តារាសម្តែងជើងចាស់លោក ចាន់ រិទ្ធមេធានី ទទួលបានការឧបត្ថម្ភពីកំពូលតារាចម្រៀង ខេមរ: សិរីមន្ត

បន្ទាប់ពីទទួលដំណឹងនៃការធ្លាក់ខ្លួនឈឺពីសំណាក់តារាសម្តែងជើងចាស់លោក ចាន់ រិទ្ធមេធានី កំពូលតារាចម្រៀងលោក ខេមរ: សិរីមន្ត បានសម្រេចឧបត្ថម្ភនៅសម្ភារ:បរិភោគនិងថវិការមួយចំនួនដល់តារាជើងចាស់រូបនេះ។

តារាចម្រៀងមានងារជាឧកញ៉ា ខេមរ: សិរីមន្ត បានឱ្យដឹងថាព្រោះតែក្តីអាណិតនិងការស្រលាញ់ចំពោះសិល្បកររៀមច្បង ដែលកំពុងជួបការលំបាក និងខ្វះខាតសម្រាប់ជីវភាពប្រចាំថ្ងៃទើបលោកបានអញ្ជើញលោក ចាន់ រិទ្ធមេធានី មកជួបដោយផ្ទាល់ដើម្បីឧបត្ថម្ភថវិកា និងសម្ភារ:ខ្លះជួយសម្រួលបន្ទុកក្នុងការចិញ្ចឹមជីវិត។

លោក ខេមរ: សិរីមន្ត បានបន្តថា “ដោយក្តីគោរពស្រ ឡាញ់ចំពោះសិល្បករាមច្បងបង «ចាន់ រិទ្ធមេធានី» ដែលបងមានបញ្ហាសុខភាព និងបញ្ហាជីវភាពប្អូនចូលរួមបងបានដោះស្រាយបញ្ហាជីវភាពបានមួយរយៈដែរបើបងប្អូនសិល្បៈករណាចង់ជួយគាត់អាចជួយបានក្នុងនាមជាខ្មែរដូចគ្នា”។

ជាមួយគ្នានេះ តារាសម្តែងលោក ចាន់ រិទ្ធមេធានី បានបង្ហាញអារម្មណ៍រំភើបនិងអរគុណចំពោះការជួយពីសំណាក់កំពូលតារាចម្រៀងលោក ខេមរ: សិរីមន្ត ផងដែរ ដែលបានជួយថវិការនិងសម្ភារ:មានដូចជា, អង្ករ ,ត្រខ និងទឹកស៊ីអ៊ៀវដើម។

គួររំលឹកថាលោក ចាន់ រិទ្ធមេធានី ធ្លាប់ផ្តល់បទសម្ភាសកន្លងមកថា សព្វថ្ងៃក្រៅពីបាត់បង់អាជីពសិល្ប: លោកប្រកបរបររត់ Passapp ដើម្បីចិញ្ចឹមជីវិត និងត្រូវទិញថ្នាំលេបជាប្រចាំថ្ងៃ ចំណែកឯរឿងគ្រួសារក៏បានចែកផ្លូវគ្នារស់នៅរៀងខ្លួនដោយលោកមិនចង់ឱ្យអតីតភរិយាពិបាកជាមួយលោក ដូច្នេះហើយទើបលោកសម្រេចចិត្តសុំចុះចេញតែម្តង៕ អត្ថបទ៖ចាន់រ៉ា