Connect with us

សេដ្ឋកិច្ច

ព្រឹក​​នេះ​ ប្រេង​សកល​ធ្លាក់​​ថ្លៃ​​ក្នុង​​មួយ​​បារ៉ែល​​ជាង​៥​​ដុល្លារ​

បានផុស

នៅ

តម្លៃ​ប្រេង​បាន​ធ្លាក់​ចុះ​ជាង​៥​ដុល្លារ​អាមេរិក​ក្នុង​មួយ​បារ៉ែល​នា​ព្រឹក​ថ្ងៃ​ព្រហស្បតិ៍​នេះ​​ ស្រប​ពេល​មាន​​ព័ត៌មាន​​ថា ​រដ្ឋបាល​ប្រធានាធិបតី​អាមេរិក ចូ បៃដិន កំពុង​ថ្លឹង​ថ្លែង​ពី​ការ​បញ្ចេញប្រេង​​​​​១​លាន​បារ៉ែល​​ក្នុង​មួយ​ថ្ងៃ​ពី​ទុន​បម្រុង​យុទ្ធសាស្ត្រ​សម្រាប់​ច្រើន​ខែ​ដើម្បី​ទប់​ទល់​នឹង​តម្លៃ​ប្រេង​កំពុង​កើន​ឡើង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រេង​ឆៅ Brent ​បាន​ធ្លាក់​ចុះ​៤.៧១​ដុល្លារ ឬ​៤.២​% ​ដែល​ក្នុង​មួយ​បារ៉ែល​តម្លៃ​១០៨.៥៨​ដុល្លារ ហើយ​ប្រេងឆៅ​អាមេរិក West Texas Intermediate បាន​ធ្លាក់​៥.៤៥​ដុល្លារ​ ឬ​៥%​ ដែល​ក្នុង​មួយ​បារ៉ែល​តម្លៃ​១០២.៧៤​ដុល្លារ។

ដំណឹង​ថា រដ្ឋបាល​ប្រធានាធិបតី ចូ បៃដិន នឹង​ផ្តល់​ការ​កត់​សំគាល់​នា​ល្ងាច​ថ្ងៃ​ព្រហស្បតិ៍​នេះ​ដែល​លោក​ត្រូវ​បាន​គេ​រំពឹង​ថា នឹង​ប្រកាស​ផែនការ មាន​គោល​ដៅ​​បន្ថយ​ចុះ​តម្លៃ​ប្រេង​ដែល​បាន​ឡើង​ខ្ពស់​ជាប់​កំណត់​ត្រា ក្រោយ​ពេល​មាន​សង្គ្រាម​នៅ​អ៊ុយក្រែន។

តម្លៃ​ប្រេង​បាន​កើន​ឡើង​ប្រហែល​ជា​៣​%​កាល​ពី​ថ្ងៃ​ពុធ​ដែល​ជំរុញ​ឲ្យ​មាន​ការ​ព្រួយ​បារម្ភ​ផ្គត់​ផ្គង់ ខណៈ​ពេល​កិច្ច​ចរចា​សន្តិភាព​រវាង​រុស្ស៊ី និង​អ៊ុយក្រែន​ទំនង​ជា​ជាប់​គាំង។​

លោក Stephen Innes អ្នក​គ្រប់​គ្រង​ដៃ​គូ​នៅ​ក្រុម​ហ៊ុន SPI Asset Management បាន​និយាយ​ថា ៖«វា​ជា​ការ​ភ្ញាក់​ផ្អើល​មួយ តែ​ប្រសិន​បើ​ប្រវត្តិ​សាស្ត្រ​ថ្មី​ៗ​នេះបង្ហាញ​អ្វី​មួយ​នោះ ការ​បញ្ចេញ​ប្រេង​បម្រុង​នឹង​គ្រាន់​តែ​ជា​ដំណោះ​ស្រាយ​បណ្តោះ​អាសន្ន​ប៉ុណ្ណោះ និង​ប្រៀប​ដូច​ជា​ដាក់​ឧបករណ៍​ជំនួស​លើ​ជើង​បាក់»។

កាល​ពី​ដើម​ខែ​មីនា រដ្ឋបាល ចូ បៃដិន បាន​និយាយ​ថា ខ្លួន​នឹង​បញ្ចេញ​ប្រេង​៣០​លាន​បារ៉ែល​ពី​ការ​បម្រុង​យុទ្ធសាស្ត្រ​ដែល​ជា​ផ្នែក​មួយ​នៃ​ការ​បញ្ចេញ​ជា​សកល​៦០​លាន​បារ៉ែល​​ដើម្បី​ទប់​ស្កាត់​តម្លៃប្រេង។

ការ​បញ្ចេញ​បាន​ធ្វើ​​ឡើង នៅ​ពេល​ប្រេង​ស្តុក​អាមេរិក​បាន​ធ្លាក់​ចុះ​៣.៤​លាន​បារ៉ែល​ក្នុង​សប្តាហ៍ ថ្ងៃ​ទី​២៥ ខែ​មីនា ដែល​លើស​ពី​ការ​ព្យាករ​នៃ​ការ​ធ្លាក់​ចុះ​១​លាន​បារ៉ែល ប៉ុន្តែ​​តម្រូវ​ការ​សាំង និង​ប្រេង​ម៉ាស៊ីន​ចម្រោះ​ក៏​ធ្លាក់​ចុះ​ដែរ៕

ប្រែ​សម្រួល៖ វីរបុត្រ
ប្រភព៖ Reuters

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១០ នាទី មុន

មីជាតិ រកឃើញអ្នកមានសំណាង ឈ្នះរង្វាន់ ៥,០០០,០០០ រៀល ពីកម្មវិធីហែកឆុង ហែកឈ្នះ វគ្គ ២

ជីវិតកម្សាន្ដ១៥ នាទី មុន

ស្គាល់ដែរទេ? រាជិនីសម្រស់ទាំង ៤ ប្រចាំប្រទេស​ ហ្វីលីពីន ​ក្នុងឆ្នាំ ២០២២ នេះ

ព័ត៌មានជាតិ៣០ នាទី មុន

សហគ្រិនស្ត្រី​ផលិតមីខ្មែរមានការ​គាំទ្រ​គ្រោង​បើកសិប្បកម្ម​វិវត្ត​ទៅលក់ហ្វ្រេនឆាយ

ព័ត៌មានជាតិ៣៤ នាទី មុន

គណបក្សប្រជាជនកម្ពុជា នឹង​រៀបចំពិធីអបអរសាទរខួបអនុស្សាវរីយ៍​លើកទី៧១ នៅថ្ងៃទី២៨ ខែមិថុនា នេះ

សន្តិសុខសង្គម៥៥ នាទី មុន

​ភ្លៀងធ្លាក់​​ប៉ុន្មាន​ថ្ងៃជាប់គ្នា ស្រុកមួយចំនួន​ក្នុង​ខេត្ត​បាត់ដំបង​ ប៉ះពាល់​ខូចខាតផ្ទះជាច្រើនខ្នង

Sokha Hotels

ព័ត៌មានពេញនិយម