ព័ត៌មានជាតិ
មួយថ្ងៃផលិតបាន ៧៥០០ ប៉ារ៉ែល កម្ពុជានឹងលក់ផលប្រេងទាំងអស់ ទៅទីផ្សារអន្តរជាតិ
ក្រោយការប្រកាសទទួលបានដំណក់ប្រេងជាលើកដំបូង កម្ពុជានឹងលក់ផលប្រេងទាំងអស់ទៅទីផ្សារអន្តរជាតិ។
ឯកឧត្តមជៀប សួរ អគ្គនាយកនៃអគ្គនាយកដ្ឋានប្រេងកាតកម្ពុជាបានថ្លែងប្រាប់កម្ពុជាថ្មីនៅរសៀលនេះថា បច្ចុប្បន្នកម្ពុជាអត់មានរោងចក្រចម្រាញ់ប្រេងនៅឡើយទេ ដូច្នេះប្រេងដែលបូមបានជាប្រេងឆៅ នឹងនាំចេញទៅលក់នៅទីផ្សារបរទេស។
ឯកឧត្តមបន្តថា លទ្ធភាពការបូមបាននៅដំណាក់កាលដំបូងបានប្រហែល ៧៥០០ បារ៉ែលក្នុងមួយថ្ងៃ ហើយរយៈពេល ០៩ ឆ្នាំ រំពឹងអាចផលិតបាន ៣៥ លានប៉ារ៉ែល។
តាមអគ្គនាយកប្រេងកាតមិនរំពឹងថា តម្លៃប្រេងនៅកម្ពុជាអាចនឹងធ្លាក់ចុះនោះទេ ដោយការចម្រាញ់ប្រេងឆៅត្រូវដឹកទៅប្រទេសផ្សេង តែចំណូលដែលបានពីការលក់ប្រេងនេះ នឹងបង្ហូរចូលថវិកាជាតិជួយដល់ការអភិវឌ្ឍវិស័យផ្សេងៗ។
ប្រមុខរដ្ឋាភិបាលសម្ដេចតេជោ ហ៊ុន សែន ក៏បានសាទរដែលកម្ពុជាបានទទួលដំណក់ប្រេងលើកដំបូងដែលជាការទន្ទឹងរង់ចាំយ៉ាងយូរ។ សម្តេចតេជោថ្លែងថា ផលចំណូលបានពីប្រេងនេះជាពរជ័យសម្រាប់យកមកអភិវឌ្ឍជាតិ មិនមែនជាបណ្តាសារដូចការលើកឡើងរបស់ជនអគតិមួយចំនួននោះទេ។
នៅឆ្នាំ ២០០២ រដ្ឋាភិបាលកម្ពុជាបានចុះកិច្ចព្រមព្រៀងជាមួយក្រុមហ៊ុន Chevron របស់អាមេរិក ដើម្បីបើកផ្លូវឲ្យដំណើរការសាងសង់និងអភិវឌ្ឍអណ្តូងប្រេងអាចចាប់ផ្តើមបាន។តាមផែនការ ផលិតកម្មប្រេងដំបូងគ្រោងចាប់ផ្តើមនៅអំឡុងខែធ្នូឆ្នាំ២០១២។ ប៉ុន្តែដោយការពិនិត្យលក្ខណៈបែងចែកផលសេដ្ឋកិច្ច និងសង្គតភាពច្បាប់ពាក់ព័ន្ធនិងផែនការអភិវឌ្ឍនិងអាជីវកម្មស្នើ ការចរចារកិច្ចព្រមព្រៀងប្រេងកាតក៏ត្រូវបានប្រព្រឹត្តិទៅយ៉ាងស្វិតស្វាញរវាងភាគីទាំងពីរ (រាជរដ្ឋាភិបាលនិងក្រុមហ៊ុន)។
ដោយកិច្ចខិតខំប្រឹងប្រែងរបស់រាជរដ្ឋាភិបាល និងការចូលរួមយ៉ាងសកម្មពីក្រុមហ៊ុន Kris Energy ដែលជាប្រតិបត្តិករនៃគម្រោងនេះ បានសម្រេចបាននូវការបញ្ចប់ដោយជោគជ័យជាស្ថាពរនូវការសាងសង់ ការបំពាក់គ្រឿងសម្ភារៈនិងបរិក្ខានៃបណ្តាហេដ្ឋារចនាសម្ព័ន្ធចាំបាច់នានា និងការបូមបានដំណក់ប្រេងលើកដំបូងនៅថ្ងៃ ២៩ ធ្នូ ឆ្នាំ២០២០៕
-
ព័ត៌មានអន្ដរជាតិ១២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ