ព័ត៌មានជាតិ
ខុសពីព្រលានចាស់ ព្រលានតេជោថ្មីតម្រូវឲ្យអ្នកដំណើរឆែកស្កេនសុវត្ថិភាព មុនចូលច្រកអន្តោប្រវេសន៍
អាកាសយានដ្ឋានអន្តរជាតិតេជោ បានកែសម្រួលបច្ចេកទេសខុសពីព្រលានចាស់ (ភ្នំពេញ) ដោយតម្រូវឲ្យអ្នកដំណើរត្រូវឆ្លងកាត់ទីតាំងត្រួតពិនិត្យសុវត្ថិភាព (X-ray) មុនបន្តទៅទីតាំងអន្តោប្រវេសន៍ដើម្បីពិនិត្យនិងបំពេញបែបបទអន្តោប្រវេសន៍។ នេះបើតាមការឲ្យដឹងពីមន្រ្តីអ្នកគ្រប់គ្រងមួយរូបនៅអាកាសយានដ្ឋានអន្តរជាតិតេជោបានប្រាប់កម្ពុជាថ្មីក្នុងដំណើរទស្សនកិច្ចថ្មីៗនេះ។
មន្រ្តីរូបនេះបានបញ្ជាក់ថា កាលពីព្រលានចាស់ (ភ្នំពេញ) អ្នកដំណើរបន្ទាប់ពី Check in ដើម្បីផ្ញើឥវ៉ាន់និងយកសំបុត្រយន្តហោះ គឺត្រូវទៅបំពេញបែបបទនៅទីតាំងច្រកអន្តោប្រវេសន៍ រួចទើបឆែកស្កេន (X-ray) ដើម្បីអាចឡើងទៅទីតាំងរង់ចាំចេញដំណើរ។
យ៉ាងណាមិញ នៅអាកាសយានដ្ឋានថ្មីអន្តរជាតិតេជោ អ្នកដំណើរបន្ទាប់ពី Check in យកសំបុត្រយន្តហោះត្រូវទៅទីតាំងឆែកស្កេនសុវត្ថិភាព (X-ray) ទើបអាចបន្តទៅទីតាំងច្រកអន្តោប្រវេសន៍ដើម្បីបន្តទៅទីតាំងរង់ចាំចេញដំណើរ។
ការផ្លាស់ប្តូរនេះ បើតាមមន្រ្តីដដែលរូបនេះដើម្បីសុវត្ថិភាពដល់មន្រ្តីបម្រើការងារផង និងក៏ជាការអនុវត្តតាមនីតិវិធីស្តង់ដាសម្រាប់អ្នកដំណើរនៅតាមអាកាសយានដ្ឋាននានាលើពិភពលោក។
អាកាសយានដ្ឋានអន្តរជាតិតេជោដែលមានតម្លៃសាងសង់ប្រមាណ ២ ០០០ លានដុល្លារ បានធ្វើទំនើបកម្មលើហេដ្ឋារចនាសម្ព័ន្ធ រួមទាំងបំពាក់បច្ចេកវិទ្យាទំនើបៗដើម្បីសម្រួលលំហូរអ្នកធ្វើដំណើរឆ្លងកាត់ព្រលានថ្មីរបស់កម្ពុជា។
ក្នុងនោះការដាក់ឲ្យប្រើប្រាស់ច្រកទ្វារអេឡិចត្រូនិកឆ្លាតវៃ (Smart Gate) សម្រួលដល់អ្នកដំណើរមកពីប្រទេសចំនួន ១៨ ដែលរួមមានប្រទេសនៅតំបន់អាស៊ានទាំង ១០ ប្រទេសនៅតំបន់អាស៊ីមាន ចិន ជប៉ុន កូរ៉េខាងត្បូង តំបន់សេដ្ឋកិច្ចពិសេសហុងកុង និងម៉ាកាវ ក៏ដូចជាប្រទេសនៅទ្វីបអាមេរិកមានសហរដ្ឋអាមេរិក អូស្ត្រាលី រួមទាំងប្រទេសអឺរ៉ុបមានបារាំង អាល្លឺម៉ង់ និងចក្រភពអង់គ្លេស អាចធ្វើដំណើរឆ្លងកាត់បានយ៉ាងងាយស្រួល។
បន្ថែមពីនេះ អាកាសយានដ្ឋានអន្តរជាតិតេជោ ក៏បាននាំយកឧបករណ៍ស្កេនដ៏ទំនើបដែលអាចស្កេនឆែកខ្លួនអ្នកដំណើរ ដោយមិនបាច់តម្រូវឲ្យដោះសម្ភារៈជាប់ខ្លួននោះទេ៕
-
ព័ត៌មានអន្ដរជាតិ១៥ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ