កីឡា

ខ្សែបម្រើលេចធ្លោ ៤នាក់របស់ កម្ពុជា ត្រៀមប្រកួតពាន AFC U23 Asian Cup

បានផុស

៩ ខែ មុន

នៅ

ថ្ងៃព្រហស្បតិ៍ ២៨ សីហា ២០២៥

ដោយ

ក្រុមបាល់ទាត់ជម្រើសជាតិកម្ពុជាអាយុ ២៣ ឆ្នាំ បានប្រមូលផ្តុំហ្វឹកហាត់ហើយដើម្បីត្រៀមប្រកួតជម្រុះក្នុងពូលពាន AFC U23 Asian Cup 2026 ចាប់ពីថ្ងៃទី៣ ដល់ទី៩ ខែកញ្ញា ឆ្នាំ២០២៥ នៅពហុកីឡដ្ឋានជាតិអូឡាំពិក។

ក្នុងចំណោម បញ្ជីឈ្មោះកីឡាករទាំងអស់ សង្កេតឃើញខ្សែបម្រើមានកីឡាករល្អៗច្រើនដូចជា ជូ ស៊ីនទិ, បុង សាំយូអែល, ស៊ីន សុវណ្ណមករា និងសមាជិកថ្មី ឈឿន ដាវីន។

ជូ ស៊ីនទិ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជូ ស៊ីនទិ មកពីក្លិបព្រះខ័នរាជស្វាយរៀង អាយុទើប ២២ ឆ្នាំ កម្ពស់ត្រឹមតែ ១.៦០ ម៉ែត្រ តែងតែទទួលបានការទុកចិត្តពីគ្រូបង្វឹកជម្រើសជាតិកម្ពុជាគ្រប់កម្រិតពោលគឺចាប់ពីយុវជន រហូតដល់ក្រុមជម្រើសដៃទី១។ រូបគេបានបង្ហាញខ្លួនឲ្យក្រុមជម្រើសជាតិកម្ពុជាទាំងពានរង្វានអាស៊ាន អាស៊ី និងជម្រុះពិភពលោក។ បើនៅក្លិបវិញ រូបគេក៏តែងតែទទួលឱកាសលេងកាន់តែច្រើននាពីររដូវកាលចុងក្រោយ។

បុង សាំយូអែល

បុង សាំយូអែល មកពីក្លិប ភ្នំពេញក្រោន អាយុ ១៩ ឆ្នាំ កម្ពស់ ១.៧៤ម៉ែត្រ ទទួលបានការចាប់អារម្មណ៍ខ្លាំង បន្ទាប់ពីរូបគេស៊ុតចូលក្រុមជម្រើសជាតិ វៀតណាម ក្នុងជំនួបមិត្តភាពអន្តរជាតិ កាលពីខែមីនា ឆ្នាំ ២០២៥។ រូបគេតែងតែទទួលបានឱកាសបង្ហាញខ្លួនឲ្យក្រុមជម្រើសជាតិកម្ពុជាគ្រប់កម្រិត និងបង្ហាញខ្លួនគ្រប់ការប្រកួតរបស់ភ្នំពេញក្រោន។ កីឡាកររូបនេះមានបច្ចេកទេស និងស្មារតីល្អសម្រាប់ជាអ្នកចែកបាល់កណ្តាល។

ស៊ីន សុវណ្ណមករា

ស៊ីន សុវណ្ណមករា មកពីក្លិប វិសាខា អាយុ ២០ ឆ្នាំ កម្ពស់ ១.៧៥ម៉ែត្រ ជាកម្លាំងដ៏សំខាន់របស់ក្លិប និងជម្រើសជាតិ។ រូបគេមានបទពិសោធច្រើនទាំងក្នុងការប្រកួតក្នុងស្រុក និងអន្តរជាតិជាមួយក្រុមជម្រើសជាតិណាស់រាប់ចាប់ពីកម្រិតយុវជន និងក្រុមធំ ព្រមទាំងក្លិប វិសាខា។

ឈឿន ដាវីន

ឈឿន ដាវីន មកពីក្លិប York United FC អាយុ ១៨ឆ្នាំ ទើបត្រូវបានកោះហៅចូលរួមជាមួយក្រុមជម្រើសជាតិកម្ពុជាជាលើកដំបូង។ រូបគេមិនទាន់មានបទពិសោធច្រើនទេក្នុងការប្រកូតជាមួយក្លិបនៅប្រទេសកាណាដាទេ ពីព្រោះរូបគេជាកីឡាករស្ថិតក្នុងក្រុមយុវជន។ ទោះបីជាយ៉ាងណា តាមរយៈវីដេអូឃ្លីបបង្ហាញឲ្យឃើញពីបច្ចេកទេសយ៉ាងល្អ ហើយរូបគេជាកីឡាករមកពីក្រៅប្រទេសម្នាក់គត់ក្នុងក្រុម U23 កម្ពុជា ដែលអ្នកគាំទ្រកំពុងចាប់អារម្មណ៍។

សម្រាប់កក្រុមបាល់ទាត់ជម្រើសជាតិកម្ពុជាត្រូវបានមើលឃើញពីមានខ្សែបម្រើល្អៗ ប៉ុន្តែនៅតំបន់ប្រយុទ្ធមិនសូវមានលេចធ្លោច្រើនទេ។ ជារឿយៗ គ្រូបង្វឹកជម្រើសជាតិកម្ពុជាពិបាកជ្រើសរើសខ្សែប្រយុទ្ធដោយសារមិនសូវមានច្រើន

កម្មវិធីប្រកួតរបស់កម្ពុជា

កម្ពុជា vs អូម៉ង់ (ថ្ងៃទី៣ កញ្ញា)
កម្ពុជា vs ប៉ាគីស្ថាន (ថ្ងៃទី៦ កញ្ញា)
កម្ពុជា vs អ៉ីរ៉ាក់ (ថ្ងៃទី៩ កញ្ញា)

អត្ថបទ៖ វីរបុត្រ

Related Topics:ក្រុមបាល់ទាត់ជម្រើសជាតិកម្ពុជា AFC U23 Asian Cup

ព័ត៌មានអន្ដរជាតិ១២ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច២ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

កីឡា៣ ថ្ងៃ ago

មូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង

ព័ត៌មានអន្ដរជាតិ៦ ថ្ងៃ ago

អ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ

ព័ត៌មានអន្ដរជាតិ១ សប្តាហ៍ ago

រដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា