Connect with us

វប្បធម៌ ជំនឿ

តាមពិតសុបិនឃើញ “បុណ្យសព” មិនអាក្រក់ ដូចធ្លាប់ដឹងទេ

បានផុស

នៅ

តាមជំនឿតៗគ្នាជាយូរមកហើយគេជឿថា នៅពេលណាសុបិនឃើញពិធីបុណ្យសព មិនថាសុបិនចូលរួមពិធីបុណ្យសពឪពុកម្តាយ សាច់ញាតិ អ្នកស្គាល់គ្នា ឬជនមិនស្គាល់មុខក្ដី នៅពេលភ្ញាក់ដឹងខ្លួន អ្នកអាចជួបរឿងតក់ស្លុត ភ័យព្រួយ ឬការបាត់បង់អ្វីមួយកើតឡើង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ផ្ទុយទៅវិញ ការ​ទស្សន៍ទាយតាមក្បួនតម្រាជឿ​ថា បើ​សុបិន​ចូលរួម​បុណ្យ​សព​នរណា​ម្នាក់ អ្នកទំនង​បានធ្វើដំណើរ​ផ្លូវឆ្ងាយ​ ជាពិសេសឱកាសទៅកម្សាន្តនៅបរទេស​ ឬប្រហែលជាទទួលបានប្រាក់រង្វាន់ ឬវត្ថុមានតម្លៃដោយ​មិន​នឹក​ស្មាន​ដល់។

សុបិនឃើញពិធីបុណ្យសពគ្រួសារ

អ្នកអាចទទួលមរតក ទ្រព្យសម្បត្តិ ទទួលអំណោយ ទទួលបានការគាំទ្រ ឬរបស់ល្អពីញាតិមិត្ត។

សុបិនឃើញពិធីបុណ្យសពកុមារ

ពេលភ្ញាក់ឡើង អ្នកប្រហែលរងសម្ពាធតិចតួចពីអ្នកគ្រប់គ្រងរបស់អ្នក ប៉ុន្តែមិនថ្វីទេ វាជាប្រផ្នូលប្រាប់ដែរថា បញ្ហាទាំងអម្បាលម៉ាននឹងរលាយរលត់ ពេលអ្នកទៅធ្វើបុណ្យចែកទាន។

សុបិនឃើញពិធីបុណ្យសពមនុស្សចាស់

ងើបពីគេងមក អ្នកនឹងទទួលដំណឹងល្អអំពីភារកិច្ចការងារល្អៗ​ ជាពិសេសវាជាការងារដែលមានស្ថេរភាព អាចឱ្យអ្នកឈរជើងបានក្នុងរយៈពេលយូរ និងទទួលបានប្រាក់ចំណូលគាប់ចិត្ត។

សុបិនឃើញពិធីបុណ្យសពរបស់ស្ត្រី

ប្រសិនបើអ្នកខ្លួនឯងជាស្ត្រី ហើយសុបិនបានចូលរួមពិធីបុណ្យសពស្ត្រីដូចគ្នា ទស្សន៍ទាយថា អ្នកដែលមកសុំខ្ចីលុយ នឹងមិនសងមកអ្នកវិញទេ។ ប៉ុន្តែប្រសិនបើសុបិនឃើញបុណ្យសពបុរស ទាយថា អ្នកនឹងមានអំណាចលើភេទផ្ទុយ។

សុបិនឃើញពិធីបុណ្យសពរបស់បុរស

បើអ្នកជាបុរសហើយសុបិនឃើញចូលរួមបុណ្យបុរសដែរ វាជាសញ្ញាប្រាប់ថា បើមានពាក្យបណ្ដឹង អ្នកនឹងឈ្នះក្ដី ហើយរឿងអាក្រក់ៗនឹងប្រែទៅជាល្អ។ ប៉ុន្តែអ្នកសុបិនឃើញបុណ្យសពស្ត្រីវិញ ទាយថា ក្នុងអំឡុងពេលនេះ អ្នកប្រហែលជាត្រូវរងបន្ទុកធ្ងន់បន្តិចពីកន្លែងការងារ៕

អត្ថបទ៖ សន្យា

ចុចអាន៖ យល់សប្តិឃើញឪពុកស្លាប់ មានន័យយ៉ាងណា?

ចុចអាន៖ យល់សប្ដិឃើញ សព មឈូស និងមនុស្សស្លាប់ បកស្រាយអត្ថន័យល្អនិងអាក្រក់មករួមគ្នា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម