ព័ត៌មានអន្ដរជាតិ
ត្រាំ ប្រាប់ថា ចំណាប់ខ្មាំងនៅហ្គាហ្សា ១០នាក់ទៀតនឹងត្រូវបានដោះលែងឆាប់ៗ
ប្រធានាធិបតីអាមេរិក លោក ដូណាល់ ត្រាំ បានប្រកាសនៅល្ងាចថ្ងៃសុក្រទី១៨ខែកក្កដាថា ចំណាប់ខ្មាំង ១០នាក់ផ្សេងទៀត ដែលត្រូវបានឃុំខ្លួនក្នុងតំបន់ហ្គាហ្សា នឹងត្រូវដោះលែង«ក្នុងពេលដ៏ខ្លីខាងមុខ»។

លោក ត្រាំ បានធ្វើការកត់សម្គាល់នេះ ក្នុងពេលពិសាអាហារពេលល្ងាចនៅសេតវិមានជាមួយសមាជិកសភាមកពីគណបក្សសាធារណរដ្ឋ ដោយសរសើរការចរចាដែលដឹកនាំដោយបេសកជនពិសេសអាមេរិក Steve Witkoff។
មេដឹកនាំអាមេរិក បាននិយាយថា «យើងបានទទួលចំណាប់ខ្មាំងភាគច្រើនត្រឡប់មកវិញ។ យើងនឹងមាន ១០នាក់ទៀតនឹងមកក្នុងពេលឆាប់ៗនេះ ហើយយើងសង្ឃឹមថានឹងបញ្ចប់វាយ៉ាងឆាប់រហ័ស»។ នេះគឺជាផ្នែកមួយនៃសំណើសម្រាប់បទឈប់បាញ់រយៈពេល ៦០ថ្ងៃ រវាងអ៊ីស្រាអែល និងក្រុមហាម៉ាស ដែលនៅក្នុងនោះមានការដោះលែងចំណាប់ខ្មាំងនៅរស់ចំនួន ១០នាក់ និងសាកសព ១៨នាក់ផ្សេងទៀត ជាថ្នូរនឹងការដោះលែងអ្នកជាប់ឃុំប៉ាឡេស្ទីនមួយចំនួននៅក្នុងប្រទេសអ៊ីស្រាអែល។
ការចរចាបានបន្តធ្វើឡើងនៅទីក្រុងដូហា ចាប់តាំងពីថ្ងៃទី៦ខែកក្កដា សម្របសម្រួលដោយអាមេរិក កាតា និងអេហ្ស៊ីប។ ខណៈពេលដែលទាំងអ៊ីស្រាអែល និងក្រុមហាម៉ាសបានសម្តែងការគាំទ្រចំពោះបទឈប់បាញ់បណ្តោះអាសន្ន មានការខ្វែងគំនិតគ្នាលើលក្ខខណ្ឌមួយចំនួន ជាពិសេសទាក់ទងនឹងការដកទ័ពអ៊ីស្រាអែល និងការធានាសម្រាប់បទឈប់បាញ់ជាអចិន្ត្រៃយ៍។
អ្នកនាំពាក្យដែលមានទំនាក់ទំនងជាមួយក្រុមហាម៉ាស បានទទួលស្គាល់ការបើកចំហររបស់ក្រុមចំពោះការផ្អាកបណ្តោះអាសន្នក្នុងការប្រយុទ្ធគ្នា ប៉ុន្តែបានសង្កត់ធ្ងន់ថា កិច្ចព្រមព្រៀងដ៏ទូលំទូលាយ និងយូរអង្វែង នៅតែចាំបាច់៕

ដោយ៖ ឈាង

-
ព័ត៌មានអន្ដរជាតិ១ សប្តាហ៍ ago
ពលរដ្ឋថៃ នៅជាប់ព្រំដែនមីយ៉ាន់ម៉ា កំពុងត្រៀមខ្លួនសម្រាប់ភាពអាសន្ន
-
បច្ចេកវិទ្យា៣ ថ្ងៃ ago
OPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ៦ ថ្ងៃ ago
ថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
-
ព័ត៌មានជាតិ៥ ម៉ោង ago
អគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
ព័ត៌មានជាតិ៦ ថ្ងៃ ago
កម្ពុជា រងឥទ្ធិពលពីព្យុះមួយទៀត គឺជាព្យុះទី៥ ឈ្មោះ ណារី (Nari)
-
ព័ត៌មានអន្ដរជាតិ៣ ថ្ងៃ ago
រដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
ព័ត៌មានអន្ដរជាតិ៥ ថ្ងៃ ago
«នាយករដ្ឋមន្ត្រី៣នាក់ក្នុងពេល៣ថ្ងៃ» ជារឿងដែលមួយពិភពលោក មិនអាចធ្វើបានដូចថៃ
-
សន្តិសុខសង្គម៧ ម៉ោង ago
ជនមិនស្គាល់មុខ លីបារី ១០៥ សុង ឆ្លងកាត់ច្រកអន្តរជាតិភ្នំដី ត្រូវកម្លាំងគយចាប់បាន