វប្បធម៌ ជំនឿ
ក្រសួងវប្បធម៌ និងវិចិត្រសិល្បៈរៀបចំកម្មវិធីអបអរសាទរទិវាអាស៊ានលើកទី៥៥
ភ្នំពេញ ៖ លោកជំទាវភឿង សកុណារដ្ឋមន្ត្រីក្រសួងវប្បធម៌ និងវិចិត្រសិល្បៈ នៃប្រទេសកម្ពុជា និងជាប្រធានរដ្ឋមន្ត្រីអាស៊ានទទួលបន្ទុកកិច្ចការវប្បធម៌ និងវិចិត្រសិល្បៈសម្រាប់ឆ្នាំ២០២០-២០២២បានអញ្ជើញចូលរួមជាអធិបតីក្នុងពិធីអបអរសាទរទិវាអាស៊ានលើកទី៥៥នៅសាលសន្និសីទចតុមុខរាជធានីភ្នំពេញ នារសៀលថ្ងៃទី៨ ខែសីហាឆ្នាំ២០២២។ ពិធីនេះក៏មានការអញ្ជើញចូលរួមពីថ្នាក់ដឹកនាំតំណាងស្ថាប័នឧត្តមមន្ត្រីផ្នែកវប្បធម៌និងសិល្បៈ អង្គទូតនៃបណ្តាប្រទេសជាសមាជិកអាស៊ាន និងដៃគូសន្ទនា មន្ត្រីជាន់ខ្ពស់សាលាភូមិន្ទរដ្ឋបាល ព្រមទាំងសិស្ស និងនិស្សិតជាច្រើននាក់ថែមទៀត។
លោកជំទាវ ភឿងសកុណាបានបញ្ជាក់ថា ពិធីនេះរៀបចំឡើងក្នុងគោលបំណងសាមគ្គីភាព សហគមន៍តែមួយជោគវាសនារួម តាមរយៈ កាពង្រីក ការផ្សព្វផ្សាយ និង កិច្ចសហប្រតិបត្តិការសហគមន៍ ទាំងមានបញ្ហាសេដ្ឋកិច្ចនយោបាយ សន្តិសុខសង្គម វប្បធម៌ ។
លោកជំទាវបង្ហាញពីមោទនភាព ដែលកម្ពុជាទទួលធ្វើជាប្រធានអាស៊ាននៅឆ្នាំ២០២២នេះ ហើយកម្ពុជា ប្តេជ្ញាដឹកនាំកិច្ចប្រជុំអាស៊ាន ក្រោមប្រធានបទ«អាស៊ានរួមគ្នាធ្វើដោះស្រាយបញ្ហាប្រឈមទាំងអស់គ្នា» សម្រាប់ ការផ្សះផ្សា សន្តិភាព និង ភាពចម្រុងចម្រើន នៅក្នុងតំបន់ទាំងមូលឱ្យទទួលបានជោគជ័យ។
លោកជំទាវបានបន្តថា ប៉ុន្មានឆ្នាំថ្មីៗនេះយើងបានកំណត់គោលនយោបាយនិងយុទ្ធសាស្ត្រដើម្បីការពារនិងរក្សាកេរ្តិ៍ ដំណែល វប្បធម៌ ដ៏សម្បូរបែប និងឱ្យកាន់តែរីកចម្រើន។
ជាមួយគ្នានោះយើង ក៏មានកិច្ចការសំខាន់ផ្សេងទៀត ដែលតម្រូវឲ្យមានកិច្ចសហប្រតិបត្តិការ និងភាពជាដៃគូ រឹងមាំក្នុងក្របខ័ណ្ឌទ្វេភាគី និងពហុភាគីជាពិសេស ក្នុងវិស័យវប្បធម៌ ក្នុងកិច្ចខិតខំប្រឹងប្រែង របស់យើងដើម្បីឈានដល់គោលដៅសម្រេចឱ្យបាននូវសហគមន៍ អាស៊ានសង្គម-វប្បធម៌ឆ្នាំ២០២៥។ ក្នុងក្របខ័ណ្ឌរបស់រដ្ឋមន្ត្រីអាស៊ាន ដែលទទួលបន្ទុកផ្នែកវប្បធម៌ និងវិចិត្រសិល្បៈ យើងត្រូវតែរួមគ្នាដោះស្រាយបញ្ហានានា ជាពិសេសការទទួលឥទ្ធិពលបច្ចុប្បន្នរបស់COVID-19ដើម្បីស្វែងរកផ្លូវសម្រាប់វិស័យវប្បធម៌ ដើម្បីឈានទៅមុខក្នុងលក្ខណៈដ៏រស់រវើក និងមានភាពស្វាហាប់ជាងមុន។
លោកជំទាវសង្ឃឹមថា ព្រឹត្តិការណ៍ថ្ងៃនេះ មិនត្រឹមតែជាការប្រារព្ធពិធី នៃវប្បធម៌ប៉ុណ្ណោះទេ ប៉ុន្តែ នឹងពង្រឹងចំណងមិត្តភាពមិត្តភាព វប្បធម៌ ទំនៀមទំលាប់ ដែលអនុញ្ញាតឲ្យយើងផ្លាស់ប្តូរគំនិត និងរៀនសូត្រពីគ្នាទៅ វិញទៅមកដោយអនុលោមទៅតាមស្មារតីអាស៊ាន“ទស្សនៈវិស័យមួយ អត្តសញ្ញាណមួយសហគមន៍មួយ”។
ពិធីអបអរសាទរទិវាអាស៊ានលើកទី៥៥នេះមានរៀបចំជាកម្មវិធីសំនួរចម្លើយចំណេះដឹងពីអាស៊ាន,ការសម្តែងទស្សនីយភាពរបាំអាស៊ាន ការសម្តែងនិងប្រគំជូនចម្រៀងអាស៊ាន,ពិព័រណ៍រូបថតសមិទ្ធផលក្នុងក្របខណ្ឌអាស៊ានផ្នែកវប្បធម៌និងសិល្បៈជាដើម។
សូមបញ្ជាក់ថា សមាគមន៍ប្រជាជាតិអាស៊ីអាគ្នេយ៍ហៅកាត់ថា អាស៊ានបង្កើតឡើងនៅថ្ងៃទី០៨ ខែសីហា ឆ្នាំ១៩៦៧ដោយ៥ប្រទេសដូចជា ប្រទេសឥណ្ឌូនេស៊ី,ម៉ាឡេស៊ី,ពីលីពីន,សិង្ហបុរី និងថៃ នៅទីក្រុងបាំងកកប្រទេសថៃ។ បច្ចុប្បន្ននេះ អាស៊ានមានសមាជិកចំនួន១០ប្រទេសរួមមាន៖ ប្រទេសប្រ៊ុយណេ , កម្ពុជា, ឥណ្ឌូនេស៊ី, ឡាវ ,ម៉ាឡេស៊ី, មីយ៉ាន់ម៉ា, ហ្វីលីពីន, សិង្ហបុរី, ថៃ និង វៀតណាម។ មកដល់ពេលនេះ អាស៊ានមានប្រជាជនជាង៦៦១លាននាក់ ដែលមានផលិតផលក្នុងស្រុកសរុប (GDP)ជាង៣ទ្រីលានដុល្លារអាមេរិក និងពាណិជ្ជកម្មលើសពី២,៧ទ្រីលានដុល្លារអាមេរិក៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង