ព័ត៌មានជាតិ

រដ្ឋបាលសង្កាត់ចោមចៅទី ១ ចុះបូមស្តារប្រព័ន្ធលូជូនប្រជាពលរដ្ឋ ក្រោយភ្លៀងជាបន្តបន្ទាប់

បានផុស

១ year មុន

នៅ

ថ្ងៃសុក្រ ៣០ ឧសភា ២០២៥

ដោយ

កាលពីថ្ងៃទី ២៩ ខែឧសភា ឆ្នាំ ២០២៥ រដ្ឋបាលសង្កាត់ចោមចៅទី ១ បានសហការជាមួយក្រុមការងារសាលារាជធានី ចុះពិនិត្យបូមស្តារប្រព័ន្ធលូ នៅផ្លូវលេខ ១៩ បុរីពិភពថ្មី ផ្សារត្រពាំងថ្លឹង ភូមិត្រពាំងថ្លឹង ៤ សង្កាត់ចោមចៅទី ១ ខណ្ឌពោធិ៍សែនជ័យ ដើម្បីបញ្ចៀសការជន់លិច និងកកស្ទះទឹកលើផ្លូវ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក កង វង ចៅសង្កាត់ចោមចៅទី ១ បានឲ្យដឹងថា ដោយសារតែប្រជាពលរដ្ឋមួយចំនួនមិនបានវេចខ្ចប់ទុកដាក់សំរាមឲ្យបានត្រឹមត្រូវ ខណៈមេឃភ្លៀងមកម្តងៗ ធ្វើឲ្យសំរាមទាំងនោះហូរចូលប្រព័ន្ធលូ ស្ទះចរន្តទឹកហូរ និងហៀរចេញមកលើដងផ្លូវ។

លោកចៅសង្កាត់ បានបន្តថា ដោយប៉ុន្មានថ្ងៃមកនេះភ្លៀងបានធ្លាក់មកជាបន្តបន្ទាប់ធ្វើឲ្យតំបន់មួយចំនួនបានលិច និងទឹកដក់លើដងផ្លូវ ក្រោយពីទទួលបានការស្នើសុំពីប្រជាពលរដ្ឋ លោកបានសហការជាមួយក្រុមការងាររដ្ឋបាលខណ្ឌ ងសាលារាជធានី ចុះពិនិត្យជាក់ស្ដែង និងបូមស្តារប្រព័ន្ធលូ ដើម្បីសម្រួលដល់ចរន្តទឹកហូរលឿន បញ្ចៀសការជន់លិច។

លោក កង វង ចៅសង្កាត់ តំណាងប្រជាពលរដ្ឋ ក៏បានអរគុណដល់ លោក ឃួង ស្រេង អភិបាលរាជធានីភ្នំពេញ លោក សាំ ពិសិដ្ឋ ប្រធានមន្ទីរសាធារណការដឹកជញ្ជូនរាជធានីភ្នំពេញ និងលោក សក់ ចន្ទ័កញ្ញារិទ្ធ អភិបាលខណ្ឌពោធិ៍សែនជ័យ ក្រុមការងារខណ្ឌ ដែលបានផ្តល់រថយន្តមកបូមលូទាន់ពេលវេលា៕

អត្ថបទ ៖ សុខា