ព័ត៌មានជាតិ

ស៊ូ សុជាតិ៖មុននឹងសម្រេចចិត្តវិនិយោគលើឧបករណ៍ហិរញ្ញវត្ថុណាមួយ ទាមទារឱ្យមានចំណេះដឹងពាក់ព័ន្ធនឹងវិស័យនោះ

បានផុស

១២ ខែ មុន

នៅ

ថ្ងៃសុក្រ ២០ មិថុនា ២០២៥

ដោយ

អគ្គនាយកនៃនិយ័តករមូលបត្រកម្ពុជា (SERC) លោក ស៊ូ សុជាតិ បានថ្លែងថា ការយល់ដឹងំពីវិស័យអំពីវិស័យពាក់ព័ន្ធនានារបស់សាធារណជនគឺពិតជារឿងសំខាន់មុននឹងធ្វើការសម្រេចចិត្តធ្វើការវិនិយោគ ជាពិសេសការវិនិយោគលើទីផ្សារមូលបត្រ គឺទាមទារពួកគេត្រូវមានចំណេះដឹងពាក់ព័ន្ធនឹងវិស័យមូលបត្រ ដែលអាចផ្តល់ជាពុទ្ធិក្នុងការវិភាគមុននឹងសម្រេច ចិត្តវិនិយោគលើឧបករណ៍ហិរញ្ញវត្ថុណាមួយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងក្នុងសិក្ខាសាលា ស្តីពី“ការឈ្វេងយល់អំពីឧបករណ៍វិនិយោគ និងហិរញ្ញប្បទានក្នុងវិស័យមូលបត្រ”នៅព្រឹកថ្ងៃទី១៩ ខែមិថុនា លោក ស៊ូ សុជាតិ ថា ការវិនិយោគក្នុងទីផ្សារមូលបត្រ គឺទាមទារ ឱ្យសាធារណជនត្រូវមានចំណេះដឹងពាក់ព័ន្ធនឹងវិស័យមូលបត្រ ដែលអាចផ្តល់ជាពុទ្ធិក្នុងការវិភាគមុននឹងសម្រេច ចិត្តវិនិយោគលើឧបករណ៍ហិរញ្ញវត្ថុណាមួយដែលសមស្របនឹងចំណេះដឹង និងកម្រិតហានិភ័យដែលយើងហ៊ានទទួលយក ហើយត្រូវវិនិយោគតាមរយៈក្រុមហ៊ុនដែលទទួលបានអាជ្ញាបណ្ណ ការអនុញ្ញាត និង/ឬការទទួលស្គាល់ពី SERC។

លោកថា៖«ទីផ្សារមូលបត្រ ក៏ជាកន្លែងមួយដែលអាចសិក្សារៀនសូត្របន្ថែមក្នុងការគ្រប់គ្រងផ្នែកហិរញ្ញវត្ថុផ្ទាល់ខ្លួន ដើម្បី បង្កើនចំណូលអកម្ម ផងដែរ»។

លោក យឿង វីរបុត្រ ប្រធានសមាគមអ្នកវិនិយោគមូលបត្រកម្ពុជាបានលើកឡើងថាការសិក្សារៀនសូត្រត្រូវផ្សារភ្ជាប់ជាមួយនឹងក អនុវត្តផ្ទាល់ជាប្រចាំ ដើម្បីបង្កើននូវចំណេះដឹង និងអភិវឌ្ឍសមត្ថភាពបន្ថែម។ លោកថា៖« ក្នុងនាមជាវិនិយោគិនគួរស្វែងរកប្រាក់ចំណេញតាមរយៈការវិនិយោគលើគម្រោងវិនិយោគណាដែលស្របច្បាប់ ដើម្បីស្វែងរកប្រាក់ចំណូល ឱ្យបានច្រើនជាងការចំណាយ»។

លោក ហុង សុខហួរ អគ្គនាយកនៃផ្សារមូលបត្រកម្ពុជា (CSX ) បានថ្លែងក្នុងកម្មវិធីកិច្ចសន្ទនាសេដ្ឋកិច្ចរបស់កម្ពុជាថ្មីកន្លងមកនេះថា ក្នុងរយៈពេលជាង ១៣ ឆ្នាំ នៃការបើកដំណើរការផ្សារហ៊ុននៅក្នុងប្រទេសកម្ពុជា ផ្សារមូលបត្របានចូលរួមកៀរគរថវិកាបានប្រមាណជិត ៥០០ លានដុល្លារអាមេរិក។

ពាក់ព័ន្ធទីផ្សារនៅកម្ពុជានេះដែរ លោក ហុង សុខហួរ បានបន្តថា ចំនួននៃការចូលរួមបើកគណនេយ្យជួយដូរក៏ឃើញមានការកើនឡើងជាលំដាប់ផងដែរ ដែលគិតមកដល់ពេលបច្ចុប្បន្នមានប្រមាណជាង ៦ ម៉ឺនគណនេយ្យ។

លោកមកទាល់បច្ចុប្បន្ន មានប្រជាពលរដ្ឋកម្ពុជាមួយចំនួនគឺនៅតែពុំទាន់បានស្គាល់អំពីផ្សារមូលបត្រកម្ពុជាបានពិតប្រាកដនៅឡើយទេ។

លោក បានពន្យល់ថា៖« ផ្សារហ៊ុន គឺជាការមកទិញភាគហ៊ុនរបស់ក្រុមហ៊ុនមួយ មិនមែនជាការមកលេងហាងឆេងនោះទេ ប៉ុន្តែជាការទិញភាគហ៊ុនដើម្បីក្លាយទៅជាម្ចាស់អាជីវកម្មមួយ ហើយអាចក្លាយទៅជាម្ចាស់អាជីវកម្មតូច ឬធំ គឺស្ថិតនៅត្រង់ថាយើងបានទិញភាគហ៊ុនពីក្រុមហ៊ុនណាមួយនោះចំនួនប៉ុន្មានភាគរយនោះទេ»។ លោកថា អ្នកចូលមកទិញភាគហ៊ុនអាចមានគោលដៅច្រើន ដោយពួកគេអាចទិញភាគហ៊ុនមកដើម្បីលក់ប្រចាំថ្ងៃ និងមួយចំនួនទៀតទិញ លក់ឆ្លងថ្ងៃប្រចាំសប្ដាហ៍ ដែលទិញមកក្នុងគោលដៅលក់ទៅវិញដើម្បីទទួលបានផលចំណេញជាងមុន គេហៅថា Trader ៕

ព័ត៌មានអន្ដរជាតិ១២ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច២ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

ព័ត៌មានអន្ដរជាតិ៦ ថ្ងៃ ago

អ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ

កីឡា៣ ថ្ងៃ ago

មូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង

ព័ត៌មានអន្ដរជាតិ១ សប្តាហ៍ ago

រដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា