ព័ត៌មានជាតិ
ផ្លូវបេតុង ១ ខ្សែ នៅឃុំចុងផ្លាស់ រងការខូចខាតកន្លងទៅ ពេលនេះក្រុមហ៊ុនសាងសង់គោរពកិច្ចសន្យាជួសជុលឡើងវិញ
ផ្លូវបេតុង ១ ខ្សែ ប្រវែង ៤០១ ម៉ែត្រ ស្ថិតក្នុងភូមិពូទុង ឃុំចុងផ្លាស់ ស្រុកកែវសីមា ខេត្តមណ្ឌលគិរី ក្រោយស្ថាបនារួចរាល់ដោយក្រុមហ៊ុន អេច ប៊ីរីសសន៍ នៅចន្លោះពាក់កណ្ដាល ឆ្នាំ ២០២៤ រងការខូចខាតជាច្រើនកន្លែង តែពេលនេះក្រុមហ៊ុនគោរពតាមកិច្ចសន្យា បានស្ថាបនាជួសជុលប៉ះប៉ូវផ្លូវឡើងវិញហើយ។
ក្រុមជាងបច្ចេកទេសស្ថាបនាជួសជុលផ្លូវ បានឲ្យដឹងថា ពួកគាត់កំពុងតែធ្វើការជួសជុលប៉ះប៉ូវផ្លូវបេតុងខាងលើដែលរងការខូចខាត នាពេលកន្លងមក។ ចំពោះផ្លូវដែលកំពុងតែជួសជុលនេះ មានប្រវែង ៤០១ ម៉ែត្រ ប៉ុន្តែផ្លូវដែកជួសជុលជាក់ស្ដែងគឺមិនដល់ ៤០១ ម៉ែត្រ នោះទេ ដោយក្នុងនោះជាងជួសជុលតែនៅចំណុចរងការខូចខាតតែប៉ុណ្ណោះ។
ក្រុមជាង បានបញ្ជាក់ថា ការជួសជុលផ្លូវបេតុង ១ ខ្សែនេះ កន្លងទៅ ក្រុមហ៊ុន បានធ្វើការស្ថាបនាសាងសង់ តែក្រោយមកក៏រងការខូចខាតតាមចំណុចទីតាំងមួយចំនួន។ ក្នុងនោះ ដោយភាគីក្រុមហ៊ុន គោរពទៅតាមកិច្ចសន្យាថែទាំផ្លូវនេះ ក៏បានធ្វើការជួសជុលសងជូនរដ្ឋបាលឃុំចុងផ្លាស់ ដើម្បីកែសម្រួល និងងាយស្រួលធ្វើចរាចរណ៍ឡើងវិញផងដែរ។
សូមបញ្ជាក់ថា ផ្លូវបេតុង(អាមេ) ១ ខ្សែ ប្រវែង ៤០១ ម៉ែត្រ ទទឹង ៦ ម៉ែត្រ ជាគម្រោងសាងសង់ថវិកាមូលនិធិអភិវឌ្ឍន៍ឃុំ ក្នុងឆ្នាំ ២០២៣ ដាក់ដេញថ្លៃកន្លងទៅ សាងសង់ស្ថាបនាក្នុងឆ្នាំ ២០២៤ បានទៅលើក្រុមហ៊ុនសាងសង់ អេច ប៊ីរីសសន៍ ក្នុងតម្លៃ ២៦០.៥៥០.០០០ រៀល ក្នុងនោះ ក៏មានទុនចូលរួម ១០០ ០០០ រៀល ផងដែរ។ ក្រោយការសាងសង់ និងដាក់ឲ្យដំណើរការចរាចរណ៍មក បានប្រហែលជាប៉ុន្មានខែប៉ុណ្ណោះ ផ្លូវនេះ ក៏រងការខូចខាត ហើយថ្មីៗ នេះ ក្រុមហ៊ុន អេច ប៊ីរីសសន៍ បានបើកការដ្ឋានជួសជុលប៉ះប៉ូវផ្លូវនេះឡើងវិញជូនរដ្ឋបាលឃុំ ដើម្បីងាយស្រួលធ្វើចរាចរណ៍។
ទន្ទឹមនឹងការជួសជុលផ្លូវនេះ ប្រជាពលរដ្ឋនៅតំបន់ខាងលើ ក៏បានសំណូមពរអាជ្ញាធរ បើសិនជាមានការសាងសង់ផ្លូវបេតុងជូនពួកគាត់នៅឆ្នាំក្រោយៗ ទៀត សូមពិនិត្យទៅលើក្រុមហ៊ុនឲ្យបានល្អិតល្អន់ច្បាស់លាស់បន្តិច មុនផ្តល់សិទ្ធសាងសង់ផ្លូវ ព្រោះផ្លូវ ១ ខ្សែ ត្រូវការចំណាយថវិការដ្ឋច្រើន ជាពិសេសកុំឲ្យមានការស្ថាបនាដូចក្រុមហ៊ុនកន្លងទៅដោយសាងសង់រួចបានតែប៉ុន្មានខែ ស្រាប់តែខូចខាតឡើងវិញ ហើយត្រូវចំណាយពេលជួសជុលម្តងទៀតបែបនេះ៕
អត្ថបទ ៖ រៀម សុខហេង
-
ព័ត៌មានអន្ដរជាតិ២២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ