កីឡា
ហេតុអ្វីក្លិបបាល់ទះកម្ពុជា មិនធ្លាប់ចូលប្រកួតពានអាស៊ី AVC Champions League
ការប្រកួតបាល់ទះពានរង្វាន់ប្រចាំទ្វីបអាស៊ី AVC Men’s Volleyball Champions League ២០២៥ បានកំពុងប្រកួតយ៉ាងមមារញឹក ប៉ុន្តែផ្ទុយទៅវិញ បានកើតជាចម្ងល់ ហេតុអ្វីមិនមានក្លិបបាល់ទះរបស់ប្រទេស កម្ពុជា ចូលរួមប្រកួតក្នុងពានរង្វាន់មួយនេះ?
ការប្រកួតពាន AVC Men’s Volleyball Champions League ២០២៥ បានឈានមកដល់វគ្គពាក់កណ្តាលផ្តាច់ព្រ័ត្រហើយ ខណៈការប្រកួតនឹងធ្វើឡើងនៅថ្ងៃទី ១៧ ខែ ឧសភា ល្ងាចនេះ ដោយក្រុម Suntory Sunbirds Osaka របស់ ជប៉ុន នឹងត្រូវជួបជាមួយក្រុម Al Rayyan របស់ កាតា។ ចំណែកមួយគូទៀត គឺក្រុម Osaka Bluteon របស់ ជប៉ុន នឹងត្រូវជួបជាមួយក្រុម Foolad Sirjan របស់ អ៉ីរ៉ង់។
យ៉ាងណា មានអ្នកគាំទ្រកម្ពុជាជាច្រើនកើតជាចម្ងល់ ថា ហេតុអ្វីបានជាមិនមានក្រុមកម្ពុជាចូលរួមក្នុងពានរង្វាន់នេះ ស្របពេលមានក្រុមនៅប្រទេសក្បែរខាងកម្ពុជាដូចជា ថៃ និងវៀតណាម ជាដើមសុទ្ធតែបានចូលរួម។ ម្យ៉ាងទៀតក្នុងការប្រកួតកន្លងមក ក្រុមរបស់ពួកគេក៏មិនបានមានប្រៀបលើសក្រុមរបស់ កម្ពុជា ប៉ុន្មានដែរ។
ដកស្រង់ប្រភពចេញពី Wikipedia បានឱ្យដឹងថា ក្រុមដែលតម្រូវឱ្យចូលរួមប្រកួតក្នុងពាននេះ គឺត្រូវតែជាក្រុមឈ្នះជើងឯកលីគរបស់ប្រទេសក្នុងទ្វីប អាស៊ី ឬអូសេអានី ដែលមានសក្តានុពលការប្រកួតប្រជែងបាល់ទះខ្ពស់បំផុត និងជាសមាជិករបស់សហព័ន្ធបាល់ទះទ្វីបអាស៊ី (AVC)។
ពានរង្វាន់ដ៏ធំប្រចាំទ្វីប អាស៊ី នេះ គឺមានក្រុមបាល់ទះកំពូលៗចំនួន ១២ ចូលរួមប្រកួតជារៀងរាល់ឆ្នាំ ដោយប្រទេសជាម្ចាស់ផ្ទះរៀបចំការប្រកួត ទទួលបានកៅអីចំនួន ២ ក្រុមចូលរួមដោយស្វ័យប្រវត្តិ។ ចំណែក ១០ ក្រុមទៀត គឺជាក្រុម ដែលទទួលបានការអញ្ជើញដោយ AVC។ ម្យ៉ាងទៀតក្រុម ដែលអាចចូលរួមក្នុងពានរង្វាន់នេះ ក៏ត្រូវជាក្រុមមានចំណាត់ថ្នាក់នៅក្នុងសហព័ន្ធបាល់ទះអន្តរជាតិ (FIVB) ផងដែរ ពីព្រោះក្រុមដែលឈ្នះជើងឯក និងក្រុមជើងឯករងក្នុងពាននេះ នឹងទទួលបានកៅអីឡើងទៅប្រកួតជម្រុះពាន FIVB Men’s Volleyball Club World Championship។
ក្រឡេកមកមើលបាល់ទះក្នុងប្រទេស កម្ពុជា វិញ ដ្បិតបាល់ទះក្នុងប្រទេស កម្ពុជាបច្ចុប្បន្នកំពុងរីកចម្រើនទៅមុខក៏ពិតមែនទាំងក្លិប និងជម្រើសជាតិ ប៉ុន្តែការប្រកួតលីគរបស់កម្ពុជា គឺទើបតែមាន ២ រដូវកាលប៉ុណ្ណោះ ។ ជាមួយគ្នានេះ បាល់ទះរបស់កម្ពុជា ក៏ពុំទាន់មានចំណាត់ថ្នាក់នៅក្នុង FIVB ផងដែរ។ ដូច្នេះហើយ នេះអាចជាហេតុផលដ៏ធំមួយ ដែលក្លិបបាល់ទះរបស់កម្ពុជាមិនទាន់អាចចូលរួមប្រកួតក្នុងពាន AVC Men’s Volleyball Champions League សូម្បីម្តង។
ទោះបីជាយ៉ាងណា សង្កេតឃើញថា បាល់ទះក្នុងប្រទេសកម្ពុជា បាននឹងកំពុងរីកចម្រើនទៅមុខជាបន្តបន្ទាប់។ ដូច្នេះមិនយូរមិនឆាប់ នាពេលអនាគតនឹងមានក្លិបប្រទេសកម្ពុជា ត្រូវអញ្ជើញឱ្យចូលរួមប្រកួតក្នុងពានរបស់ អាស៊ី មួយនេះ៕
អត្ថបទ៖ សេម កុសល
-
ព័ត៌មានអន្ដរជាតិ១៣ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ