សេដ្ឋកិច្ច
កម្ពុជា‑ចិនរួមគ្នាស្រាវជ្រាវ និងបណ្តុះបណ្តាលបច្ចេកទេសលើវិស័យផ្លូវដែក
វិទ្យាស្ថានតេជោសែន សាធារណការ និងដឹកជញ្ជូនសហការជាមួយសាកលវិទ្យាល័យ Beijing Jiao Tong University (BJTU)និងក្រុមហ៊ុន Beijing Urban Construction Groupកាលពីថ្ងៃទី១២ខែឧសភាឆ្នាំ២០២២បានចុះហត្ថលេខាលើអនុស្សរណៈយោគយល់គ្នាដើម្បីពង្រឹងសមត្ថភាពធនធានមនុស្ស និងកិច្ចសហប្រតិបត្តិការត្រីភាគីក្នុងការផ្លាស់ប្តូរនិស្សិត និងការចុះកម្មសិក្សា ទស្សនកិច្ច ឯកទេសសាងសង់ ការស្រាវជ្រាវរួមគ្នា និងការបណ្តុះបណ្តាលបច្ចេកទេសវិស័យផ្លូវដែក។
លោក ហឿន សំនៀង នាយកវិទ្យាស្ថានតេជោសែន សាធារណការ និងដឹកជញ្ជូនបានថ្លែងក្នុងពិធីចុះហត្ថលេខានោះថា ការចាប់ដៃគូជាមួយស្ថាប័នចិនទាំងពីរខាងលើនេះក្នុងគោលបំណងបណ្តុះបណ្តាលកូនខ្មែរឱ្យមានជំនាញច្បាស់លាស់ ចំណេះដឹងទូលំទូលាយ និងមានសីលធម៌ អត្តចរិត ចរិយាសម្បតិ្តត្រឹមត្រូវ ដើម្បីដោះស្រាយវិបត្តិកង្វះអ្នកជំនាញបច្ចេកទេសនាពេលបច្ចុប្បន្ន និងបង្កើតឱ្យមានអ្នកបន្តវេនរបស់កម្ពុជាដ៏មានសក្តានុពល និងស្មារតីទទួលខុសត្រូវលើវិស័យសាធារណការ និងដឹកជញ្ជូន នាពេលអនាគត រួមចំណែកអភិវឌ្ឍសេដ្ឋកិច្ច និងសង្គមជាតិ។
លោក វ៉ាស៊ឹម សុរិយា អនុរដ្ឋលេខាធិការក្រសួងសាធារណការ និងដឹកជញ្ជូនបានមានប្រសាសន៍ថា អនុស្សរណៈ នៃការយោគយល់គ្នានេះ គឺជាធាតុសំខាន់បំផុតមួយ ដែលរួមចំណែកដល់ការបង្កើតកិច្ចសហប្រតិបត្តិការត្រីភាគីប្រកបដោយប្រសិទ្ធភាព រវាងវិទ្យាស្ថានតេជោសែន សាធារណការ និងដឹកជញ្ជូន សាកលវិទ្យាល័យ Beijing Jiao Tong University និងក្រុមហ៊ុន Beijing Urban Construction Group ដើម្បីធានាគុណភាព នៃការអប់រំ សមស្របទៅនឹងតម្រូវការទីផ្សារ និងផ្តល់ជំនួយបច្ចេកទេស ដែលជាអត្ថប្រយោជន៍ដ៏ធំធេងសម្រាប់សិស្សានុសិស្សក្នុងការពង្រីកឱកាសការងារជំនាញ ចំណេះដឹងឱ្យកាន់តែទូលំទូលាយ។
លោក HUANG Taiyan លេខាធិការបក្សកុម្មុយនីស្តចិន និងជាប្រធានក្រុមប្រឹក្សានៃសាកលវិទ្យាល័យ Beijing Jiao Tong University បានបន្ថែមថា សាកលវិទ្យាល័យ BJTU នឹងរង់ចាំការពង្រឹងទំនាក់ទំនងជាមួយវិទ្យាស្ថានតេជោសែន សាធារណការ និងដឹកជញ្ជូន និងក្រុមហ៊ុន Beijing Urban Construction Group ដើម្បីពង្រឹងសមត្ថភាពធនធានមនុស្ស និងកិច្ចសហប្រតិបត្តិការត្រីភាគីក្នុងការផ្លាស់ប្តូរនិស្សិត និងការចុះកម្មសិក្សា ទស្សនកិច្ច ឯកទេសសាងសង់ ការស្រាវជ្រាវរួមគ្នា និងការបណ្តុះបណ្តាលបច្ចេកទេសផ្លូវដែក ដែលដើរតួនាទីយ៉ាងសំខាន់ក្នុងការរក្សានូវមិត្តភាព វិបុលភាពរួមគ្នា និងផលប្រយោជន៍ទៅវិញទៅមកនៃប្រទេសទាំងពីរ។
លោក Chen Daihua ប្រធានក្រុមហ៊ុន Beijing Urban Construction Group បានឱ្យដឹងដែរថា ក្រុមហ៊ុន BUCG ជាសហគ្រាសសំណង់ធំមួយរបស់រដ្ឋ ហើយក៏ជាសហគ្រាសមួយក្នុងចំណោមសហគ្រាសកំពូលទាំង៥០០របស់ចិន ឋិតក្នុងចំណាត់ថ្នាក់ទី១៤ នៅក្នុង “កំពូលអ្នកម៉ៅការសំណង់ជាសកល ២៥០” នៃ ENR ។
លោកបានបន្តថា ក្រុមហ៊ុន BUCG និងសាកលវិទ្យាល័យ Beijing Jiao Tong University មានកិច្ចសហប្រតិបត្តិការជាច្រើនក្នុងវិស័យដឹកជញ្ជូនផ្លូវដែកក្នុងទីក្រុង ការបណ្តុះបណ្តាលសមត្ថភាព ការស្រាវជ្រាវគម្រោង និងការផ្លាស់ប្តូរបទពិសោធន៍ជាច្រើន ដែលបានបង្កើតបានជាមូលដ្ឋានគ្រឹះដ៏ល្អសម្រាប់ការអភិវឌ្ឍរួមគ្នារវាងស្ថាប័នទាំងពីរ។
លោកសង្ឃឹមថា វិទ្យាស្ថានតេជោសែន សាធារណការ និងដឹកជញ្ជូន សាកលវិទ្យាល័យ Beijing Jiao Tong University និងក្រុមហ៊ុន BUCG អាចឆ្ពោះទៅមុខរួមគ្នា ដើម្បីលើកកម្ពស់ការបង្កើតទ្រឹស្តី ក៏ដូចជាការអនុវត្តទ្រឹស្តីទាំងនោះដោយផ្ទាល់ ព្រមទាំងបង្កើតកម្មវិធីសម្រាប់ការបណ្តុះបណ្តាលសមត្ថភាពធនធានមនុស្សរួមគ្នា៕ សំអឿន
-
ព័ត៌មានជាតិ១ សប្តាហ៍ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ២ ថ្ងៃ ago
កម្ពុជា ជាមេកន្ទ្រាញគ្រងលើអត្រាស្ទុះងើបឡើងវិញនៃវិស័យទេសចរណ៍ខ្ពស់ជាងគេនៅអាស៊ាន
-
ព័ត៌មានជាតិ១ សប្តាហ៍ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
KPT+១ ថ្ងៃ ago
ខ្លះៗពីទិវាកុហក ១ មេសា ឬ April Fools’ Day
-
ព័ត៌មានជាតិ២ ថ្ងៃ ago
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
ចរាចរណ៍៤ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ១ ថ្ងៃ ago
ក្រុមហ៊ុនអ្នកឧកញ៉ា គិត ម៉េង ប្រកាសបង្កើតតំបន់សេដ្ឋកិច្ចពិសេសថ្មីមួយទៀតនៅខេត្តកណ្តាល
-
ព័ត៌មានអន្ដរជាតិ៨ ម៉ោង ago
អ៊ីស្រាអែល វាយប្រហារកម្ទេចស្ថានកុងស៊ុលអ៊ីរ៉ង់ សម្លាប់ទាំងមេទ័ពកំពូល