ព័ត៌មានជាតិ

ក្រុមហ៊ុនម៉ុង ឫទ្ធី ពង្រីកការវិនិយោគចិញ្ចឹមមាន់យកស៊ុត ខណៈកម្ពុជាមួយថ្ងៃនាំស៊ុតមាន់ជាង ១ លានគ្រាប់ពីប្រទេសជិតខាង

បានផុស

៣ ខែ មុន

នៅ

ថ្ងៃពុធ ២៥ កុម្ភៈ ២០២៦

ដោយ

បច្ចុប្បន្នកម្ពុជានៅមានការខ្វះខាតពងមាន់ច្រើន ដោយត្រូវនាំចូលប្រហែល ១ លានគ្រាប់ក្នុងមួយថ្ងៃពីប្រទេសវៀតណាម និងថៃ។ នេះបើតាមការគូសបញ្ជាក់ពីលោក លី ឡាវីល នាយកគ្រប់គ្រងទូទៅផ្នែកចិញ្ចឹមសត្វរបស់ក្រុមហ៊ុនម៉ុង ឫទ្ធី គ្រុប។

លោកថា ក្រុមហ៊ុនមានគោលបំណងបង្កើនការចិញ្ចឹមមាន់ ដើម្បីកាត់បន្ថយការនាំចូលស៊ុតមាន់ពីប្រទេសជិតខាង ដោយក្នុងនោះក្រុមហ៊ុនក៏គ្រោងនឹងផលិតសាច់មាន់ឱ្យបាន ២០ ០០០ តោនក្នុងមួយឆ្នាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក លី ឡាវីល អាវពណ៌ទឹកបិចនៅខាងឆ្វេង

បន្ថែមពីនេះ លោក លី ឡាវីល ដែលមានបទពិសោធការងារជាង ៣០ ឆ្នាំ នៅក្រុមហ៊ុនកសិឧស្សាហកម្មម៉ុង ឫទ្ធី ក៏លើកឡើងពីមូលហេតុដែលក្រុមហ៊ុនពង្រីកការចិញ្ចឹមសត្វច្រើនប្រភេទលើសពីជ្រូកមាន ដូចជា ត្រី គោ មាន់ និងទា គឺដើម្បីដើរឱ្យទាន់សមត្ថភាពផលិតរបស់រោងចក្រផលិតចំណីសត្វ។

លោកអះអាងថា រោងចក្រផលិតចំណីសត្វរបស់ក្រុមហ៊ុន មានសមត្ថភាពផលិតរហូតដល់ ៥០ តោនក្នុងមួយម៉ោង ប៉ុន្តែបច្ចុប្បន្ននៅមិនទាន់ប្រើអស់កម្លាំងផលិតនៅឡើយទេ ដូច្នេះការបង្កើនការចិញ្ចឹមសត្វជារឿងចាំបាច់។

បើតាមអ្នកឧកញ៉ា ម៉ុង ឫទ្ធី អគ្គនាយកក្រុមហ៊ុន ម៉ុង ឫទ្ធីបានបង្ហើបថា ក្រៅពីរោងចក្រផលិតចំណីសត្វ ក្រុមហ៊ុនក៏កំពុងសាងសង់រោងចក្រផលិតជីនៅតំបន់អភិវឌ្ឍសែនជ័យ មានចម្ងាយប្រហែលមួយម៉ោងពីភ្នំពេញ ដើម្បីយកសំណល់ពីការចិញ្ចឹមសត្វមកកែច្នៃជាជីធម្មជាតិ។

អ្នកឧកញ៉ាបានបញ្ជាក់ថា គ្រឿងបរិក្ខារសម្រាប់ដំណើរការរោងចក្រផលិតជីធម្មជាតិ បានរៀបចំរួចរាល់ហើយ។

លោកថា ក្រុមហ៊ុនមានចក្ខុវិស័យបង្កើតប្រព័ន្ធកសិកម្មមួយដែលវិលជុំ ដោយយកសំណល់ពីការចិញ្ចឹមជ្រូក និងមាន់មកផលិតជាជីសម្រាប់បម្រើឱ្យការដាំដុះដំណាំហូបផ្លែ ដូចជា ស្វាយ ធុរេន និងដំណាំផ្សេងៗទៀត៕

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា