អាជីព
គន្លឹះដោះស្រាយដោយសន្តិវិធី ចំពោះការសម្លុតធ្វើបាបនៅកន្លែងធ្វើការ
គ្រប់គ្នាប្រហែលជាគិតថា ការសម្លុតច្រើនកើតមាននៅក្នុងសាលារៀន ប៉ុន្តែយើងអាចនឹងមានការភ្ញាក់ផ្អើល ដែលដឹងថាការសម្លុតគំរាមកំហែង ក៏អាចកើតមាននៅកន្លែងធ្វើការបានដែរ។
ជាពិសេសចំពោះបុគ្គលិកថ្មីថ្មោង!
នៅពេលយើងកាន់តែចាស់ ឥទ្ធិពលនៃការសម្លុត អាចនាំឲ្យមានការព្រួយបារម្ភដល់សុខភាពជាច្រើន រួមទាំងផលប៉ះពាល់ខាងរាងកាយនិងផ្លូវចិត្ត។ នេះអាចបណ្ដាលឲ្យមានភាពតានតឹង និងកង្វះទំនុកចិត្ត នៅកន្លែងធ្វើការ។
ខាងក្រោមនេះ ជាគន្លឹះខ្លះៗ ដែលអាចប្រើបាននៅពេលមាននរណាម្នាក់ សម្លុតធ្វើបាបនៅកន្លែងធ្វើការ ៖
១. ពិនិត្យមើលសកម្មភាពខ្លួនឯង
មុនពេលដែលអ្នកសម្រេចចិត្តយ៉ាងម៉ឺងម៉ាត់ ស្ដីពីការទាក់ទងនឹងការសម្លុតធ្វើបាប នៅកន្លែងធ្វើការ អ្នកគួរតែពិនិត្យទ្វេដងជាមួយខ្លួនឯង ដើម្បីដឹងថា តើអ្នកអាចចូលរួមចំណែកអ្វីខ្លះដល់កំហឹងពួកគេ។
ក្នុងកាលៈទេសៈខ្លះ ការសម្លុតប្រហែលជាគ្រាន់តែជាការកើតឡើងតែមួយដងប៉ុណ្ណោះ ដូច្នេះបណ្ដោយឲ្យវាទៅ ហើយការដែលយើងឈានទៅមុខអាចជាដំណោះស្រាយដ៏ល្អមួយ។
២. ព្យាយាមដោះស្រាយបញ្ហាឲ្យបានឆាប់
យើងអាចយល់បាន ដែលចាំបាច់មិននិយាយអ្វី នៅពេលត្រូវបានគេសម្លុត។ នេះប្រហែលមកពីអ្នកខ្លាច ឬមិនចូលចិត្តបង្ហាញបញ្ហារបស់អ្នក ជាមួយអ្នកដទៃ។ ទោះយ៉ាងណា វាជាការសំខាន់ណាស់ ដែលត្រូវយល់ថា ការសម្លុតធ្វើបាបរយៈពេលយូរ អាចជះឥទ្ធិពលយ៉ាងខ្លាំង ដល់សុខភាព និងសុខុមាលភាពរបស់អ្នក។
នេះជាមូលហេតុដែលវាមិនគួរអូសបន្លាយពេល អ្នកគួរតែរកមើលសកម្មភាពភ្លាមៗ មុនពេលដែលវាឈានដល់ចំណុចមួយ ដែលអ្នកមិនអាចដោះស្រាយស្ថានការណ៍បាន។
៣. ជូនដំណឹងដល់ថ្នាក់លើ
ប្រសិនបើអ្នកមិនស្រួលក្នុងការដោះស្រាយស្ថានការណ៍ ដោយខ្លួនឯងទេ សូមនិយាយទៅកាន់ផ្នែកធនធានមនុស្ស ឬអ្នកមានឋានៈខ្ពស់ ដែលអាចជួយអ្នកក្នុងការដោះស្រាយបញ្ហានេះបាន។
៤. កុំធ្វើបាបខ្លួនឯង
បើអ្នកធ្វើបាបខ្លួនឯង វាអាចបង្កើនផលប៉ះពាល់កាន់តែខ្លាំង ណាមួយមាននរណាម្នាក់សម្លុត វាក៏បានទទួលរងសំពាធមកលើអ្នករួចទៅហើយ។ សូមអភិវឌ្ឍព្រំដែនអារម្មណ៍ខ្លួនឯង ឲ្យមានសុខភាពល្អ ដើម្បីការពារពីប្រតិកម្មមិនល្អណាមួយ ចំពោះការគំរាមកំហែង នៅពេលវាកើតឡើងដោយចៃដន្យ។
៥. ប្រមូលភស្តុតាងជាឯកសារ
វាអាចជាព័ត៌មានសំខាន់បំផុត ក្នុងការដោះស្រាយជាមួយអ្នកដែលតែងតែសម្លុតយើង នៅកន្លែងធ្វើការ។ សូមប្រាកដថា អ្នកបានចងក្រងនូវវត្ថុតាងដែលទាក់ទងជាមួយការសម្លុត ឬការប្រឈមមុខណាមួយ ដែលធ្លាប់មាន។
វាក៏ជាប្រយោជន៍រំលឹកឡើងវិញ នូវព័ត៌មានដែលអ្នកអាចនឹងភ្លេច នឹងថែមទាំងអាចជួយគាំទ្រករណីរបស់អ្នកផងដែរ ប្រសិនបើអ្នកជ្រើសរើសចាត់វិធានការតាមផ្លូវច្បាប់ ចំពោះពួកគេ។
ការគំរាមកំហែងនៅកន្លែងធ្វើការ គឺជាបញ្ហាដែលត្រូវយល់ដឹងបន្ថែម។ មនុស្សជាច្រើនជ្រើសរើសរក្សាវានៅធម្មតា ហើយទទួលរងនូវភាពស្ងៀមស្ងាត់។
ទោះយ៉ាងណា ការគាំទ្រខ្លួនឯង និងជំហរអាចមានប្រយោជន៍ មិនត្រឹមតែអាចបញ្ឈប់ការសម្លុតធ្វើបាបប៉ុណ្ណោះទេ តែថែមទាំងជួយអ្នកដទៃ ឲ្យមើលមកអ្នកល្អជាងមុន ហើយក៏មិនមែនជាមនុស្សដែលងាយនឹងធ្វើបាបបានដែរ៕
ប្រែសម្រួល៖ សាង ស្រីល័ក្ខ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង