ផ្សារល្បីឈ្មោះមួយក្នុងទីក្រុងបាងកក ត្រូវអគ្គិភ័យឆាបឆេះ

អណ្តាតភ្លើងយ៉ាងសន្ធោសន្ធៅលាយឡំជាមួយផ្សែងខ្មៅខ្មួលខ្មាញ់ ធ្វើឲ្យមនុស្សភ័យឆោឡោ ក្នុងហេតុការណ៍ឆេះផ្សារដ៏ល្បីមួយនៅប្រទេសថៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការផ្សាយរបស់ Khaosod, ផ្សារ Pahurat ក្នុងខ័ណ្ឌ Phra Nakhon នៃទីក្រុងបាងកក ត្រូវអគ្គិភ័យឆាបឆេះ នាវេលាម៉ោង១រំលងអធ្រាត្រឈានចូលថ្ងៃសៅរ៍ទី១៣ខែកញ្ញាឆ្នាំ២០២៥ ខណៈអាជ្ញាធរបញ្ជាក់ថា មូលហេតុគឺបណ្តាលមកពី ទុស្សេខ្សែភ្លើង។

សមត្ថកិច្ចបានឲ្យដឹងថា ភ្លើងបានឆេះចេញពីជាន់ទី២នៃអគារមួយ រួចក៏រាលដាលយ៉ាងឆាប់រហ័ស។ ភ្លាមៗកងពន្លត់អគ្គិភ័យត្រូវបានបញ្ជូនទៅ ហើយត្រូវចំណាយពេល២០នាទី ទើបគ្រប់គ្រងស្ថានការណ៍បាន។

ក្នុងហេតុការណ៍នេះ ធ្វើឲ្យអ្នករស់នៅជិតផ្សារភ្ញាក់ពីដំណេក ទាំងភាពភ័យរន្ធត់ ហើយប្រញាប់ប្រញាល់ជញ្ជូនទ្រព្យសម្បត្តិចេញពីផ្ទះ ឯខ្លះទៀតរត់ឆោឡោ។

ទោះបីជាយ៉ាងណាក៏ដោយ គ្មានមនុស្សស្លាប់ឬរបួសក្នុងហេតុការណ៍នេះទេ៕

អត្ថបទ៖ សុខ សុវណ្ណ

ចុចអាន៖ កម្លាំងពន្លត់អគ្គិភ័យពីរនាក់រងរបួសក្នុងប្រត្តិបត្តិការពន្លត់ភ្លើងនៅខណ្ឌជ្រោយចង្វារ