ព័ត៌មានអន្ដរជាតិ
ប៉ូលិសរឹបអូសលុយសុទ្ធ ១.៦៨ លានដុល្លារ រឿងពុករលួយម្ចាស់ផ្ទះ World Cup នៅកាតា របស់លោកស្រី Eva Kaili (មានវីដេអូ)
ប៉ូលិសរឹបអូសបានសាច់ប្រាក់ ១.៦៨ លានដុល្លារ អំឡុងការស៊ើបអង្កេតករណីពុករលួយរបស់សភាអឺរ៉ុបលើផ្ទះលោកស្រី Eva Kaili ជុំវិញការប្រកួតបាល់ទាត់ពិភពលោកឆ្នាំ ២០២២ ដែលប្រទេសកាតាធ្វើជាម្ចាស់ផ្ទះ ។
ការរឹបអូសនេះបានកើតឡើង បន្ទាប់ពីប៉ូលិសបានចាប់ខ្លួនអនុប្រធានសភាអឺរ៉ុបរូបនេះកាលពីថ្ងៃសុក្រសប្ដាហ៍មុននៅប្រទេសប៊ែលហ្ស៊ិក លើបទចោទប្រកាន់ពុករលួយ និងលាងលុយកង្វក់ ក៏ដូចជាបានផ្តល់សំណូកដល់អ្នកនយោបាយ EU ឲ្យកាតាធ្វើជាម្ចាស់ផ្ទះ World Cup ខណៈកាលពីពេលថ្មីៗនេះសមាជិកសភាអឺរ៉ុបក៏បានបោះឆ្នោតគាំទ្រយ៉ាងលើសលុបក្នុងការដកលោកស្រីចេញពីតំណែងផងដែរ ។
ការិយាល័យប្រឆាំងអំពើពុករលួយកណ្តាលបាននិយាយនៅក្នុងសេចក្តីថ្លែងការណ៍មួយថា ប៉ូលិសសហព័ន្ធ (PJF) របស់ប្រទេសបែលហ្ស៊ិកបានសង្ស័យថា “ប្រទេសឈូងសមុទ្រមួយនេះបានជះលុយយ៉ាងច្រើនសន្ធឹកសន្ធាប់ ឬអំណាចសំខាន់ៗផ្សេងៗទៀតដល់ភាគីទី ៣ ដែលមានឥទ្ធិពលលើសមាជិកសភាអឺរ៉ុប ហើយក្រោយមកប៉ូលិសបានរឹបអូសប្រាក់ជាង ១.៦៨ លានដុល្លារ ព្រមទាំងឧបករណ៍កុំព្យូទ័រ និងទូរសព្ទដៃផងដែរ” ។
ពាក់ព័ន្ធនឹងបញ្ហានេះដែរ មេធាវីរបស់លោកស្រីគឺលោក Michalis Dimitrakopoulos ក្នុងអំឡុងបទសម្ភាសនៅការិយាល័យរបស់លោកនៅទីក្រុង Athens ប្រទេសក្រិកបាននិយាយធានាថា “លោកស្រី Kaili មិនមានទំនាក់ទំនងជាមួយលុយដែលបានរកឃើញនៅផ្ទះរបស់លោកស្រីនោះទេ ។ លោកស្រីមិនដឹងអំពីអត្ថិភាពនៃប្រាក់នេះឡើយ” ។
ស្របពេលជាមួយគ្នាននេះ លោកមេធាវីបានអះអាងសារជាថ្មីថា កូនក្តីរបស់លោកគឺ “គ្មានកំហុស” នោះទេ ជាពិសេសការរកឃើញកាបូបដែលផ្ទុកទៅដោយលុយ ១.៦៨ លានដុល្លារក្នុងផ្ទះល្វែងរបស់លោកស្រីនៅទីក្រុងប្រ៊ុចសែល ។
គួរបញ្ជាក់ថា លោកស្រី Kaili ជាអ្នកនយោបាយក្រិក និងជាអនុប្រធានម្នាក់ក្នុងចំណោម ១៤ នាក់នៅក្នុងសភាអឺរ៉ុប ស្ថិតក្នុងចំណោមមនុស្ស ៤ នាក់ដែលត្រូវបានចាប់ខ្លួន នៅក្នុងប្រទេសប៊ែលហ្ស៊ិកកាលពីចុងសប្តាហ៍ ជុំវិញរឿងអាស្រូវដែលបានបង្កឲ្យមានកំហឹងនៅទីក្រុងប្រ៊ុចសែល និងហានិភ័យធ្វើឲ្យខូចកេរ្តិ៍ឈ្មោះសហភាពអឺរ៉ុបនៅទូទាំងពិភពលោក ៕
សូមទស្សនាវីដេអូ!
ប្រែសម្រួលដោយ ៖ ជីវ័ន្ត
ប្រភព ៖ Le Soir
ចុចអាន ៖ តើ World Cup ឆ្នាំនេះអាចជាន់ដានចាស់ដូច ២០១៨ ដែរឬទេ បារាំង ជាអ្នកលើកពាន?
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង