ភាគហ៊ុននៅក្នុងធនាគារ Credit Suisse បានធ្លាក់ចុះ និងធ្វើឲ្យស្ថាប័នហិរញ្ញវត្ថុធំៗផ្សេងទៀតនៅអឺរ៉ុបមិនស្រួលចិត្ត ខណៈមានការភ័យខ្លាចកាន់តែខ្លាំង អំពីបញ្ហានៅក្នុងប្រព័ន្ធធនាគារពិភពលោក បន្ទាប់ពីការដួលរលំធនាគារនៅសហរដ្ឋអាមេរិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ភាគហ៊ុនរបស់ធនាគារ Credit Suisse បានបាត់បង់ច្រើនជាងមួយភាគបួនកាលពីថ្ងៃពុធទី១៥ខែមីនា ពោលគឺបានឈានដល់កម្រិតទាបបំផុត បន្ទាប់ពីម្ចាស់ភាគហ៊ុនធំជាងគេរបស់ខ្លួន គឺធនាគារជាតិអារ៉ាប៊ីសាអូឌីត បានប្រាប់សារព័ត៌មានថា ខ្លួននឹងមិនបញ្ចូលលុយបន្ថែមទៀតទៅក្នុងធនាគារនេះទេ។

ភាពចលាចលនេះ បានបណ្តាលឲ្យមានការផ្អាកដោយស្វ័យប្រវត្តិ ក្នុងការជួញដូរភាគហ៊ុនធនាគារ Credit Suisse នៅទីផ្សារប្រទេសស្វីស ហើយបានធ្វើឲ្យភាគហ៊ុននៅក្នុងធនាគារអឺរ៉ុបផ្សេងទៀតធ្លាក់ចុះ ដោយខ្លះធ្លាក់ដល់ពីរខ្ទង់ឯណោះ។

រឿងនេះ ក៏បានបង្កឲ្យមានការភ័យខ្លាចថ្មីទៀតផងដែរ អំពីស្ថានភាពរបស់ស្ថាប័នហិរញ្ញវត្ថុ បន្ទាប់ពីការដួលរលំធនាគារ Silicon Valley និង Signature Bank នៅសហរដ្ឋអាមេរិក។

ភាគហ៊ុនរបស់ធនាគារ Credit Suisse បានបាត់បង់ប្រហែល៣០% ដោយធ្លាក់ចុះដល់ប្រហែល ១.៧៣ដុល្លារក្នុងមួយហ៊ុន។ នៅកម្រិតទាបបំផុត តម្លៃបានធ្លាក់ចុះជាង៨៥%ឯណោះកាលពីខែកុម្ភៈឆ្នាំ២០២១៕

ប្រែសម្រួល៖ Vann Vann

ប្រភព៖ Aljazeera

ចុចអាន៖ សម្តេច ហ៊ុន សែន អំពាវនាវពលរដ្ឋកម្ពុជា កុំស្លន់ស្លោរ រឿងដួលរលំធនាគារអាមេរិក