អាជ្ញាធរខណ្ឌ៧មករា បញ្ចេញកម្លាំងល្បាតក្នុងមូលដ្ឋានដើម្បីបង្ការទប់ស្កាត់បទល្មើស

កម្លាំងគណៈបញ្ជាការឯកភាពខណ្ឌ៧មករា នៅយប់ទី៤ ខែមីនា ឆ្នាំ២០២៥ បានបន្តបញ្ចេញចុះល្បាតក្នុងមូលដ្ឋានដើម្បីពង្រឹងសន្តិសុខ សុវត្ថិភាពក្នុងមូលដ្ឋានជូនដល់ពលរដ្ឋ ស្របតាមគោលនយោបាយភូមិ សង្កាត់ មានសុវត្ថិភាព រស់នៅមិនមានការភ័យខ្លាច ព្រួយបារម្ភ និងអសន្តិសុខ។

លោក ឌី រ័ត្នខេមរុណ អភិបាលរងខណ្ឌ៧មករា ដែលចុះដឹកនាំផ្ទាល់បានឲ្យដឹងថា ការចុះល្បាតពួនស្ទាក់នេះយោងតាមថ្នាក់ដឹកនាំដែលដាក់បទបញ្ជាឲ្យដាក់ត្រួតពិនិត្យជាប់ជាប្រចាំ និងតាមបណ្ដាលគោលដៅផ្សេងៗនៅក្នុងមូលដ្ឋានដើម្បីបង្ការទប់ស្កាត់រាល់បទល្មើស ជាពិសេសគឺបទល្មើសគ្រោះថ្នាក់ បទល្មើសលួច ឆក់ប្លន់ ជាដើម។

លោក ឌី រ័ត្នខេមរុណ ក៏បានអោយកម្លាំងសហការគ្នា គឺត្រូវពង្រឹងការយកចិត្តទុកដាក់ និងបន្កក្នុងការចុះល្បាត ពូនស្ទាក់ ដើម្បីច្បាមយកមុខសញ្ញា ក្នុងមូលដ្ឋានខណ្ឌ៧មករា ជាប្រចាំ ដើម្បីរក្សាបានសន្តិសុខសុវត្ថិភាពល្អ។ លោកអភិបាលរង បានអំពាវនាវដល់ប្រជាពលរដ្ឋឲ្យចូលរួមសហការជាមួយកម្លាំងសមត្ថកិច្ច និងរាយការណ៍ដើម្បីកម្លាំងមានសមត្ថកិច្ចជួយអន្តរាគមន៍បានទាន់ពេលវេលា៕

អត្ថបទ៖ សុភា