លោក ស សុខា ប្រគល់អំណោយជូនវរនគរបាលការពារព្រំដែនគោក និងជនភៀសសឹក ខេត្តសៀមរាប និងឧត្តរមានជ័យ

ក្រោមការយកចិត្តទុកដាក់ដ៏ខ្ពង់ខ្ពស់ ពីទុក្ខលំបាករបស់កងកម្លាំងការពារព្រំដែនគោក និងប្រជាពលរដ្ឋភៀសសឹក ចេញពីតំបន់ព្រំដែនកម្ពុជា-ថៃ នៅរសៀលថ្ងៃទី៨ ខែកញ្ញា ឆ្នាំ២០២៥លោក ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានអញ្ជើញដឹកនាំប្រតិភូក្រសួងមហាផ្ទៃ នាំយកអំណោយជាគ្រឿងឧបភោគ បរិភោគ និងសម្ភារៈប្រើប្រាស់ មួយចំនួនប្រគល់ជូនរដ្ឋបាលខេត្ត និងស្នងការដ្ឋាននគរបាលខេត្តសៀមរាប និងខេត្តឧត្តរមានជ័យ។

តាមការបញ្ជាក់របស់នាយករដ្ឋបាលខេត្ត បានឱ្យដឹងថា អំណោយរបស់លោក ស សុខា មានអង្ករ ២០តោន ,មី ១០០កេសធំ, ត្រីខ ១០០កេស , គុយទាវកញ្ចប់ ១០០ កេស ,ទឹកសុទ្ធ ២០០កេស និង ថ្នាំបាញ់មូស ៤ពាន់ដប ដែលត្រូវប្រគល់ជូនដល់ រដ្ឋបាលខេត្ត និងស្នងការដ្ឋាននគរបាលខេត្តសៀមរាប និងខេត្តឧត្តរមានជ័យ ក្នុងមួយខេត្ត និងអង្គភាព ទទួលបាន អង្ករ ៥តោន, មី ២៥កេសធំ , ត្រីខ ២៥កេស, គុយទាវកញ្ចប់ ២៥កេស ,ទឹកសុទ្ធ ៥០កេស និងថ្នាំបាញ់មូស ១ពាន់ដប៕

ការប្រគល់ជូនអំណោយនាពេលនេះ ដើម្បីសម្រាប់ធ្វើការផ្គត់ផ្គង់ជូនដល់វរនគរបាលការពារព្រំដែនគោក និងប្រជាពលរដ្ឋជាជនភៀសសឹក ដែលបានភៀសខ្លួនពីតំបន់ព្រំដែនកម្ពុជា-ថៃ ស្នាក់នៅតាមមណ្ឌលសុវត្ថិភាព ខេត្តសៀមរាប និងខេត្តឧត្តរមានជ័យ៕

ដោយ៖ គឿនវេត