ព័ត៌មានជាតិ
ពលរដ្ឋ ថា ទុរេនមួនថងវៀតណាម លក់ជាច្រើនកន្លែងក្នុងខេត្តត្បូងឃ្មុំ តែគ្មានការត្រួតពិនិត្យ
ប្រជាពលរដ្ឋ ថា ទុរេនមួនថងវៀតណាម លក់ជាច្រើនកន្លែងក្នុងខេត្តត្បូងឃ្មុំ តែគ្មានការត្រួតពិនិត្យ។ ពាក់ព័ន្ធករណីនេះ ពលរដ្ឋ ស្នើឲ្យអាជ្ញាធរខេត្ត ត្រួតពិនិត្យបញ្ហាទុរេននេះផង ដើម្បីកុំឲ្យប៉ះពាល់សុខភាពរបស់ពួកគាត់។
ទុរេនខ្មែរដល់បណ្តើរៗ ហើយ មានប្រភេទទុរេនរី ៦ និងប្រភេទទុរេនដូនតា សម្រាប់ហូបលក្ខណៈគ្រួសារ តែមិនទាន់មានដាក់លក់នៅលើទីផ្សារជាទ្រង់ទ្រាយធំនៅឡើយទេ ខណៈម្ចាស់ចម្ការក្នុងស្រុកមេមត់ ខេត្តត្បូងឃ្មុំ អះអាងថា ពូជទុរេនមួនថង នៅដើមខែ ៦ ទើបប្រមូលផល។ តែទោះជាយ៉ាងណា គេឃើញមានទុរេនមួនថង បានដាក់ពង្រាយលក់លើទីផ្សារក្នុងខេត្តយ៉ាងច្រើន អាជីវករប្រាប់ថា ជាទុរេនប្រមូលមកពីចម្ការក្នុងស្រុកមេមត់ទៅវិញ។ ទន្ទឹមនេះ ក្នុងបណ្ដាញសង្គមបញ្ជាក់ថា ទុរេនវៀតណាម នាំចូលទៅទីផ្សារប្រទេសចិន លក់មិនដាច់ ព្រោះមានជាតិគីមី។ ឥលូវទីផ្សារក្នុងខេត្តមានលក់ទុរេនមួនថង មុនទុរេនក្នុងស្រុកដល់ទៅវិញ។
លោក យឹម ដានី អាយុ ៤០ ឆ្នាំ រស់នៅភូមិកំពាន់ ឃុំកំពាន់ ស្រុកមេមត់ បានបញ្ជាក់ឲ្យដឹងថា ទុរេនក្នុងចម្ការគាត់មាន ២ ប្រភេទ គឺ ពូជមួនថង និង ពូជរី ៦ ហើយ រី ៦ ដល់បណ្តើរៗ ហើយ តែតិចតួចទេ គ្រាន់ហូប។ រីឯពូជមួនថង មិនទាន់ដល់ទេ ទាល់តែថ្ងៃទី ៥ ខែមិថុនា ខាងមុខ ទើបប្រមូលផល លក់ទៅកាន់ទីផ្សារ។
លោក ដានី បានបញ្ជាក់ទៀតថា ទុរេនមួនថងរបស់កសិករក្នុងស្រុកមិនទាន់មានលក់ទេ តែបើមានលក់មិនដឹងយកមកពីណានោះទេ។
ដោយឡែកចំពោះអាជីវករលក់ទុរេនមួនថងជាច្រើនកន្លែងក្នុងខេត្ត បានអះអាងហើយធានាថា ទុរេននេះបេះមកពីចម្ការក្នុងស្រុកមេមត់។
ទាក់ទិនបញ្ហាទុរេននេះដែរ លោក ប៉ែន កុសល អភិបាល នៃគណៈអភិបាលខេត្តត្បូងឃ្មុំ មិនទាន់មានការឆ្លើយតបនៅឡើយទេ៕
អត្ថបទ ៖ សាន វិឡែម
-
ព័ត៌មានអន្ដរជាតិ២៣ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ