សេដ្ឋកិច្ច

ក្រុមហ៊ុនបុត្រសម្ព័ន្ធអេមរុរ៉ាយស៍ ចុះកិច្ចសន្យាកសិកម្មជាមួយសហគមន៍ ៦ លើស្រូវសរីរាង្គ និងសែនក្រអូបជាង ៥ តោន នៅខេត្តមណ្ឌលគិរី

បានផុស

១០ ខែ មុន

នៅ

ថ្ងៃព្រហស្បតិ៍ ២១ សីហា ២០២៥

ដោយ

ក្រុមហ៊ុនសាជីវកម្មសហគមន៍កសិកម្មកម្ពុជា (CACC) ដែលជាក្រុមហ៊ុនបុត្រសម្ព័ន្ធរបស់ក្រុមហ៊ុនអេមរុរ៉ាយស៍ បានចុះហត្ថលេខាលើកិច្ចសន្យាកសិកម្មផលិតកម្ម ជាមួយសហគមន៏កសិកម្ម ចំនួន ៦ និងក្រុមផលិតរបស់គម្រោងអេមស៍ចំនួន ១៨ ក្រុម លើស្រូវសរីរាង្គ និងស្រូវសែនក្រអូប (SKO) ក្នុងបរិមាណជាង ៥ តោន (៥.០៧៦ តោន) នៅខេត្តមណ្ឌលគិរី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងកិច្ចសន្យានោះ មានកិច្ចសន្យាផលិតស្រូវសរីរាង្គប្រភេទប្រកាន់រដូវសរុបចំនួន ៤ ០៧៦ តោន លើផ្ទៃដីផលិតសរុបចំនួន ៤ ១៩៧ ហិកតា សមាជិក សរុបចំនួន ១ ៣៦៤ គ្រួសារ និងប្រភេទពូជស្រូវសែនក្រអូបសរុបចំនួន ១ ០០០ តោន លើផ្ទៃដីផលិត សរុបចំនួន ៣៩៦,៨៥ ហ.ត ស្មើនឹង ៥៧២ គ្រួសារ ដែលសរុបស្មើនឹង ៥ ០៧៦ តោន និងមានកសិករ ចូលរួមផលិត ២ ១១៦ គ្រួសារ និងមានជនជាតិភាគតិច ប្រមាណ ៧០% នៃអ្នកផលិតសរុប។

ពិធីចុះកិច្ចសន្យានេះ គឺជាឆ្នាំទី៣ នៃដំណើរការអនុវត្តគម្រោង “ធ្វើឱ្យប្រសើរឡើងវិញនូវ កសិកម្មសរីរាង្គសម្រាប់កសិករខ្នាតតូចនៅភាគខាងជើងប្រទេសកម្ពុជា” ដែលបាននឹងកំពុងអនុវត្តរួមគ្នា រវាង CACC និងកម្មវិធីស្បៀងអាហារពិភពលោក (WFP)។ គម្រោងនេះ ទទួលបានថវិកាគាំទ្រពីកម្មវិធី កសិកម្ម និងសន្តិសុខស្បៀងសកល (GAFSP) នៃធនាគារពិភពលោក និងគម្រោង Rice Tech ដែល ទទួលបានការគាំទ្រពីរដ្ឋាភិបាលហូឡង់ ក្នុងគោលបំណងចូលរួមចំណែកលើកកម្ពស់ជីវភាពប្រជាកសិករ នៅភាគខាងជើងប្រទេសកម្ពុជា ជាពិសេសខេត្តមណ្ឌលគិរី និងខេត្តរតនៈគិរី។

ក្នុងនោះ ដើម្បីសម្រេចបាននូវគោលដៅរបស់គម្រោង ការផ្សារភ្ជាប់កិច្ចសន្យាផលិតកម្មកសិកម្ម និងខ្សែសង្វាក់ផ្គត់ផ្គង់ស្រូវ គឺដើរតួនាទីយ៉ាងសំខាន់ ក្នុងការផ្សារភ្ជាប់ផលិតផលស្រូវសរីរាង្គកសិករទៅកាន់ទីផ្សារតាមរយៈគម្រោង ដោយCACC ជាអ្នកប្រមូលទិញ និងក្រុមហ៊ុនអេមរុរ៉ាយស៍ ជាអ្នកនាំចេញផលិតផលសរីរាង្គទាំងនោះទៅកាន់ទីផ្សារអន្តរជាតិ។

លើសពីនេះ CACC ក្រោមកិច្ចសហការជាមួយមន្ទីរពាណិជ្ជកម្មខេត្តមណ្ឌលគិរី ដែលមន្ទីរបាននឹងកំពុង អនុវត្ត “គម្រោងជំរុញទីផ្សារសម្រាប់កសិករខ្នាតតូច” ហៅកាត់ថា អេមស៍ (AIMS) ក៏បានលើកទឹកចិត្ត ផងដែរសម្រាប់ក្រុមផលិតទាំងអស់ទូទាំងខេត្តមណ្ឌលគិរី និងខេត្តរតនៈគិរី ដែលចង់ផ្សារភ្ជាប់កិច្ចសន្យា ទិញ-លក់ជាមួយក្រុមហ៊ុន ជាពិសេសប្រភេទពូជស្រូវប្រណីតមានដូចជា ពូជស្រូវសែនក្រអូប និងពូជស្រូវ ផ្ការំដួលជាដើម៕

ដោយ៖ ឌិន ថារី

ព័ត៌មានអន្ដរជាតិ២២ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា