Man United ស្ថិតក្នុងក្លិបលំដាប់កំពូលទាំង ១០ រកបានប្រាក់ចំណូលច្រើនបំផុតក្នុងលោក

ក្លិបបាល់ទាត់ Manchester United នៅតែស្ថិតក្នុងចំណោមក្លិបលំដាប់កំពូលទាំង ៥ ក្នុងពិភពលោក ដែលរកបានប្រាក់ចំណូលប្រចាំឆ្នាំច្រើនជាងគេបំផុត ទោះពួកគេកំពុងធ្លាក់ទម្រង់លេងខ្លាំង និងគ្មានកៅអីលេងក្នុងពាន អឺរ៉ុប ណាមួយក៏ដោយ។

យោងតាមការចុះផ្សាយដោយ beIN SPORTS បានឱ្យដឹងថា Man United ស្ថិតក្នុងលំដាប់ទី ៤ ជាក្រុម ដែលរកចំណូលបានច្រើនបំផុត ពោលគឺចំនួន ៨៩៤ លានដុល្លារអាមេរិក។ ដោយឡែកក្រុមស្ថិតនៅលំដាប់ទី ១ គឺ Real Madrid ដោយឆ្នាំ ២០២៥ នេះ ពួកគេរកបានប្រាក់ចំណូលបានចំនួន ១.២១ ពាន់លានដុល្លារអាមេរិក។

ក្រុមលំដាប់ទី ២ បានទៅលើ Manchester City ដោយឆ្នាំ ២០២៥ ពួកគេរកបានប្រាក់ចំណូលចំនួន ៩៧៣ លានដុល្លារអាមេរិក។ ក្រុមលំដាប់ទី ៣ គឺ Paris Saint-Germain រកបានប្រាក់ចំណូលចំនួន ៩៣៥ លានដុល្លារអាមេរិក។ ក្រុមលំដាប់ទី ៥ គឺ Bayern Munich រកបានប្រាក់ចំណូលបានចំនួន ៨៨៩ លានដុល្លារអាមេរិក។

រីឯលំដាប់ទី ៦ បានទៅលើ Barcelona រកបានប្រាក់ចំណូលបានចំនួន ៨៨៣ លានដុល្លារអាមេរិក។ ក្រុមលំដាប់ទី ៧ បានទៅលើ Arsenal រកបានប្រាក់ចំណូលបានចំនួន ៨៣៣ លានដុល្លារអាមេរិក។ ក្រុមលំដាប់ទី ៨ គឺ Liverpool រកបានប្រាក់ចំណូលបានចំនួន ៨២៩ លានដុល្លារអាមេរិក។ ក្រុមលំដាប់ទី ៩ គឺ Tottenham Hotspur រកប្រាក់ចំណូលបានចំនួន ៧១៤ លានដុល្លារអាមេរិក។ ចុងក្រោយក្រុម Chelsea ស្ថិតនៅលំដាប់ទី ១០ រកប្រាក់ចំណូលបានចំនួន ៦៣២ លានដុល្លារអាមេរិក។

ខាងក្រោមនេះ ជាលំដាប់ក្លិបទាំង ១០ រកបានប្រាក់ចំណូលច្រើនបំផុតសម្រាប់ឆ្នាំ ២០២៥៖

១. Real Madrid – $១.២១ ពាន់លានដុល្លារអាមេរិក

២. Manchester City – ៩៧៣ លានដុល្លារអាមេរិក

៣. Paris Saint-Germain – ៩៣៥ លានដុល្លារអាមេរិក

៤. Manchester United – ៨៩៤ លានដុល្លារអាមេរិក

៥. Bayern Munich – ៨៨៩ លានដុល្លារអាមេរិក

៦. Barcelona – ៨៨៣ លានដុល្លារអាមេរិក

៧. Arsenal – ៨៣៣ លានដុល្លារអាមេរិក

៨. Liverpool – ៨២៩ លានដុល្លារអាមេរិក

៩. Tottenham – ៧១៤ លានដុល្លារអាមេរិក

១០. Chelsea – ៦៣២ លានដុល្លារអាមេរិក៕

ប្រែសម្រួល៖ សេម កុសល
ប្រភព៖ beIN SPORTS