជាង ១៣១,៥ លានហ៊ុន ឬស្មើនឹង ៦៣,៨៨ ភាគរយ នៃភាគហ៊ុន របស់ក្រុមហ៊ុន Asiana Airlines ហើយដាក់បញ្ជូលក្រុមហ៊ុននេះឱ្យក្លាយជាបុត្រសម្ព័ន្ធរបស់ Korean Air ។
ប្រតិបត្តិការទិញនេះ ត្រូវបានបញ្ចប់បន្ទាប់ពីក្រុមហ៊ុន Korean Air បានបង់ប្រាក់ចំនួន ៨០០ ប៊ីលានវ៉ុនដល់ក្រុមហ៊ុន Asiana Airlines កាលពីថ្ងៃទី ១១ ខែធ្នូ ដែលធ្វើឱ្យការវិនិយោគសរុបឈានដល់ ១,៥ ទ្រីលានវ៉ុន រួមទាំងប្រាក់តម្កល់ ៣០០ ប៊ីលានវ៉ុន និងប្រាក់ទូទាត់បណ្តោះអាសន្នពីមុនចំនួន ៤០០ ប៊ីលានវ៉ុន។
ក្រុមហ៊ុន Korean Air គ្រោងនឹងបញ្ចប់ការច្របាច់បញ្ចូលគ្នាជាមួយ Asiana Airlines ក្នុងរយៈពេល២ឆ្នាំ។ យុទ្ធសាស្រ្តនៃការធ្វើសមាហរណកម្ម រួមមានការបង្កើនប្រសិទ្ធភាពបណ្តាញហោះហើរតាមរយៈកាលវិភាគហោះហើរចម្រុះលើផ្លូវត្រួតស៊ីគ្នា ការពង្រីកសេវាកម្មទៅកាន់គោលដៅថ្មី និងការបង្កើនការវិនិយោគសុវត្ថិភាពជាដើម។ ការរួមបញ្ចូលគ្នានេះ មានគោលបំណងពង្រឹងការប្រកួតប្រជែងឧស្សាហកម្មអាកាសចរណ៍ជាតិ ពង្រឹងសមត្ថភាពមជ្ឈមណ្ឌលអាកាសយានដ្ឋានក្រុង Incheon និងពង្រីកបណ្តាញហោះហើរសកលសកលលោក។
ក្រុមហ៊ុន Korean Air និយាយបន្តថា ការទិញយកនេះតំណាងឱ្យព្រឹត្តិការណ៍យុទ្ធសាស្ត្រសម្រាប់ឧស្សាហកម្មអាកាសចរណ៍របស់ប្រទេសកូរ៉េ ហើយក្រុមហ៊ុននឹងបន្តអនុវត្តវិធានការនានា ដើម្បីពង្រឹងសមត្ថភាពអាកាសចរណ៍របស់ប្រទេស និងពង្រឹងជំហរប្រកួតប្រជែងរបស់ខ្លួននៅក្នុងទីផ្សារពិភពលោក។
គួររំឭកថា កិច្ចព្រមព្រៀងទិញភាគហ៊ុនធ្វើឡើងកាលពី៤ឆ្នាំមុន ពោលគឺចុងឆ្នាំ ២០២០ ចំពេលដែលក្រុមហ៊ុន Asiana Airlines ដែលកាលនោះធ្លាក់ចូលទៅក្នុងវិបត្តិធ្ងន់ធ្ងរដោយសារតែជំងឺរាតត្បាតកូវីដ១៩។ បើតាមរ៉យទ័រ ការពង្រីកខ្លួនរបស់ក្រុមហ៊ុនអាកាសចរណ៍ Korean Air អាចក្រុមហ៊ុននេះគ្រប់គ្រងលើពាក់កណ្តាលនៃសមត្ថភាពដឹកអ្នកដំណើររបស់កូរ៉េខាងត្បូង និងក្លាយជាក្រុមហ៊ុនអាកាសចរណ៍ធំជាងគេទី ១២ លើពិភពលោក។ ផ្អែកលើលទ្ធផលហិរញ្ញវត្ថុឆ្នាំ ២០២៣ វាក៏នឹងជាប់ចំណាត់ថ្នាក់ក្នុងចំណោមក្រុមហ៊ុនអាកាសចរណ៍ធំជាងគេនៅក្នុងតំបន់អាស៊ីប៉ាស៊ីហ្វិក បើគិតពីប្រាក់ចំណូលផងដែរ៕
-
ព័ត៌មានអន្ដរជាតិ១១ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា