កីឡា
ការកសាង កីឡដ្ឋានខេត្តស្វាយរៀងជាថ្មី ប្រើពេល ១ រដូវកាល ជាមួយអំពូលភ្លើង LED ថ្មី ស្របតាមស្តង់ដាអាស៊ី AFC
ក្លិបបាល់ទាត់ ព្រះខ័នរាជស្វាយរៀង បានចាប់ផ្តើមសាងសង់កីឡដ្ឋានជាថ្មី កាលពីថ្ងៃទី ១៨ ខែកក្កដា ឆ្នាំ ២០២៥ ដើម្បីបំពេញទៅតាមកម្រិតស្តង់ដារបស់សហព័ន្ធកីឡាបាល់ទាត់អាស៊ី។
លោក Christopher Grant អ្នកចាត់ការទូទៅរបស់ក្លិបព្រះខ័នរាជស្វាយរៀង បានប្រាប់«កម្ពុជាថ្មី» នៅព្រឹកថ្ងៃទី៣១ ខែកក្កដា ឆ្នាំ ២០២៥ ថា ការសាងសង់ជាថ្មីនៃកីឡដ្ឋានខេត្តស្វាយរៀងគឺ ត្រូវប្រើពេលពេញមួយរដូវកាលថ្មី ២០២៥-២៦ ដោយគ្រោងបញ្ចប់ និងប្រើប្រាស់នៅដើមរដូវកាល ២០២៦/២៧។
ការសាងសង់ជាថ្មីនេះ កីឡដ្ឋានអាចផ្ទុកអ្នកទស្សនាបានប្រមាណ ៧២០០ នាក់ និងមានបន្ទប់ភ្ញៀវពិសេស (VIP) ចំនួន ១២។ ស្មៅធម្មជាតិកម្រិតស្តង់ដាដូចរដូវកាលមុន ប៉ុន្តែដាក់ស្មៅធម្មជាតិជប៉ុន និងប្រព័ន្ធរំដោះទឹកថ្មី។
លោកបានបញ្ជាក់ថា ៖«អគ្គិសនីនឹងដំឡើងកម្លាំងបន្ថែម ជាមួយអំពូលភ្លើង LED ថ្មី ដែលមានកម្រិត LUX of 1,400+ ស្របទៅតាមស្តង់ដារបស់សហព័ន្ធកីឡាបាល់ទាត់អាស៊ី»។
កីឡដ្ឋានខេត្តស្វាយរៀង បានក្លាយជាកន្លែងដែលមានអ្នកគាំទ្រចូលទស្សនាផ្ទាល់ច្រើនជាងគេបំផុតនាពីររដូវកាលចុងក្រោយនៃការប្រកួតលីគបាល់ទាត់កំពូលកម្ពុជា។ កន្លងមក កីឡដ្ឋានអាចផ្ទុកអ្នកទស្សនាផ្ទាល់ប្រមាណ ៤០០០នាក់ប៉ុណ្ណោះ ខណៈចំនួនអ្នកទស្សនាបានកើនឡើងជាលំដាប់។ ស្របពេលជាមួយគ្នានេះ ក្លិបមានភារកិច្ចក្នុងការប្រកួតពានរង្វាន់អន្តរជាតិចំនួន ២ ផ្សេងគ្នា ប៉ុន្តែរៀបចំការប្រកួតនៅពហុកីឡដ្ឋានជាតិមរតកតេជោ។
សម្រាប់រដូវកាលថ្មី ២០២៥-២៦ ក្លិបព្រះខ័នរាជស្វាយរៀង សម្រេចប្រើប្រាស់ពហុកីឡដ្ឋានជាតិមរតកតេជោទាំងការប្រកួតពានរង្វាន់ក្នុងស្រុក និងពានអន្តរជាតិ។ បន្ទាប់ពីការសាងសង់ទីលានជាថ្មីរួចរាល់ ក្លិបនឹងប្រើប្រាស់កីឡដ្ឋានថ្មីទាំងការប្រកួតពានរង្វាន់ក្នុងស្រុក និងអន្តរជាតិ៕
អត្ថបទ៖ វីរបុត្រ
-
ព័ត៌មានអន្ដរជាតិ១២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ