ព័ត៌មានអន្ដរជាតិ
គោលបំណងធំៗចំនួន៥របស់លោក គីម នៅក្នុងដំណើរទស្សនកិច្ចដ៏កម្រទៅក្រុងប៉េកាំង
ក្នុងអំឡុងដំណើរទស្សនកិច្ចទៅទីក្រុងប៉េកាំងចូលរួមការដង្ហែក្បួនយោធារំលឹកខួបលើកទី៨០នៃការចុះចាញ់សង្គ្រាមលោកលើកទី២របស់ប្រទេសជប៉ុននាថ្ងៃទី៣កញ្ញា លោក គីម ជុងអ៊ុន ទំនងជាចង់ពង្រឹងជំហររបស់ប្រទេសកូរ៉េខាងជើងនៅលើឆាកអន្តរជាតិ ស្តារទំនាក់ទំនងជាមួយប្រទេសចិន និងសម្របសម្រួលយុទ្ធសាស្ត្រជាមួយទីក្រុងប៉េកាំង និងក្រុងមូស្គូប្រឆាំងនឹងសហរដ្ឋអាមេរិក និងលោកខាងលិច។
ដំណើរទស្សនកិច្ចនេះ គឺជាការចូលរួមលើកដំបូងរបស់លោក គីម នៅក្នុងព្រឹត្តិការណ៍ពហុភាគី និងជាលើកដំបូងដែលមេដឹកនាំកូរ៉េខាងជើងរូបនេះ នឹងនៅកន្លែងតែមួយក្នុងពេលតែមួយជាមួយប្រធានាធិបតីចិន ស៊ី ជីនពីង និងប្រធានាធិបតីរុស្ស៊ី វ៉្លាឌីមៀរ ពូទីន។
គោលបំណងធំៗសម្រាប់មេដឹកនាំកូរ៉េខាងជើង មានដូចជា៖
- លើកកម្ពស់ជំហរការទូត៖ តាមរយៈការបង្ហាញខ្លួនជាមួយលោក ស៊ី និងលោក ពូទីន នៅឯក្បួនដង្ហែយោធា លោក គីម បង្ហាញពីការវិលត្រឡប់របស់កូរ៉េខាងជើងទៅកាន់ឆាកពិភពលោក។ ការបង្ហាញខ្លួននេះ បង្កើនភាពស្របច្បាប់របស់លោកទាំងនៅក្នុងនិងក្រៅប្រទេស។
- សម្របសម្រួលរណសិរ្សរួបរួម៖ ជំនួបជាមួយចិន និងរុស្ស៊ី គឺជាឱកាសសម្រាប់លោក គីម ក្នុងការតម្រឹមយុទ្ធសាស្ត្រជាមួយសម្ព័ន្ធមិត្តសំខាន់ទាំងពីររបស់ទីក្រុងព្យុងយ៉ាង។ ការបង្ហាញជាសាធារណៈនៃសាមគ្គីភាពនេះ ផ្ញើសារដ៏រឹងមាំទៅកាន់សហរដ្ឋអាមេរិក និងដៃគូរបស់អាមេរិកនៅក្នុងតំបន់ រួមទាំងកូរ៉េខាងត្បូង និងជប៉ុនផងដែរ។
- ស្តារទំនាក់ទំនងជាមួយទីក្រុងប៉េកាំង៖ ខណៈពេលដែលទំនាក់ទំនងរបស់កូរ៉េខាងជើងជាមួយរុស្ស៊ីបានរីកដុះដាល ទំនាក់ទំនងជាមួយប្រទេសចិនត្រូវបានគេរាយការណ៍ថាបានធ្លាក់ចុះក្នុងរយៈពេលប៉ុន្មានឆ្នាំចុងក្រោយនេះ។ ដំណើរលើកនេះផ្តល់ឱកាសមួយសម្រាប់លោក គីម ដើម្បីកំណត់ឡើងវិញនូវទំនាក់ទំនងជាមួយដៃគូពាណិជ្ជកម្ម និងអ្នកផ្តល់ជំនួយដ៏សំខាន់បំផុតរបស់កូរ៉េខាងជើង។
- ទទួលការគាំទ្រផ្នែកសេដ្ឋកិច្ច និងយោធាប្រកបដោយសុវត្ថិភាព៖ ខណៈពេលដែលកូរ៉េខាងជើងបានធ្វើពាណិជ្ជកម្មសព្វាវុធជាមួយរុស្ស៊ី ប្រទេសដែលរងទណ្ឌកម្មមួយនេះនៅតែត្រូវការជំនួយសេដ្ឋកិច្ច និងការផ្ទេរបច្ចេកវិទ្យាយោធាដ៏មានសក្តានុពលពីរុស្ស៊ី និងចិន។ ចិនក៏ផ្តល់នូវការការពារការទូតដ៏សំខាន់សម្រាប់កូរ៉េខាងជើងប្រឆាំងនឹងសម្ពាធអន្តរជាតិផងដែរ។
- បង្កើនអានុភាពនៅក្នុងកិច្ចពិភាក្សានាពេលអនាគត៖ មុនពេលចាកចេញទៅកាន់ក្រុងប៉េកាំង លោក គីម បានចុះត្រួតពិនិត្យរោងចក្រផលិតមីស៊ីល ដោយចង់បង្ហាញពិភពលោកពីសមត្ថភាពអាវុធទំនើបរបស់កូរ៉េខាងជើង។ តាមរយៈការចូលរួមក្នុងកិច្ចប្រជុំកំពូលលើកនេះ លោកអាចបង្កើនឥទ្ធិពលការទូតរបស់ខ្លួនជាមួយសហរដ្ឋអាមេរិក និងកូរ៉េខាងត្បូង ដែលថ្មីៗនេះបានបង្ហាញចំណាប់អារម្មណ៍ក្នុងការចាប់ផ្តើមកិច្ចចរចាឡើងវិញ៕
ដោយ៖ ឈាង
-
ព័ត៌មានអន្ដរជាតិ១២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ