ព័ត៌មានជាតិ

បញ្ជីឈ្មោះក្រុមនារីកម្ពុជា U19 ត្រៀមប្រកួតពាន ASEAN U19 នៅវៀតណាម

បានផុស

៣៣ វិនាទី មុន

នៅ

ថ្ងៃសុក្រ ៦ មិថុនា ២០២៥

ដោយ

សហព័ន្ធកីឡាបាល់ទាត់កម្ពុជាបានចេញបញ្ជីឈ្មោះជាផ្លូវការអំពី ក្រុមបាល់ទាត់នារីកម្ពុជាអាយុក្រោម១៩ឆ្នាំ ដែលត្រូវចេញទៅប្រកួតពានរង្វាន់នារីអាស៊ាន ASEAN U19 Girls’ Championship ចាប់ពីថ្ងៃទី៩ ដល់ថ្ងៃទី១៨ ខែមិថុនា ឆ្នាំ២០២៥ នៅទីក្រុង ហូជីមិញ ប្រទេសវៀតណាម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមនារីកម្ពុជា ស្ថិតនៅពូល B ដែលសុទ្ធតែក្រុមខ្លាំងគឺ ថៃ ឥណ្ឌូណេស៊ី និងម៉ាឡេស៊ី។

ពូល A៖ វៀតណាម មីយ៉ាន់ម៉ា ឡាវ និង ទីម័រខាងកើត
ពូល B៖ ថៃ ឥណ្ឌូណេស៊ី កម្ពុជា និង ម៉ាឡេស៊ី

ពានរង្វាន់នារីអាស៊ាននេះ ត្រូវបានបង្កើតឡើងកាលពីឆ្នាំ២០១៤ ហើយទើបដំណើរការប្រកួតបាន៣ដងប៉ុណ្ណោះ និងមិនទៀងទាត់ទេ។ ឆ្នាំដំបូង២០១៤ រៀបចំការប្រកួតនៅថៃ ដោយម្ចាស់ផ្ទះថៃឈ្នះជើងឯក។ ឆ្នាំ២០២២ រៀបចំនៅប្រទេសឥណ្ឌូណេស៊ី ក្រុមនារីអូស្ត្រាលីជាជើងឯក និងលើកទី៣រៀបចំនៅឥណ្ឌូណេស៊ីទៀត ដោយថៃជាជើងឯក។ ក្រុមនារីវៀតណាមទទួលបានចំណាត់ថ្នាក់លេខ២ទាំង៣លើក។

កម្ពុជា ធ្លាប់បានបញ្ជូនក្រុមចូលរួមបាន២ដងហើយគឺឆ្នាំ២០២២ ក្រុមនារីកម្ពុជា ស្មើ សិង្ហបុរី ១-១, ចាញ់ថៃ ០-៤, ចាញ់ឥណ្ឌូណេស៊ី ០-១ និង ចាញ់វៀតណាម ០-៧។ លើកទី២ ឆ្នាំ២០២៣ នារីកម្ពុជា ឈ្នះ ឡាវ ២-១, ឈ្នះទីម័រខាងកើត ១-០ និង ចាញ់ឥណ្ឌូណេស៊ី ០-៥៕