វប្បធម៌ ជំនឿ
មកស្គាល់ពីប្រវត្តិវត្តឈើខ្មៅ ឬ វត្តទួលអណ្ដែត ដែលមានអាយុកាលជាង ១០០ ឆ្នាំ
វត្តឈើខ្មៅ ឬ វត្តទួលអណ្ដែត គឺជាវត្តបុរាណមួយមានបារមីខ្លាំងពូកែ ហើយក៏ជាជីវិតមួយដែលស្ថិតនៅលើទួលមិនចេះលិចទឹក នៅក្នុងតំបន់ព្រៃលិចទឹក ឬ ព្រៃរនាម នាបឹងទន្លេសាប។
បើធ្វើដំណើរដោយកាណូត ឬ ស្មាច់ តាមបណ្ដោយដងស្ទឹងសង្កែ ទៅប៉ែកខាងក្រោម ដោយប្រើរយៈពេលពី ៣ ទៅ ៤ ម៉ោង នោះយើងនឹងទៅដល់វត្តបុរាណមួយដែលមានឈ្មោះថា “វត្តឈើខ្មៅ ឬ វត្តទួលអណ្ដែត” ហើយវត្តនេះមានចម្ងាយ ៥៤ គីឡូម៉ែត្រ ពីក្រុងបាត់ដំបង ដែលវត្តនេះបច្ចុប្បន្នបានប្រែក្លាយទៅជារមណីយដ្ឋានសាសនា។
វត្តឈើខ្មៅ ឬ វត្តទួលអណ្ដែត ស្ថិតក្នុងភូមិកោះជីវាំង ឃុំព្រៃចាស់ ស្រុកឯកភ្នំ ខេត្តបាត់ដំបង មានអាយុកាល ១៣៨ ឆ្នាំ មកហើយ ដែលកសាងឡើងនៅឆ្នាំ ១៨៨៧ ដោយទីទួលដែលកសាងវត្តនេះតាំងពីបុរាណកាលមកគឺមិនចេះលិចទាល់តែសោះបើទោះបីជាខែវស្សាទឹកទន្លេជន់ជោរបែបណាក៏ដោយទើបគេប្រសិទ្ធិនាមឲ្យឈ្មោះថាវត្តទួលអណ្ដែត។
ប្រវត្តិ នៃវត្តឈើខ្មៅនេះ កាលពីបុរាណកាល គឺនៅលើទួលនេះសំបូរទៅដោយដើមឈើខ្មៅដែលអ្នកភូមិបានកាប់ដើមឈើខ្មៅទាំងនេះយកមកកសាងព្រះវិហារ ហើយក៏នាំគ្នាហៅថាវត្តឈើខ្មៅចាប់តាំងពីពេលនោះមក ប៉ុន្តែដោយសារបារមីខ្លាំងពូកែព្រោះទីទួលដែលកសាងទីអារាមនេះមិនចេះលិចទឹកទាល់តែសោះ បើទោះបីជាទឹកជន់ខ្លាំងយ៉ាងណាក៏ដោយគឺទួលនេះនៅតែអណ្ដែតដដែលទើបអ្នកភូមិប្រសិទ្ធិនាមថ្មីមួយទៀតគឺវត្តទួលអណ្ដែត។
បច្ចុប្បន្នទីអារាមនេះមិនសូវមានភ្ញៀវទៅច្រើននោះឡើយ ដោយសារតែការធ្វើដំណើរត្រូវប្រើរយៈពេល ៣ ទៅ ៤ ម៉ោង បើសម្រាប់ខែវស្សាគឺត្រូវប្រើពេល ៥ ម៉ោងឯណោះទើបទៅដល់ ប៉ុន្តែសម្រាប់អ្នកភូមិកោះជីវាំងនៅតែមានជំនឿថា ទីតាំងវត្ត និងព្រះបដិមាករក្នុងទីអារាមនេះ គឺមានបារមីខ្លាំងពូកែ។
ក្នុងវត្តនេះដែរបច្ចុប្បន្នក៏មានទូកងដែលកសាងឡើងដោយដើមគគីរនៅក្នុងវត្ត និងមានបារមីស័ក្ដិសិទ្ធិដែលមានឈ្មោះថា “ពពកអណ្ដែតសជ័យ បារមីវត្តឈើខ្មៅ” ហើយក៏ធ្លាប់ចូលរួមប្រកួតម្ដងៗ នៅខេត្តបាត់ដំបងផងដែរ។ បច្ចុប្បន្ននេះ បើទោះបីជាទីអារាមនៅឆ្ងាយមិនសូវមានភ្ញៀវទៅដល់ក៏ដោយ ក៏ប៉ុន្តែសម្រាប់ភ្ញៀវទេសចរអន្តរជាតិដែលធ្វើដំណើរតាមកាណូតពីបាត់ដំបងទៅសៀមរាប ឬ ពីសៀមរាបមកបាត់ដំបង ក៏អាចបានឆៀងចូលលេង ដើម្បីបានស្គាល់វត្តឈើខ្មៅនេះដែរ៕
អត្ថបទ ៖ សោ និយមរ័ត្ន
-
ព័ត៌មានអន្ដរជាតិ១២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ