កីឡា

ការប្រកួត Elite Soccer Sevens មានទាំងបុរស-នារី បើកការចុះឈ្មោះ

បានផុស

១ year មុន

នៅ

ថ្ងៃព្រហស្បតិ៍ ១៣ កុម្ភៈ ២០២៥

ដោយ

ការប្រកួតបាល់ទាត់ពាក់កណ្តាលអាជីព Elite Soccer Sevens ឆ្នាំ២០២៥ បើកការចុះឈ្មោះចូលរួមប្រកួតចាប់ពីពេលនេះទៅដើម្បីរៀបចំការប្រកួតនៅថ្ងៃទី៨ ខែមីនា ឆ្នាំ២០២៥។

តាមការឲ្យដឹងពីលោក Christopher Grant អគ្គលេខាធិការក្លិបបាល់ទាត់ព្រះខ័នរាជស្វាយរៀង ជាអ្នករៀបចំកម្មវិធីប្រកួតថា ការប្រកួតមាន៣ពានរង្វាន់ផ្សេងគ្នាគឺទី១ សម្រាប់ក្រុមកីឡាករអាយុ១៨ឆ្នាំឡើងត្រូវការចំនួន១៦ក្រុម ទី២សម្រាប់ក្រុមកីឡាការិនីអាយុ១៨ឆ្នាំឡើងត្រូវការចំនួន៨ក្រុម និងទី៣សម្រាប់ក្រុមកីឡាករអាយុ៣០ឆ្នាំឡើងត្រូវការចំនួន៨ក្រុម។

នេះជាការប្រកួតបាល់ទាត់ពាក់កណ្តាលអាជីពដែលម្ខាងមានសមាជិក៧រូបនៅលើទីលាន។ ក្រុមនីមួយៗត្រូវបង់ថ្លៃ១៥០ដុល្លារដើម្បីចូលរួមការរប្រកួត។ កម្មវិធីនេះផ្តល់ឱកាសឲ្យកីឡាករ កីឡាការិនីបង្ហាញសមត្ថភាពលើទីលានពិតប្រាកដដែលមានការប្រកួតប្រជែងត្រឹមត្រូវតាមច្បាប់បាល់ទាត់ និងអភិវឌ្ឍខ្លួនឲ្យក្លាយជាអ្នកកីឡាបាល់ទាត់អាជីពទៅថ្ងៃខាងមុខ។

ក្រុមជ័យលាភីចំណាត់ថ្នាក់លេខ១នឹងទទួលបានប្រាក់រង្វាន់៣០០ដុល្លារអាមេរិក ពានរង្វាន់ និងមេដាយមាស ព្រមទាំងកាដូផ្សេងៗទៀត។

តាមការគ្រោងទុក កម្មវិធីប្រកួតវិញ្ញាសាបុរសអាយុលើ១៨ឆ្នាំ និងវិញ្ញាសាបុរសអាយុលើ៣០ឆ្នាំនឹងប្រកួតនៅថ្ងៃសៅរ៍ ទី៨ ខែមីនា និងវិញ្ញាសាបុរសអាយុលើ១៨ឆ្នាំប្រកួតនៅថ្ងៃអាទិត្យ ទី៩ ខែមីនា នៅទីលានកីឡា Platinum Sports Complex ខណ្ឌច្បារអំពៅ រាជធានីភ្នំពេញ។ ចំនួនក្រុមចូលរួមមានកំណត់ ដូច្នេះសូមចុះឈ្មោះចូលរួមប្រកួតឲ្យបានទាន់ពេលវេលា។

លោក Christonpher Grant ធ្លាប់បានប្រាប់ថា កម្មវិធីប្រកួតបាល់ទាត់នេះរយៈពេលជាង១០ឆ្នាំកន្លងទៅនេះដោយមានក្រុមការងារ Elite Soccer បានរួមចំណែកយ៉ាងសំខាន់សម្រាប់មូលដ្ឋានគ្រឹះ និងការរៀបប្រកួតបាល់ទាត់ស្ម័គ្រចិត្តប្រកបដោយច្បាប់ត្រឹមត្រូវ។ គោលបំណងចម្បងនៃបង្កើតព្រឹត្តិការណ៍បាល់ទាត់នេះឡើងគឺផ្តល់ឱកាសឲ្យកីឡាករ កីឡាការិនី ក៏ដូចជាយុវជនចូលរួមលេងបាល់ទាត់ក្នុងការប្រកួតប្រជែងត្រឹមត្រូវតាមច្បាប់៕

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អត្ថបទ៖ វីរបុត្រ

Related Topics:កីឡាបាល់ទាត់

ព័ត៌មានអន្ដរជាតិ១២ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច២ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

កីឡា៣ ថ្ងៃ ago

មូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង

ព័ត៌មានអន្ដរជាតិ៦ ថ្ងៃ ago

អ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ

ព័ត៌មានអន្ដរជាតិ១ សប្តាហ៍ ago

រដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា