សេដ្ឋកិច្ច
UN ៖ ទំហំពាណិជ្ជកម្មសកល នឹងឈានដល់កម្រិតកំណត់ត្រា ៣២ ពាន់ពាន់លានដុល្លារអាមេរិក
ទីភ្នាក់ងារពាណិជ្ជកម្ម និងអភិវឌ្ឍន៍អង្គការសហប្រជាជាតិ (UNCTAD) បាននិយាយកាលពីថ្ងៃអង្គារថា ពាណិជ្ជកម្មសកលត្រូវបានកំណត់ នឹងឈានដល់ជិត ៣២ ពាន់ពាន់លានដុល្លារក្នុងឆ្នាំ ២០២២ ប៉ុន្តែកំណើនរបស់វាបានប្រែប្រួលអវិជ្ជមានក្នុងអំឡុងឆមាសទីពីរនៃឆ្នាំនេះ ។
បើតាមរបាយការណ៍ពាណិជ្ជកម្មសកលរបស់ទីភ្នាក់ងារអង្គការសហប្រជាជាតិ បង្ហាញថា ស្ថានភាពសេដ្ឋកិច្ចកាន់តែយ៉ាប់យ៉ឺន និងការកើនឡើងភាពមិនច្បាស់លាស់នេះហើយ ទើបបណ្តាលឲ្យមានការធ្លាក់ចុះនៃពាណិជ្ជកម្មក្នុងកំឡុងឆមាសទីពីរ ។
ប៉ុន្តែទោះជាយ៉ាងណា UNCTAD និយាយថា ការធ្លាក់ចុះនេះ គឺមានលក្ខណៈបន្ទាប់បន្សំប៉ុណ្ណោះ ដោយសារទំហំពាណិជ្ជកម្មបានបន្តកើនឡើងពេញមួយឆ្នាំ ២០២២ ដែលជាសញ្ញានៃតម្រូវការខ្លាំងក្លារបស់សកល ។
ដោយឡែក ខណៈដែលតម្លៃនៃពាណិជ្ជកម្មទំនិញអន្តរជាតិមានស្ថេរភាពក្នុងអំឡុងឆមាសទីពីរនៃឆ្នាំ ២០២២ បានធ្វើឲ្យទំហំពាណិជ្ជកម្មបានកើនឡើងក្នុងអំឡុងត្រីមាសទី ៣ ហើយគេរំពឹងថា នឹងបន្តកើនឡើងដល់អំឡុងត្រីមាសចុងក្រោយនេះ ។
ជាមួយគ្នានេះ របាយការណ៍បានបន្តថា “ផ្ទុយទៅវិញ កំណើនពាណិជ្ជកម្មត្រូវបានធ្លាក់ចុះក្នុងអំឡុងពេលឆមាសទីពីរនៃឆ្នាំនេះ ដោយក្នុងអំឡុងត្រីមាសទី៣ ពាណិជ្ជកម្មទំនិញបានធ្លាក់ចុះប្រហែល ១ ភាគរយធៀបនឹងត្រីមាសទី ២ ឆ្នាំ២០២២ ខណៈពាណិជ្ជកម្មលើសេវាកម្ម កើនឡើង ១.៣ ភាគរយ ក្នុងអំឡុងពេលដូចគ្នា” ។
ទន្ទឹមនឹងនោះ ចំពោះតម្លៃពាណិជ្ជកម្មសកល, UNCTAD បង្ហាញថានឹងធ្លាក់ចុះក្នុងត្រីមាសទី ៤ សម្រាប់ទំនិញ និងសេវាកម្ម ។ ចំពោះកំណើនពាណិជ្ជកម្មយ៉ាងច្រើនក្នុងកំឡុងឆ្នាំចុងក្រោយនេះ UNCTAD បញ្ជាក់ទៀតថា គឺភាគច្រើនដោយសារតែការកើនឡើងនៃតម្លៃពាណិជ្ជកម្មនៃផលិតផលថាមពល ។
ក្រៅពីនោះ ពាណិជ្ជកម្មក្នុងវិស័យមួយចំនួនក៏បានកើនឡើងផងដែរ ដូចជាក្នុងសម្លៀកបំពាក់ សារធាតុគីមី និងយានជំនិះផ្លូវថ្នល់ ប៉ុន្តែតម្លៃនៃការធ្វើពាណិជ្ជកម្មក្នុងត្រីមាសទី ៣ ឆ្នាំ ២០២២ គឺទាបជាងរយៈពេលដូចគ្នានៃឆ្នាំមុនសម្រាប់វិស័យមួយចំនួន រួមទាំងឱសថ រ៉ែ ទំនាក់ទំនង និងឧបករណ៍ដឹកជញ្ជូន ៕
ប្រែសម្រួលដោយ ៖ រតនៈ
ប្រភព ៖ Anadolu
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២៣ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ២១ ម៉ោង ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ