ព័ត៌មានអន្ដរជាតិ
យោធាមីយ៉ាន់ម៉ាប្រើអាវុធធុនធ្ងន់បង្ក្រាបអ្នកតវ៉ា បង្កើនអ្នកស្លាប់ជាង៥០០នាក់
អ្នកតវ៉ាមីយ៉ាន់ម៉ាបាននាំគ្នាដុតទៀនបំភ្លឺពេលយប់ដើម្បីជាការប្រុងប្រយ័ត្ន បន្ទាប់ពីមនុស្សជាង៥០០នាក់ត្រូវបានសម្លាប់ចាប់តាំងពីរដ្ឋប្រហារ១កុម្ភៈមក ខណៈថ្ងៃអង្គារនេះអ្នកតវ៉ាបានចាប់ផ្តើមយុទ្ធនាការណ៍ប្រឆាំងថ្មីមួយទៀតដោយចោលសំរាម និងវត្ថុផ្សេងៗនៅលើដងផ្លូវ។
ជនស៊ីវិល១៤នាក់ត្រូវបានសម្លាប់កាលពីថ្ងៃចន្ទ ម្សិលមិញ។ នេះបើតាមសមាគមជំនួយសម្រាប់អ្នកទោសនយោបាយ (AAPP) បាននិយាយ ហើយយ៉ាងហោចណាស់មាន៨នាក់ត្រូវបានសម្លាប់នៅខណ្ឌ South Dagon ក្នុងទីក្រុងយ៉ាំងហ្គោន។
សាក្សីបាននិយាយថា កម្លាំងសន្តិសុខនៅក្នុងតំបន់បានបាញ់អាវុធធុនធ្ងន់ជាងធម្មតាកាលពីថ្ងៃចន្ទដើម្បីទម្លាយរបាំងនៅលើដងផ្លូវ។ តែមិនទាន់ច្បាស់ភ្លាមទេថា តើជាប្រភេទអាវុធអ្វី។
ទូរទស្សន៍រដ្ឋមីយ៉ាន់ម៉ាបាននិយាយថា កម្លាំងសន្តិសុខបានប្រើអាវុធបង្ក្រាបកូដកម្មដើម្បីបំបែកហ្វូងមនុស្សដែលមានហិង្សា ក្នុងគោលបំណងបើកទម្លាយផ្លូវ និងមនុស្សម្នាក់បានរបួស។
អ្នកស្រុកនៅ South Dagon ម្នាក់បាននិយាយនៅថ្ងៃអង្គារនេះថា ការផ្ទុះអាវុធជាច្រើននៅពេលយប់ជ្រៅដែលធ្វើឲ្យមានការព្រួយបារម្ភមនុស្សស្លាប់ច្រើន។
អគ្គលេខាធិការអង្គការសហប្រជាជាតិលោក Antonio Guterres បានជំរុញឲ្យឧត្តមសេនីយ៍មីយ៉ាន់ម៉ាបញ្ឈប់ការសម្លាប់ និងកៀបសង្កត់លើបាតុករ។
តាមប្រភពពី AAPP ជាក្រុមតស៊ូមតិបានឲ្យដឹងថា យ៉ាងហោចណាស់មនុស្ស៥១០នាក់ហើយត្រូវបានសម្លាប់ក្នុងរយៈពេលជិតខែកន្លងទៅនេះ។
កាលពីថ្ងៃសៅរ៍ជាថ្ងៃថ្លុកឈាមបំផុតដែលមានមនុស្ស១៤១នាក់ត្រូវបានសម្លាប់។
ការស្លាប់ច្រើនបានកើតនាចុងសប្តាហ៍កន្លងទៅនេះដែលធ្វើឲ្យចំនួនអ្នកស្លាប់កើនឡើងយ៉ាងឆាប់រហ័សដល់ជាង៥០០នាក់ និងមនុស្សរាប់ពាន់ត្រូវបានចាប់ខ្លួន៕
ប្រែសម្រួល៖ វីរបុត្រ
ប្រភព៖ Reuters
-
ព័ត៌មានជាតិ៤ ថ្ងៃ ago
ស្ថានភាពធាតុអាកាសនៅកម្ពុជា ចាប់ថ្ងៃទី២ ដល់ថ្ងៃទី៤ ខែឧសភា ឆ្នាំ២០២៤
-
ព័ត៌មានជាតិ៥ ថ្ងៃ ago
ក្នុងករណីក្ដៅខ្លាំងលើស៤០អង្សារ សម្ដេចធិបតី ណែនាំឱ្យគណៈគ្រប់គ្រងសាលាផ្អាកការសិក្សាបន្ទាន់
-
ព័ត៌មានជាតិ១ សប្តាហ៍ ago
មន្ត្រីជំនាញប្រើថវិកាជាតិលើការជួសជុលច្រាំងស្ពានវត្តគរ រហូតដល់ ៥ លើក
-
ព័ត៌មានជាតិ៤ ថ្ងៃ ago
ប្រភពមន្រ្តីព្រលាន៖ មានភ្ញៀវជិះពេញ សម្ពោធជើងហោះហើររបស់ Air Asia Cambodia ទៅសៀមរាប
-
ជីវិតកម្សាន្ដ២១ ម៉ោង ago
ក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន
-
ព័ត៌មានអន្ដរជាតិ៥ ថ្ងៃ ago
ផ្ទុះរោងចក្រឈើនៅវៀតណាម ផ្តាច់ជីវិតមនុស្ស ៦នាក់
-
ជីវិតកម្សាន្ដ៧ ថ្ងៃ ago
តារាថៃ Bella បញ្ចាក់ទំនាក់ទំនងជាមួយកូនថៅកែ CP Group
-
ព័ត៌មានជាតិ៤ ថ្ងៃ ago
សម្ដេចតេជោ ចោទសួរទៅកាន់វិទ្យុមួយថា តើល្ងង់មែនទេ ដែលវាយប្រហារភរិយាសម្ដេចធិបតី?