វប្បធម៌ ជំនឿ
បម្រាម ៨យ៉ាង ហាមធ្វើដាច់ខាតនៅលើក្បាលដំណេក
ក្បាលដំណេក ឬក្បាលគ្រែនៅក្នុងបន្ទប់គេង ជាកន្លែងទាក់ទាញហុងស៊ុយ នាំលាភសំណាងដល់ម្ចាស់ផ្ទះ បើរៀបចំត្រឹមត្រូវនឹងនាំភាពចម្រុងចម្រើន តែបើខុសវិញ ជីវិតគ្រួសារនឹងមិនបានសុខឡើយ។ ដូច្នេះហើយទើបបានជាអ្នកមានជំនឿមុតមាំទៅលើហុងស៊ុយ តែងតែព្យាយាមរៀបចំក្បាលដំណេក ឬក្បាលគ្រែយ៉ាងប្រុងប្រយ័ត្ន ដើម្បីបញ្ចៀសរឿងមិនល្អ។ ក្នុងនោះគេតែងគិតទៅលើរឿងសំខាន់ៗដូចជា៖
១. ហាមបែរក្បាលដំណេកទៅទិសខាងលិច និងខាងត្បូង មិនថាគេងទីណាក៏ដោយ ទោះជាផ្ទះខ្លួនឯង ផ្ទះគេ ឬផ្ទះសំណាក់ ចូរគេងបែរទៅទិសខាងកើតឬខាងជើង ព្រោះគេជឿថា វាជាទិសល្អ អាចនាំឥទ្ធិពលវិជ្ជមានដល់ជីវិត។ ចំណែកទិសខាងត្បូងវិញ ជាទិសដែលព្រះសិរសារបស់ព្រះពុទ្ធទ្រង់បែរទៅរកនៅពេលទ្រង់បរិនិព្វាន ដូច្នេះវាមិនល្អឡើយសម្រាប់ទិសដៅក្បាលដំណេក។ ចំពោះទិសខាងលិច ជាទិសមនុស្សស្លាប់ ចូរចៀសវាងដាច់ខាត ត្បិតវាអាចនាំជំងឺតម្កាត់ និងទាក់ទាញថាមពលអវិជ្ជមាន។
២. ហាមបែរក្បាលដំណេកប្រឈមបន្ទប់ទឹក គេជឿថា សុខភាពអ្នកនឹងកាន់តែអាក្រក់ជាលំដាប់។ ជីវិតនឹងជួបឧបសគ្គស្មុគស្មាញ និងការលំបាកឥតល្ហែ។
៣. ហាមបែរក្បាលដំណេកទៅរកជញ្ជាំងប្រេះ ប្រសិនបើក្បាលដំណេកមានជញ្ជាំងប្រេះស្រាំ គេជឿថាអ្នកនឹងមានជម្លោះជាមួយគូស្នេហ៍ អាចឈានដល់ការលែងលះទៀតផង។
៤. ហាមបែរក្បាលដំណេកប្រឈមនឹងផ្ទះបាយ គេជឿថា វាធ្វើឱ្យសុខភាពអន់ថយ ការងារមិនចម្រុងចម្រើន ព្រមទាំងគ្មានសំណាងខាងទ្រព្យសម្បត្តិ។
៥. ហាមគេងក្រោមធ្នឹមផ្ទះ គេចាត់ទុកការគេងក្រោមធ្នឹមផ្ទះជាហុងស៊ុយអាក្រក់ ធ្វើឱ្យអ្នកមានអារម្មណ៍មិនស្រួល យល់សប្តិច្រើន ជាពិសេសធ្នឹមជាចំណុចនៃផ្លូវដើររបស់ពពួកអមនុស្ស។
៦. ហាមគេងទល់មុខទ្វារចូលបន្ទប់ ទ្វារគឺជាចំណុចលំហូរនៃថាមពល ទាំងវិជ្ជមាន និងអវិជ្ជមាន ខណៈការបែរក្បាលដំណេកចំពីមុខទ្វារ នឹងនាំឱ្យមានការប៉ះទង្គិចហុងស៊ុយល្អៗ ឬចាស់ៗចំណាំថា គ្មានសិរីសួស្ដី។
៧. ហាមគេងនៅទល់មុខកញ្ចក់ធំ ការគេងនៅពីមុខកញ្ចក់ ត្រូវបានគេជឿថា ធ្វើឱ្យរាងកាយបញ្ចេញថាមពលអវិជ្ជមានពេញមួយយប់ នឹងនាំឱ្យគេងមិនគ្រប់គ្រាន់ ព្រមទាំងអាចនាំរឿងស៊យដល់ទំនាក់ទំនងប្ដីប្រពន្ធ។
៨. ហាមគេងបែរទៅរកបង្គន់ តាមជំនឿជឿថា អ្នកគេងងាយនឹងឈឺ នាំឱ្យសុខភាពចុះខ្សោយ ហើយវាជាហុងស៊ុយមិនល្អសម្រាប់អ្នកប្រកបរបររកស៊ីជួញដូរផ្សេងៗ៕
អត្ថបទ៖ សន្យា
ចុចអាន៖ ក្នុងក្បួនហុងស៊ុយ តើក្បាលគ្រែគួរបែរមុខទៅទិសណាល្អជាងគេ?
ចុចអាន៖ ពណ៌ផ្ទះហុងស៊ុយ ស្របតាមទិសទាំង ៨ ជួយទាក់ទាញសំណាងទ្វេដង
-
សេដ្ឋកិច្ច៦ ថ្ងៃ ago
គម្រោងសាងសង់ស្ពានតភ្ជាប់ពីខេត្តកំពង់ឆ្នាំង-កំពង់ធំ កំពុងរង់ចាំថវិកាពីចិន
-
ព័ត៌មានអន្ដរជាតិ៤ ថ្ងៃ ago
រុស្ស៊ី ផ្ទុះការវាយលុកដំណាក់កាលថ្មីលើ អ៊ុយក្រែន ប្រើទាំងរថពាសដែក ទម្លាក់គ្រាប់បែក និងបាញ់កាំភ្លើងធំ
-
ព័ត៌មានអន្ដរជាតិ៣ ថ្ងៃ ago
ព្យុះព្រះអាទិត្យ ដ៏កាចសាហាវ វាយប្រហារភពផែនដី
-
ជីវិតកម្សាន្ដ៥ ថ្ងៃ ago
Huang Xiaoming ជួបមិត្តស្រីភ្លាមៗ ក្រោយចេញក្រៅជាមួយអតីតភរិយា Angelababy និងកូនប្រុស
-
ព័ត៌មានជាតិ២ ថ្ងៃ ago
ការផ្លាស់ប្ដូរមេបញ្ជាការអាវុធហត្ថស្រុកមណ្ឌលសីមា ពុំមែនកំហុសឆ្គង ឬ វិន័យទណ្ឌកម្ម នោះទេ
-
នយោបាយ៥ ថ្ងៃ ago
ទីបំផុត បក្សដែលស្នើបង្កើតដោយលោក ឯម សុខសុវណ្ណ ត្រូវបានក្រសួងមហាផ្ទៃ ចុះឈ្មោះជាផ្លូវការ
-
ព័ត៌មានជាតិ២ ថ្ងៃ ago
មន្ទីរកសិកម្មខេត្តកែប ច្រានចោលការចោទប្រកាន់ថា មន្រ្តីកាប់សាច់សត្វប្រើសចែកគ្នាដែលងាប់ក្នុងផ្ទះអ្នកស្រុក
-
ព័ត៌មានអន្ដរជាតិ៦ ថ្ងៃ ago
អ៊ុយក្រែន បើកការវាយប្រហារចូលដីរុស្ស៊ី ចំទិវាជ័យជម្នះ