សេដ្ឋកិច្ច

ក្រសួងពាណិជ្ជកម្មថៃបានរៀបចំកម្មវិធី Thai Products Festival 2022 កម្មវិធីផ្សព្វផ្សាយទំនិញឧបភោគបរិភោគថៃ

បានផុស

២ ខែ មុន

នៅ

ថ្ងៃអាទិត្យ ១៧ កក្កដា ២០២២

ដោយ

លោក នីរៈវ៉ាត់ រង្ស៊ីកានចានៈ អគ្គទីប្រឹក្សាពាណិជ្ជកម្មអគ្គនាយកដ្ឋានជំរុញពាណិជ្ជកម្មអន្តរជាតិនៃក្រសួងពាណិជ្ជកម្មថៃ (DITP)បានថ្លែងថា អគ្គនាយកដ្ឋានជំរុញពាណិជ្ជកម្មអន្តរជាតិនៃក្រសួងពាណិជ្ជកម្មថៃបានរៀបចំកម្មវិធី Thai Products Festival 2022 កម្មវិធីផ្សព្វផ្សាយទំនិញឧបភោគបរិភោគថៃ សហការគ្នាជួយដល់ជីវភាពរស់នៅ នៅម៉ាក្រូសាខាសែនសុខ និងសៀមរាប។ កម្មវិធីនេះនឹងរៀបចំឡើងចាប់ពីថ្ងៃទី 13-26 ខែកក្កដា ឆ្នាំ2022 ។ នៅក្នុងកម្មវិធីនេះនឹងមានការលក់ជូននូវទំនិញឧបភោគបរិភោគថៃគុណភាពខ្ពស់ ក្នុងតម្លៃពិសេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

• នៅក្នុងកម្មវិធីនេះនឹងមានការចែកជូន និងភ្លក្សម្ហូបថៃ ពីភោជនីយដ្ឋានថៃដែលទទួលបានស្លាកសញ្ញាបញ្ជាក់គុណភាព Thai SELECT នៅរៀងរាល់ថ្ងៃសៅរ៍ និងអាទិត្យ ក្នុងអំឡុងពេលនៃការរៀបចំកម្មវិធី។

• ជាពិសេស ពេលលោកអ្នកទិញទំនិញថៃនៅក្នុងកម្មវិធីនេះ 5 ដុល្លារ នឹងទទួលបានឆ្នោតផ្សងសំណាង 1 សន្លឹក ដើម្បីឈ្នះរង្វាន់ជាច្រើន (ចាប់រង្វាន់ថ្ងៃទី 28 ខែកក្កដា ឆ្នាំ2022 វេលាម៉ោង 5 ល្ងាច)។

• ក្នុងឱកាសដ៏ល្អនេះ សូមអញ្ជើញលោកអ្នកមកចូលរួមទស្សនា កម្មវិធីផ្សព្វផ្សាយទំនិញឧបភោគបរិភោគថៃ ឆ្នាំ2022 ដើម្បីជ្រើសរើសទិញ និងទស្សនាទំនិញថៃគុណភាពខ្ពស់ ក្នុងតម្លៃពិសេស ជួយដល់ជីវភាពរស់នៅជូនដល់ប្រជាជនកម្ពុជា ។ លោក នីរៈវ៉ាត់ រង្ស៊ីកានចានៈ បានថ្លែងដូច្នេះ។