សេដ្ឋកិច្ច
កម្ពុជា មានកម្លាំងពលកម្មប្រមាណ ១១លាននាក់ ស្មើនឹង ៩៩,៣ភាគរយ
ស្ថានភាពទីផ្សារការងារកម្ពុជា មានភាពរឹងមាំ ដោយរក្សាបាននូវអត្រាមានការងារធ្វើខ្ពស់ប្រមាណ ៩៩,៣ភាគរយ និងកម្លាំងពលកម្មសរុបចំនួន ១១លាននាក់។ នេះជាការបញ្ជាក់របស់លោក ហេង សួរ រដ្ឋលេខាធិការក្រសួងការងារ និងបណ្តុះបណ្តាលវិជ្ជាជីវៈ នៅក្នុងសន្និសីទសារព័ត៌មាន ស្ដីពី “សមិទ្ធផលសម្រេចបានរយៈពេល ៥ឆ្នាំកន្លងមក របស់ក្រសួងការងារ និងបណ្ដុះបណ្ដាលវិជ្ជាជីវៈ” នៅទីស្តីការគណៈរដ្ឋមន្រ្តី ថ្ងៃទី ១២ ខែ តុលា ឆ្នាំ ២០២២។
បើតាមលោក ហេង សួរ កម្លាំងពលកម្មនៅក្នុងប្រទេស មានដូចជា ក្នុងវិស័យឧស្សាហកម្មមានប្រមាណ ២.៥លាននាក់, កសិកម្ម ៣.៤លាននាក់, វិស័យសេវាកម្មចំនួន ៣.១លាននាក់ និងមន្រ្តីសាធារណៈមានប្រមាណ ៥០ម៉ឺននាក់។
ដោយឡែកកម្លាំងពលកម្ម ដែលជាពលករទេសន្តរប្រវេសន៍ កំពុងបម្រើការងារនៅក្រៅប្រទេសមានប្រមាណ ១.៣លាននាក់។ ក្នុងនោះ នៅប្រទេសថៃចំនួនជាង ១,២លាននាក់, នៅប្រទេសកូរ៉េជាង ៤ម៉ឺន ៦ពាន់នាក់, ម៉ាឡេស៊ីជាង ២ម៉ឺននាក់, ជប៉ុនជាង ១ម៉ឺន ៤ពាន់នាក់, សិង្ហបុរីជាង ៨ពាន់នាក់, ហុងកុងជិត ២ពាន់នាក់ និងអារ៉ាប់ប៊ីសាអូឌីតប្រមាណ ៣៤នាក់។ នេះបើតាមរបាយការណ៍របស់ក្រសួងការងារ គិតត្រឹមខែ កក្កដា ឆ្នាំ ២០២២។
ជាមួយគ្នានេះ ពលករខ្មែរ ធ្វើការនៅក្រៅប្រទេស បានផ្ញើប្រាក់មកកម្ពុជា មានប្រមាណ ២.៧ ពាន់លានដុល្លារ ក្នុងមួយឆ្នាំៗ។ នេះជាការបន្ថែមរបស់លោក ហេង សួរ៕
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង