ព័ត៌មានអន្ដរជាតិ

ឥណ្ឌូណេស៊ីជំរុញកិច្ចព្រមព្រៀងសេដ្ឋកិច្ចជាមួយ EU ដើម្បីបង្កើនការនាំចេញវាយនភណ្ឌ

បានផុស

១ year មុន

នៅ

ថ្ងៃព្រហស្បតិ៍ ២០ មីនា ២០២៥

ដោយ

រដ្ឋាភិបាលឥណ្ឌូនេស៊ីបានសង្កត់ធ្ងន់លើការពន្លឿនយន្តការដើម្បីសម្រេចបានកិច្ចព្រមព្រៀងភាពជាដៃគូសេដ្ឋកិច្ចទូលំទូលាយនៃសហភាពអឺរ៉ុប-ឥណ្ឌូណេស៊ី (IEU-CEPA) ដើម្បីជំរុញទីផ្សារឧស្សាហកម្មវាយនភណ្ឌជាតិ ចំពេលមានភាពមិនប្រាកដប្រជានៃភូមិសាស្ត្រនយោបាយសកល។ នេះបើតាមការចុះផ្សាយរបស់ទីភ្នាក់ងារសារព័ត៌មានរដ្ឋ Antara កាលពីថ្ងៃពុធ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋមន្ត្រីសម្របសម្រួលកិច្ចការសេដ្ឋកិច្ច លោក Airlangga Hartarto បាននិយាយថា សហភាពអឺរ៉ុបគឺជាទីផ្សារដ៏ធំបំផុតសម្រាប់ផលិតផលវាយនភណ្ឌឥណ្ឌូណេស៊ី ដោយរួមចំណែកប្រហែល ៣០ ភាគរយ នៃតម្រូវការសកលសម្រាប់ផលិតផលទាំងនេះ។

លោក Airlangga បាននិយាយនៅឯវិមានប្រធានាធិបតីក្នុងទីក្រុងហ្សាកាតាកាលពីថ្ងៃពុធ យ៉ាងដូច្នេះថា៖ «សហភាពអឺរ៉ុបដែលមានទីផ្សារធំ រួមចំណែក ៣០ ភាគរយនៃតម្រូវការពិភពលោកបន្ទាប់មកគឺសហរដ្ឋអាមេរិក ដែលរួមចំណែក ១៥ ភាគរយ»។

ទន្ទឹមនឹងនេះ លោក Airlangga បានលើកឡើងពីវៀតណាម ដែលបានបង្កើនការនាំចេញវាយនភណ្ឌរបស់ខ្លួនរហូតដល់ ៥០ ភាគរយ ក្រោយបញ្ចប់កិច្ចព្រមព្រៀងពាណិជ្ជកម្មស្រដៀងគ្នាជាមួយសហភាពអឺរ៉ុប។

ដូច្នេះហើយ លោកបានបន្ថែមថា រដ្ឋាភិបាលឥណ្ឌូណេស៊ីកំពុងបន្តការបញ្ចប់ការចរចា IEU-CEPA ដើម្បីការពារ និងជំរុញឧស្សាហកម្មវាយនភណ្ឌរបស់ប្រទេស។

គួរគូសបញ្ជាក់ថា ឥណ្ឌូណេស៊ីបានកំណត់គោលដៅបញ្ចប់ការចរចា IEU-CEPA នៅឆមាសទី ១ នៃឆ្នាំនេះ។ ការចរចាចំនួន ៩ លើក ត្រូវបានធ្វើឡើងក្នុងរយៈពេល ៩ ឆ្នាំកន្លងមកនេះ៕