ហោរាសាស្រ្តមនុស្សឆ្នាំ “ជូត ឆ្លូវ ខាល ថោះ” ​សម្រាប់ថ្ងៃទី៣០ កក្កដា ដល់ថ្ងៃទី៥ សីហា

អត្ថបទនេះនឹងលើកយកហោរាសាស្ត្រមនុស្សចំនួនបួនក្រុមដែលកើតក្នុងឆ្នាំ ជូត ឆ្លូវ ខាល ថោះ ដោយយោងតាមប្រតិទិនចន្ទគតិ ក្នុងក្បួនតម្រាចិន សម្រាប់ថ្ងៃទី៣០ ខែកក្កដា ដល់ថ្ងៃទី៥ ខែសីហា ឆ្នាំ២០២៣។

ឆ្នាំជូត (កណ្ដុរ)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្ថានភាពការងារ​ និងរបររកស៊ីរបស់កណ្ដុរ​ក្នុង​សប្ដាហ៍នេះមិនសូវជាល្អនោះទេ​។ យ៉ាងណាមិញសម្រាប់​អ្នក​ដែល​នៅលីវ​ នឹង​មាន​លាភ​សំណាងបាន​ជួប​មនុស្ស​ដែល​ខ្លួន​ពេញចិត្ត​។ នៅ​ក្នុងដំណាក់កាលទាក់ទង​គ្នា ឃើញ​ថាគេល្អជាមួយ​អ្នក​ខ្លាំង​ណាស់។ ប្រសិន​បើ​ឆ្លងផុតដំណាក់កាលដំបូង​ទៅ​បាន អ្នក​ទាំង​ពីរ​នឹង​មានឱកាសចូល​រោងការ​ សាងគ្រួសារដ៏មានសុភមង្គល។

ឆ្នាំឆ្លូវ (គោ)

រាសីរបស់គោ​ស្រុតចុះបន្តិច​ក្នុង​សប្ដាហ៍​នេះ​។ ផ្ទុយទៅវិញ អ្នកនឹងជួបសំណាងខាងស្នេហា។ ដោយមានការណែនាំពីសាច់ញាតិ ឬមិត្តភក្តិ គោនៅលីវនឹងបង្កើតមិត្តភក្តិថ្មីជាច្រើនជាមួយមនុស្សភេទផ្ទុយ។ ប្រសិនបើចេះចាប់យកឱកាស ភាគរយខ្ពស់ដែលអ្នកអាចបង្កើតចំណងស្នេហ៍ដ៏ល្អមួយ។

ចំពោះជីវិតអាពាហ៍ពិពាហ៍ដែលធ្លាប់មានភាព​តានតឹង​នឹងចាប់ផ្ដើម​ធូរស្រាល​។ ឆ្លងកាត់រឿងជាច្រើន ភាគីទាំងពីរចេះគិតគូរកាន់តែខ្លាំង និងចេះអធ្យាស្រ័យគ្នាទៅវិញទៅមក ហើយទំនាក់ទំនងអាពាហ៍ពិពាហ៍នឹងត្រឡប់ទៅភាពផ្អែមល្ហែមដូចពីមុនវិញ។

ឆ្នាំខាល (ខ្លា)

ទាំងទ្រព្យសម្បត្តិ និងប្រាក់ចំណូលរបស់គោនឹងមានស្ថេរភាពនៅក្នុងសប្ដាហ៍នេះ ទោះបីតានតឹងក្នុងរបរតិចតួចក្ដី។

រីឯ​បញ្ហា​ស្នេហា​វិញ​រាសីល្អណាស់ ជាពិសេស​សម្រាប់​ខ្លា​ដែលមានដៃគូ ​នឹង​មាន​ទំនាក់ទំនង​ល្អូកល្អឺននឹងគ្នា។  ខ្លាដែលមានទំនាក់ទំនងរលូន នឹងមានឱកាសចូលឈានដល់ដំណាក់កាលអាពាហ៍ពិពាហ៍ ឬភ្ជាប់ពាក្យ។ ចំណែកខ្លា​ដែល​មាន​​រៀបការ​រួច ទំនាក់ទំនងគ្រួសារនឹងមានភាពចុះសម្រុងគ្នា ហើយសុខកាយសប្បាយចិត្តទាំងអស់គ្នា។

ឆ្នាំថោះ (ទន្សាយ)

រាសីទន្សាយមិនឡើងមិនចុះនោះទេ។ ក្នុងនោះចូរប្រយ័ត្នចំពោះ​ទំនាក់ទំនង​ស្នេហា ​ព្រោះវាហាក់ដូចជា​មិន​រលូន​ប៉ុន្មាន​ឡើយ ហើយ​ជម្លោះ​ជាមួយ​ដៃគូ​ដោយសាររឿង​តូចតាចនឹងត្រូវកើតឡើង។

សប្ដាហ៍នេះទន្សាយ គួរតែចំណាយពេលជាមួយគ្រួសារឲ្យបានច្រើន កុំព្រងើយកន្តើយនឹងអារម្មណ៍អ្នកជុំវិញខ្លួន ព្រោះភាពរវល់នឹងការងាររបស់អ្នក។ ព្យាយាមធ្វើឱ្យមានតុល្យភាពរវាងទំនាក់ទំនងគ្រួសារ និងជីវិតការងារ ដើម្បីបង្កើតបរិយាកាសគ្រួសាររីករាយ។

រីឯលុយកាក់ គួរតែប្រយ័ត្នជាងធម្មតា ត្បិតការក្ស័យធនអាចបណ្តាលមកពីការធ្វេសប្រហែសរបស់អ្នក! ការចំណាយប្រចាំថ្ងៃនឹងមានទំហំធំជាងមុន។ ដូច្នេះត្រូវរៀបចំផែនការហិរញ្ញវត្ថុឱ្យបានល្អ ហើយចំណាយក្នុងកម្រិតមធ្យម ចៀសវាងខ្ចីបុលគេ៕

អត្ថបទ៖ សន្យា

ចុចអាន៖ បម្រាម ៨យ៉ាង ហាមធ្វើដាច់ខាតនៅលើក្បាលដំណេក