កីឡា
ក្រុម Sada Cruzeiro ជាអធិរាជបាល់ទះនៅអាមេរិកខាងត្បូង ៩ លើកជាប់គ្នា
ក្រុម Sada Cruzeiro ត្រូវបានគេចាត់ទុក ជាក្រុមបាល់ទះកំពូល និងជាក្រុមជោគជ័យបំផុតប្រចាំទ្វីប អាមេរិកខាងត្បូង។
នៅទ្វីបអាមេរិកខាងត្បូង គឺសម្បូរទៅដោយក្រុមបាល់ទះខ្លាំងៗជាច្រើន ប៉ុន្តែបើនិយាយអំពីក្រុម ដែលជោគជ័យបំផុតទាំងពានជាតិ និងអន្តរជាតិ គឺក្រុម Sada Cruzeiro របស់ប្រទេស ប្រេស៊ីល។
ក្រុម Sada Cruzeiro ត្រូវបានបង្កើតឡើងនៅឆ្នាំ ២០០៦ ដែលមានអាយុកាល ១៩ ឆ្នាំហើយ។ ក្រុមនេះមានកំណត់ត្រាដ៏អស្ចារ្យ និងក្រសោបបាននូវពានរង្វាន់ជាច្រើនទាំងក្នុងស្រុក និងអន្តរជាតិ។ ពួកគេបានក្លាយជាក្រុម ដែលបានឈ្នះជើងឯកក្លិបបាល់ទះពិភពលោក FIVB Club World Championship ច្រើនជាងគេ ពោលគឺចំនួន ៥ដង ដែលស្ថិតិនេះ គឺស្មើគ្នាជាមួយក្រុម អ៉ីតាលី Trentino Itas ដែលធ្លាប់ឈ្នះចំនួន ៥ ដងដូចគ្នា។
ជោគជ័យនៅក្នុងការប្រកួតប្រជែងពានលំដាប់ថ្នាក់ពិភពលោក គឺជារឿងដ៏អស្ចារ្យមួយ ប៉ុន្តែបើនិយាយនៅក្នុងពានរង្វាន់កំពូលប្រចាំទ្វីប អាមេរិកខាងត្បូងវិញ គឺពួកគេកាន់តែជោគជ័យថែមទៀត។ ពួកគេបានឈ្នះជើងឯកទ្វីបអាមេរិកខាងត្បូងនេះចំនួន ១១ លើក គិតចាប់តាំងពីពាននេះត្រូវបានបង្កើតឡើងដំបូងនៅឆ្នាំ២០០៩ រហូតដល់២០២៥។ ពួកគេបានគ្រងជើងឯកនៅឆ្នាំ ២០១២, ២០១៤, ២០១៦, ២០១៧, ២០១៨, ២០១៩, ២០២០, ២០២២, ២០២៣, ២០២៤ និង ២០២៥។ អ្វីដែលភ្ញាក់ផ្អើលបំផុតនោះគឺ ពួកគេបានឈ្នះជើងឯក៩លើកជាប់គ្នាគិតចាប់តាំងពីឆ្នាំ២០១៦ រហូតដល់២០២៥នេះគឺគ្មានក្រុមណាដែលអាចយកពានពីពួកគេបានឡើយរាល់ពេលជួបគ្នានៅវគ្គផ្តាច់ព្រ័ត្រ។
ដោយឡែកនៅក្នុងលីគបាល់ទះប្រេស៊ីល Brazilian Superliga វិញ ពួកគេបានឈ្នះចំនួន ៨ ដង ដែលបានក្លាយជាក្រុមឈ្នះច្រើនជាងគេបំផុត។
ក្រៅពីនោះ ពួកគេនៅឈ្នះពានជាច្រើនទៀត ដូចជាពាន Brazilian Cup ចំនួន ៨ ដង, ពាន Brazilian Super Cup ចំនួន ៦ ដង និងពាន Minas Gerais State Championship ចំនួន ១៦ ដង៕
អត្ថបទ៖ សេម កុសល
-
ព័ត៌មានអន្ដរជាតិ១២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា